ការធ្វើតេស្តឈាមគឺជារឿងសំខាន់សម្រាប់គ្រូពេទ្យអាចរកឃើញថា អ្នកមានបញ្ហាលើសកូឡេស្តេរ៉ុលក្នុងឈាមឬអត់។ ដូច្នេះហេតុអ្វីបានជាការសម្គាល់កូឡេស្តេរ៉ុលក្នុងឈាមគឺជារឿងសំខាន់ចឹង? ព្រោះវានឹងជួយអ្នកកំណត់ដឹងថា អ្នកកំពុងតែប្រឈមនឹងជំងឺបេះដូងឬអត់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ មានរឿងច្រើនណាស់ដែលអាចបញ្ជាក់ថា អ្នកកំពុងតែមានកូឡេស្តេរ៉ុលក្នុងឈាមខ្ពស់។ ចូរកត់សម្គាល់ថា អាការៈមួយចំនួនខាងក្រោមនេះអាចនឹងជាប់ទាក់ទងនឹងបញ្ហាសុខភាពជាច្រើន ហើយក៏ត្រូវទៅជួបពេទ្យដើម្បីពិនិត្យកូឡេស្តេរ៉ុលក្នុងឈាមដែរ៖
ត្របកភ្នែកមានដុះសាច់លឿងៗ
ការដុះសាច់លឿងៗលើត្របកភ្នែកខាងលើ និងក្រោមអាចមិនមានការឈឺចាប់ឡើយ។ វាត្រូវបានគេហៅថា Xanthelasma។ កុំបារម្ភអី វាមិនប៉ះពាល់ដល់ភ្នែកឡើយ តែវាជាសញ្ញាដែលបញ្ចាក់អំពីការលើសកូឡេស្តេរ៉ុលក្នុងឈាម។ ដើម្បីកំចាត់សាច់ដុះពណ៌លឿងៗនេះគឺបញ្ចុះកូឡេស្តេរ៉ុលក្នុងឈាមមកធម្មតា។
មានរង្វង់ពណ៌ប្រផេះជុំវិញកញ្ចក់ភ្នែក
ចូរឆ្លុះកញ្ចក់ឲ្យជិតភ្នែក ហើយសង្កេតមើលភ្នែកដោយប្រុងប្រយ័ត្ន។ បើសិនជាមានស្នាមរង្វង់ពណ៌ប្រផេះនៅជុំវិញកញ្ចក់ភ្នែក ឬហៅថា Circumferential Arcus មានន័យថា វាជាសញ្ញាបញ្ជាក់ថា កូឡេស្តេរ៉ុលក្នុងឈាមកំពុងតែឡើងខ្ពស់ ហើយវាច្រើនតែកើតឡើងលើមនុស្សអាយុចាប់ពី ៤៥ឆ្នាំចុះក្រោម។ និយាយទៅ វាគឺជាការប្រមូលផ្តុំកូឡេស្តេរ៉ុលក្នុងកញ្ចក់ភ្នែកតែម្តង។
អារម្មណ៍ឈឺឈៀបៗក្នុងប្រអប់ដៃ និងជើង
ការលើសកូឡេស្តេរ៉ុលអាចធ្វើឲ្យសរសៃឈាមជាច្រើនក្នុងរាងកាយកកស្ទះបាន ហើយវាគឺជាហេតុផលមួយដែលសុខភាពអ្នករងគ្រោះថ្នាក់ដែរបើសិនជាកូឡេស្តេរ៉ុលឡើងខ្ពស់ពេក។ កាលណាកូឡេស្តេរ៉ុលច្រើនពេក វានឹងកកកុញនៅតាមសរសៃឈាមប្រអប់ដៃនិងជើង រហូតដល់ធ្វើឲ្យឈឺឈៀបៗបាន។
ឈឺចាប់នៅកញ្ចឹងក និងផ្នែកខាងក្រោយនៃក្បាល
ចាប់តាំងពីកូឡេស្តេរ៉ុលក្នុងឈាមឡើងខ្ពស់ អាចធ្វើឲ្យសរសៃឈាមស្ទះបាន វាក៏អាចធ្វើឲ្យប៉ះពាល់ដល់របត់ឈាមរត់នៅក្បាលបានដែរ។ រឿងនេះអាចធ្វើឲ្យអ្នកមានអារម្មណ៍ថា ឈឺកញ្ចឹងកជាប់រហូត ហើយស្មាក៏អាចឈឺដូចគ្នាដែរ។ គ្រូពេទ្យនិយាយដែរថា ការដែលកូឡេស្តេរ៉ុលក្នុងឈាមឡើងខ្ពស់ក៏ធ្វើឲ្យឈឺក្បាល ជាពិសេសផ្នែកខាងក្រោយនៃក្បាលតែម្តង។
បេះដូងលោតញ៉ាប ឬខ្លាំងៗ
ភាគច្រើន ការញ័រដើមទ្រូងមិនមានអ្វីគ្រោះថ្នាក់ឡើយ។ វាច្រើនតែជាអារម្មណ៍មួយកើតឡើងក្រោយហាត់ប្រាណរួច ឬធ្វើសកម្មភាពរាងកាយណាមួយដែលខ្លាំងក្លា។ ពេលខ្លះវាអាចដោយសារតែការថប់អារម្មណ៍ ស្រ្តេស និងការលេបថ្នាំក៏មានដែរ។ ប៉ុន្តែការញ័រទ្រូងក៏ជាសញ្ញាបញ្ជាក់អំពីបញ្ហាជាច្រើនដែលទាក់ទងនឹងប្រព័ន្ធបេះដូងសរសៃឈាម និងការលើសកូឡេស្តេរ៉ុលក្នុងឈាមដែរ។
របបអាហារ និងរបៀបរស់នៅមិនផ្តល់សុខភាព
តើអ្នកជាមនុស្សដែលញ៉ាំអាហារសម្បូរខ្លាញ់ច្រើនៗ និងមិនចូលចិត្តបន្លែមែនទេ? តើអ្នកជក់បារី និងញ៉ាំគ្រឿងស្រវឹងច្រើនៗទេ? (អាន:ថ្នាំងងុយគេង ពេលអ្នកគួរប្រើ)តើអ្នកធាត់ និងមិនបានហាត់ប្រាណជាប្រចាំដែរទេ? បើសិនចម្លើយសុទ្ធតែ វិជ្ជមាននោះ មានន័យថា អ្នកកំពុងតែរស់នៅក្នុងសភាពដែលធ្វើឲ្យកូឡេស្តេរ៉ុលក្នុងឈាមឡើងខ្ពស់ហើយ៕