ពពួកសណ្តែកប្រភេទនេះមានជាតិសរសៃច្រើនបំផុត ហើយក៏ជាអាហារដែលមានជាតិប្រូតេអ៊ីនច្រើនផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាបង្កើតបានជារបបអាហារដ៏អស្ចារ្យមួយសម្រាប់មនុស្សគ្រប់គ្នាដែលកំពុងតែស្វែងរកវិធីបង្ការការទល់លាមក បង្កើតជាសាច់ដុំ សម្រកទម្ងន់ ពង្រឹងប្រព័ន្ធភាពស៊ាំ និងទប់ស្កាត់ជំងឺបេះដូង។
យោងទៅតាមរូបភាពនៃបន្លែមួយប្រភេទនេះ មានប្រជាជនខ្មែរយើងជាច្រើនតែងតែចំណាំហៅឈ្មោះរបស់វាខុសៗគ្នាទៅតាមតំបន់ និងការចំណាំផ្សេងៗពីគ្នាដូច្នេះហើយឈ្មោះវាឲ្យចំតែម្តងក៏នៅតែមិនទាន់មាននរណាដាក់ឲ្យត្រូវនោះដែរ។ ទោះបីជាយ៉ាងណាក៏ដោយ ដោយសារតែវាជាបន្លែពេញនិយមមួយសម្រាប់ប្រជាជនយើង ដូច្នេះយកល្អគួរតែស្វែងយល់អំពីអត្ថប្រយោជន៍របស់វាផង។
ជួយបញ្ចុះសម្ពាធឈាម
ជីវជាតិដែលសណ្តែកប្រភេទនេះមានច្រើនបំផុតដែរនោះគឺប៉ូតាស្យូម។ បើសិនជាអ្នកមានជំងឺលើសសម្ពាធឈាម ការបញ្ចូលសណ្តែកហ័រឡាំងតាវក្នុងរបបអាហារអាចជួយបញ្ចុះសម្ពាធឈាមបាន ដោយសារតែជាតិប៉ូតាស្យូមអាចជួយបន្ធូរសរសៃឈាម និងបង្កើនលំហូរឈាម។
បញ្ចុះកូឡេស្តេរ៉ុលអាក្រក់
ដោយសារតែសណ្តែកហ័រឡាំងតាវមានជាតិសរសៃច្រើន ដូច្នេះវាក៏ជាអ្នកគ្រប់គ្រងកូឡេស្តេរ៉ុលអាក្រក់ក្នុងឈាមបានដែឬ។ ជាតិសរសៃនឹងបឺតស្រូបម៉ូលេគុលកូឡេស្តេរ៉ុល និងបញ្ជូនវាចេញពីរាងកាយ។ គ្រូពេទ្យនិយាយថា កាលណារាងកាយមានកូឡេស្តេរ៉ុលអាក្រក់កាន់តែទាប ការប្រឈមនឹងជំងឺគាំងបេះដូង និងដាច់សរសៃឈាមខួរក្បាលក៏ចុះទាបដែរ។
បង្ការការទល់លាមក
ក្រៅពីបញ្ចុះកូឡេស្តេរ៉ុលអាក្រក់ ជាតិសរសៃរបស់សណ្តែកមួយនេះក៏ជួយសម្រួលដល់ចលនារបស់ពោះវៀនផងដែរ។ ម៉្យាងទៀត ការញ៉ាំសណ្តែកហ័រឡាំងតាវទៀងទាត់អាចជួយដល់ការបង្ការការទល់លាមកបាន។ កាលណារបបអាហារមានជាតិសរសៃខ្ពស់ វានឹងកាត់បន្ថយការកើតជាជំងឺឬសដូងបាត និងមហារីកពោះវៀនធំ។
សម្រួលដល់ជាតិស្ករក្នុងឈាម
ជំងឺទឹកនោមផ្អែម និងអ្នកដែលប្រឈមខ្ពស់នឹងជំងឺនេះគួរតែព្យាយាមញ៉ាំសណ្តែកហ័រឡាំងតាវជាទៀងទាត់។ នេះដោយសារតែ ជាតិសរសៃរបស់វាអាចបន្ថយការបញ្ចេញជាតិស្ករក្នុងឈាមបាន។
ជួយឲ្យមានកម្លាំងកំហែង
ការបញ្ចូលសណ្តែកហ័រឡាំងតាវក្នុងរបបអាហារជាទៀងទាត់អាចជួយរក្សាថាមពលក្នុងខ្លួនបានពីររបៀប។ ដំបូងឡើយ វាផ្ទុកទៅដោយវីតាមីន B ដែលមានសារៈសំខាន់សម្រាប់ការបំលែងទៅជាថាមពល។ ទីពីរ សណ្តែកហ័រឡាំងតាវជាប្រភពនៃកាបូអ៊ីដ្រាតដែលអាចផ្តល់ថាមពលដល់រាងកាយតែម្តង។
បង្កើនសមត្ថភាពប្រព័ន្ធភាពស៊ាំ
សណ្តែកហ័រឡាំងតាវក៏ជាប្រភពដ៏ល្អមួយនៃវីតាមីន C ដែរ ហើយមនុស្សគ្រប់គ្នាតែងតែដឹងថា វាជាជីវជាតិដ៏សំខាន់សម្រាប់ធ្វើឲ្យប្រព័ន្ធភាពស៊ាំកាន់តែរឹងមាំ។ (អាន:ថ្នាំងងុយគេង ពេលអ្នកគួរប្រើ)ដូច្នេះការដែលញ៉ាំវាជារៀងរាល់ថ្ងៃ អាចជួយទប់ស្កាត់ការបង្ករោគនៅផ្លូវដង្ហើមខាងលើបានដូចជា ផ្តាសាយជាដើម៕