ស៊ុតពណ៌សគឺជាអាហារមានកាឡូរីទាប ត្រឹមតែ ១៧កាឡូរីប៉ុណ្ណោះសម្រាប់ស៊ុតមួយគ្រាប់។ វាក៏មិនមានកូឡេស្តេរ៉ុល ឬខ្លាញ់ ប្រភេទ Saturated ដែលធ្វើឲ្យលើសខ្លាញ់រហូតដល់កើតជំងឺទឹកនោមផ្អែម ឬបេះដូងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ ស៊ុតពណ៌សមិនត្រឹមតែមានរសជាតិឆ្ងាញ់ទេ តែវាក៏មានប្រយោជន៍ និងពោរពេញទៅដោយជីវជាតិដែលផ្តល់សុខភាពធំៗចំនួន ៥យ៉ាងខាងក្រោមនេះ៖
បន្ថយការកើតជំងឺបេះដូង
ស៊ុតពណ៌សមួយគ្រាប់មានប៉ូតាស្យូមប្រហែល ៥៤មីលីក្រាម ដែលជាអេឡិចត្រូលីត្រដ៏សំខាន់សម្រាប់ជួយដល់សុខភាពឆ្អឹង បេះដូង និងសរីរាង្គផ្សេងៗធ្វើការកាន់តែល្អ។ ការសិក្សាជាច្រើនបានបង្ហាញថា ប៉ូតាស្យូមអាចជួយបញ្ចុះសម្ពាធឈាមបាន។ អ្នកដែលញ៉ាំប៉ូតាស្យូម ៤០៦៩មីលីក្រាមជារៀងរាល់ថ្ងៃ អាចបន្ថយការប្រឈមនឹងជំងឺស្លោកសាច់ដុំបេះដូង ៣៧ភាគរយ និងជំងឺបេះដូងសរសៃឈាម ៤៩ភាគរយ នៅពេលប្រៀបធៀបនឹងអ្នកញ៉ាំត្រឹមតែ ១៧៩៣មីលីក្រាមរាល់ថ្ងៃ។
លូតលាស់សាច់ដុំ
ស៊ុតសសម្បូរប្រូទេអ៊ីន ហើយក៏ល្អបំផុតសម្រាប់ការលូតលាស់របស់សាច់ដុំដែរ។ ការញ៉ាំស៊ុតសទៀងទាត់ អាចជួយប្រឆាំងនឹងការអស់កម្លាំង ពង្រឹងដល់សាច់ដុំ និងប្រព័ន្ធភាពស៊ាំ។
ផ្តល់ភាពរឹងមាំដល់ឆ្អឹង
ស៊ុតសមានជាតិកាលស្យូម ដែលល្អសម្រាប់សុខភាពឆ្អឹង។ ការបញ្ចូលស៊ុតពណ៌សទៅក្នុងរបបអាហារប្រចាំថ្ងៃ អាចជាជំនួយដល់ឆ្អឹងកាន់តែរឹងមាំ និងបង្ការការបាក់បែកឆ្អឹង និងពុកឆ្អឹងបាន។ ស៊ុតពណ៌ក៏ជួយបង្កើនកំហាប់ឆ្អឹងបានដែរ។
ជំរុញដល់សុខភាពស្បែក
ស៊ុតមានសារធាតុកូឡាជែន ដែលស្ថិតក្នុងផ្នែកពណ៌សរបស់ស៊ុត សម្រាប់ជួយការពារស៊ុតខ្លួនឯង។ បើសិនជាអ្នកញ៉ាំតែស៊ុតស អ្នកនឹងទទួលបានប្រយោជន៍ដ៏ល្អសម្រាប់ស្បែគ ជាពិសេសពេលផ្សំគ្នាជាមួយនឹងការយកវាធ្វើជាម៉ាសបិតមុខតែម្តង។ ការសិក្សាបានបង្ហាញថា ភ្នាស់ខាងក្នុងរបស់សម្បកស៊ុតអាចជួយការពារស្បែកពីកាំរស្មីយូវី ភាពជ្រីវជ្រួញ និងផ្តល់សំណើមការពារស្បែកបានយ៉ាងល្អ។
ទ្រទ្រង់ដល់កម្រិតអេឡិចត្រូលីត្រ
ប៉ូតាស្យូមមានលក្ខណៈសំខាន់ដូចគ្នានឹងសូដ្យូមដែរក្នុងការរក្សាភាពគ្រប់គ្រាន់នៃអេឡិចត្រូលីត្រក្នុងរាងកាយ។ វានឹងជួយបង្ការជំងឺដាច់សរសៃឈាមខួរក្បាល ជំរុញដល់មុខងារសាច់ដុំធម្មតា និងសុខភាពបេះដូង។ (អាន:ថ្នាំងងុយគេង ពេលអ្នកគួរប្រើ)ជាមួយគ្នានេះដែរ អេឡិចត្រូលីត្រនឹងជួយការពារកោសិកាក្នុងរាងកាយ តាមរយៈរក្សាតុល្យភាពជាតិទឹកដែលនៅជុំវិញ និងគ្រប់គ្រងសម្ពាធឈាមឲ្យបានល្អផង៕