ការសម្រាលកូនតាមធម្មជាតិគឺល្អជាងការវះកាត់ ព្រោះមុខរបួសអ្នកងាយស្រួលជាសះស្បើយ ម្យ៉ាងទៀតអ្នកឈឺតែមួយភ្លេចនៅពេលដែលកើតនោះទេ។ មិនដូចការវះនោះទេ អ្នកអាចឈឺមុខរបួសយូរ។ ប៉ុន្តែមានកត្តា៣ដែលធ្វើឲ្យអ្នកមិនអាចសម្រាលតាមធម្មជាតិបាន។ តើមានអ្វីខ្លះទៅ?
កត្តាចិត្ត
មានអ្នកម្តាយមួយចំនួននៅមុនពេលដែលកើតតែងតែមានអារម្មណ៍ភ័យខ្លាច ដោយខ្លាចខ្លួនឯងមិនអាចរងនឹងការឈឺចុកចាប់បាននៅពេលសម្រាល។ អាស្រ័យហេតុនេះហើយទើបគេមិនអាចសម្រាលដោយធម្មជាតិ ហើយត្រូវការវះវិញ។
កត្តាអាយុ
នៅពេលដែលអ្នកមានអាយុតិចពេក ឬច្រើនពេកសុទ្ធតែមិនអាចសម្រាលដោយធម្មជាតិនោះទេ ព្រោះនៅពេលដែលអ្នកមានអាយុតិចពេក រាងកាយអ្នកមិនទាន់លូតលាស់គ្រប់គ្រាន់ ជាហេតុដែលអាចប៉ះពាល់ដល់ទារកបាន។ ម្យ៉ាងទៀតនៅពេលដែលអ្នកមានអាយុច្រើន វានឹងធ្វើឲ្យអ្នកមានគ្រោះថ្នាក់។ ដូចនេះអាយុដែលស័ក្តិសមក្នុងការសម្រាលតាមបែបធម្មជាតិគឺចាប់ពី២៤ដល់២៨ឆ្នាំ។
កត្តាសារធាតុចិញ្ចឹម
នៅពេលដែលរាងកាយអ្នកស្រូបយកសារធាតុចិញ្ចឹមច្រើនពេក ហួសកំណត់ នោះវានឹងធ្វើឲ្យកូនមានលក្ខណៈធំពេក ជាហេតុដែលធ្វើឲ្យអ្នកមិនងាយសម្រាលតាមបែបធម្មជាតិបានទេ៕