ស្នាមជាំ គឺជាការមានរបួសមួយប្រភេទទៅលើស្បែក ឬជាលិកានៅក្រោមស្បែក។ គ្រប់គ្នាសុទ្ធតែមានបញ្ហាជាំស្បែកម្តងម្កាលហើយក្នុងជីវិត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)រឿងនេះច្រើនតែមិនមានអ្វីដែលត្រូវបារម្ភឡើយ។ យ៉ាងណាមិញ បើសិនជាអ្នកកំពុងតែជួបអាការៈហើម ឬឈឺចាប់ដោយសារតែរបួសកំពុងតែជិតជា ហើយមានការជាំស្បែក យកល្អគួរតែប្រើវិធីដូចខាងក្រោមនេះដើម្បីបំបាត់ការជាំ៖

  • កុំប្រើប្រាស់អវៈយវៈដែលកំពុងតែមានស្នាមជាំ
  • ស្អំទឹកកក ១០ ទៅ ២០នាទី ពីរទៅបីដងក្នុងមួយថ្ងៃរយៈពេល ៤៨ម៉ោង។ ប៉ុន្តែមិនត្រូវយកទឹកកកស្អំជាប់នឹងស្បែកផ្ទាល់ឡើយ។ ចូររុំវាជាមួយនឹងកន្សែងសិន។ 
  • ប្រើបង់រុំកន្លែងដែលហើម ប៉ុន្តែធ្វើយ៉ាងណាកុំឲ្យរឹងតឹងពេកព្រោះអាចកាត់ផ្តាច់លំហូរឈាមបាន
  • លើកអវៈយវៈដែលជាំនោះឲ្យខ្ពស់ជាងបេះដូង

ថ្នាំអាស្ពីរីនអាចធ្វើឲ្យហូរឈាមកាន់តែខ្លាំងបាន ដូច្នេះចូរជ្រើសរើសថ្នាំ Acetaminophen ឬIbuprofen ដើម្បីគ្រប់គ្រងការឈឺចាប់។ អ្នកក៏អាចប្រើវិធីធម្មជាតិដូចខាងក្រោមបានដែរ៖

  • ប្រើជែលប្រទាលកន្ទុយក្រពើលាបលើស្បែកផ្ទាល់
  • ក្រែមវីតាមីន K ក៏អាចជួយបន្ថយភាពធ្ងន់ធ្ងរនៃការជាំបានដែរនៅពេលប្រើប្រាស់បានយ៉ាងហោចណាស់ ២ដងក្នុងមួយថ្ងៃ។

យ៉ាងណាមិញ ចូរទៅជួបគ្រូពេទ្យភ្លាមបើសិនជាការជាំរបស់អ្នកមានលក្ខណៈដូចខាងក្រោមនេះ៖

  • ហើមឈឺខ្លាំងនៅជុំវិញកន្លែងជាំស្បែក
  • ការឈឺចាប់ចេះតែបន្តរហូតបីថ្ងៃក្រោយពីមានរបួសតិចតួច
  • ស្បែកងាយនឹងជាំដោយគ្មានហេតុផល
  • មានប្រវត្តិហូរឈាម
  • ហូរឈាមមិនធម្មតាចេញពីអញ្ចាញធ្មេញ ឬច្រមុះ(អាន:ថ្នាំងងុយគេង ពេលអ្នកគួរប្រើ)
  • អស់កម្លាំង ស្បែកស្លេកស្លាំង ឬបាត់បង់ចំណង់អាហារ ឬស្រកទម្ងន់មិនដឹងមូលហេតុ៕