តើអ្នកកំពុងតែញ៉ាំភេសជ្ជៈមានជាតិហ្គាសតែគ្មានកាឡូរីដើម្បីសម្រកទម្ងន់មែនទេ? មែនហើយអ្នកវិទ្យាសាស្រ្តនិយាយថា អ្នកនឹងតែអាចឡើងទម្ងន់បានដដែល បូករួមនឹងបញ្ហាសុខភាពជាច្រើនទៀតបើសិនជាធ្វើបែបនេះមែន។ ភេសជ្ជៈមានជាតិហ្គាសសម្រាប់សម្រកទម្ងន់មានផលអាក្រក់ដូចទឹកក្រូចមានជាតិហ្គាសធម្មតាអ៊ីចឹងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ្នកគិតថាទឹកក្រូចប្រភេទនេះមានផលល្អដោយសារតែគ្មានជាតិផ្អែមនោះ ចូរគិតឡើងវិញម្តងទៀតទៅ។ យ៉ាងណាមិញ ខាងក្រោមនេះគឺជាហេតុផលមួយចំនួនដែលអ្នកគួរតែចៀសវាងការញ៉ាំភេសជ្ជៈមានជាតិហ្គាសម្រាប់សម្រកទម្ងន់៖
ពុកធ្មេញ
ដោយសារតែភេសជ្ជៈមានជាតិហ្គាសសម្រាប់សម្រកទម្ងន់មិនមានជាតិស្ករ មិនមែនមានន័យថា ជាតិផ្អែមរបស់វាមិនអាចបង្កើនការលូតលាស់បាក់តេរីសម្រាប់បំផ្លាញធ្មេញបានឡើយ។ ពិតណាស់ ភេសជ្ជៈបែបនេះត្រូវបានបញ្ជាក់ពីទន្តពេទ្យថា អាចធ្វើឲ្យពុកធ្មេញដូចគ្នា ដោយសារតែវាផ្ទុកទៅដោយអាស៊ីតផូស្វរិច។
ពុកឆ្អឹង
វាមិនត្រឹមតែធ្វើឲ្យខូចធ្មេញទេ តែវាក៏ធ្វើឲ្យខូចឆ្អឹងដែរ។ ភេសជ្ជៈមានជាតិហ្គាសសម្រាប់សម្រកទម្ងន់អាចធ្វើឲ្យប្រឈមនឹងជំងឺពុកឆ្អឹងបាន ដោយសារវត្តមានរបស់អាស៊ីតផូស្វរិចច្រើន។ វានឹងទៅទាញជាតិកាលស្យូមមួយចំនួនចេញពីឆ្អឹងរហូតដល់ពុកឆ្អឹងបាន។
ជំងឺទឹកនោមផ្អែម
ហេតុផលដ៏សំខាន់មួយដែលមនុស្សជាច្រើនជ្រើសរើសភេសជ្ជៈមានជាតិហ្គាសសម្រាប់សម្រកទម្ងន់ទទួលទាន ដោយសារតែជំងឺទឹកនោមផ្អែម ដើម្បីកុំឲ្យឡើងជាតិស្ករក្នុងឈាមខ្ពស់។ អ្វីដែលគួរឲ្យភ្ញាក់ផ្អើលនោះគឺថា ការញ៉ាំភេសជ្ជៈបែបនេះនៅតេអាចធ្វើឲ្យកើតជំងឺទឹកនោមផ្អែមបានដដែល ដោយសារតែវាបង្កើនជាតិស្ករក្នុងឈាម។
ធាត់ជ្រុល
ជឿឬអត់ថា ការញ៉ាំភេសជ្ជៈមានជាតិហ្គាសសម្រប់សម្រកទំ្ងន់នឹងមិនអាចជួយឲ្យអ្នកមានរាងស្លីមឡើយ។ ផ្ទុយទៅវិញ វាអាចធ្វើឲ្យចង្កេះកាន់តែរីកធំទៅវិញទេ។ ហេតុផលពីរយ៉ាងនៅពីក្រោយរឿងនេះគឺថា ទី១ ភេសជ្ជៈបែបនេះមានជាតិផ្អែមជាងភេសជ្ជៈធម្មតាច្រើនដង ហើយក៏ជាបញ្ហាធំមួយដែលនាំឲ្យអ្នកឃ្លានញ៉ាំអ្វីផ្សេងថែមទៀត។ (អាន:ថ្នាំងងុយគេង ពេលអ្នកគួរប្រើ)ទី២ ការញ៉ាំភេសជ្ជមួយនេះអាចធញវើឲ្យអ្នកគិតថា វាមិនអីឡើយក្នុងការញ៉ាំអាហារមិនផ្តល់សុខភាពផ្សេងៗទៀត រហូតដល់ឡើងទម្ងន់ឥតប្រយោជន៍៕