តើអ្នកកំពុងតែស្ថិតក្នុងដំណើរផ្លូវមួយបង្កើតគ្រួសារហើយមែនទេ? បើសិនជាអ៊ីចឹងមែន អ្នកត្រូវតែប្រុងប្រយ័ត្នឲ្យបានច្រើនទៅលើអ្វីដែលត្រូវញ៉ាំ និងផឹកហើយ។ រឿងគ្រប់យ៉ាងដែលអ្នកដាក់ចូលក្នុងមាត់ មិនត្រឹមតែមានឥទ្ធិពលទៅលើការលូតលាស់របស់ទារកក្នុងផ្ទៃទេ តែវាក៏កើតឡើងលើសុខភាពអ្នកផ្ទាល់ដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ ខាងក្រោមនេះ ខ្ញុំសូមណែនាំអំពីភេសជ្ជៈល្អឯកមួយចំនួនដែលស្រ្តីមានផ្ទៃពោះ គួរតែទទួលទាន ដើម្បីផ្តល់ជីវជាតិគ្រប់គ្រាន់ដល់កូន និងបង្ការផលវិបាកក្នុងពេលមានផ្ទៃពោះផង៖
ទឹកធម្មតា
អ្នកគួរតែញ៉ាំទឹកធម្មតាឲ្យបានគ្រប់គ្រប់មិនខ្វល់ថាមានផ្ទៃពោះឬអត់ឡើយ។ ការញ៉ាំទឹកពី ៨ ទៅ ១២កែវក្នុងមួយថ្ងៃ នឹងជួយបង្កើនចំណុះឈាម និងច្រោះជាតិពុលពីក្នុងរាងកាយបាន។ ញ៉ាំទឹកច្រើនក៏ជួយទប់ស្កាត់ការទល់លាមកក្នុងពេលមានផ្ទៃពោះដែរ។
ទឹកបន្លែ
វាពិតជាគ្មានអ្វីជាអាថ៌កំបាំងឡើយដែលថា បន្លែផ្ទុកទៅដោយជាតិសរសៃច្រើន ដែលល្អចំពោះសុខភាពបេះដូង និងពោះវៀន។ ដូច្នេះការញ៉ាំទឹកបន្លែ នឹងជួយទប់ស្កាត់ការលើសសម្ពាធឈាមផង និងទល់លាមកផង។
ទឹកផ្លែឈើ
ទឹកផ្លែឈើល្អបំផុតសម្រាប់ស្រ្តីមានផ្ទៃពោះព្រោះអ្នកអាចធ្វើវាញ៉ាំនៅផ្ទះដោយខ្លួនឯងបាន។ ការញ៉ាំទឹកផ្លែឈើសុទ្ធ ១០០ភាគរយ នឹងផ្តល់ជាវីតាមីន និងជីវជាតិជាច្រើនដែលរាងកាយ និងទារកក្នុងផ្ទៃត្រូវការ។ អ្នកក៏អាចលាយផ្លែឈើខុសៗគ្នាជាច្រើនចូលគ្នាដើម្បីទទួលបានរសជាតិផ្សេងៗគ្នាផងដែរ។
ទឹកដូង
ការញ៉ាំទឹកដូងគឺល្អបំផុតសម្រាប់បង្គ្រប់ជាតិទឹកដល់កោសិកា និងផ្គត់ផ្គង់អេឡិចត្រូលីត្របានគ្រប់គ្រាន់។ ទឹកដូងប្រៀបដូចជាទឹកផ្លាស្មាក្នុងឈាមអ៊ីចឹង។ ហេតុដូច្នេះហើយវានឹងជួយបង្កើនចំណុះឈាម ព្រមទាំងសម្រួលដល់សម្ពាធឈាមថែមទៀត។
ទឹកដោះគោស្រស់ៗ
ស្រ្តីមានផ្ទៃពោះត្រូវការជាតិប្រូតេអ៊ីន កាលស្យូម និងវីតាមីន B12 ច្រើនណាស់។ ដូច្នេះប្រភពដ៏ល្អបំផុតនៃជីវជាតិទាំងនេះគឺទឹកដោះគោស្រស់តែម្តង។ គ្រាន់តែញ៉ាំទឹកដោះគោស្រស់មួយកែវក៏អាចទទួលបានជាតិសូដ្យូម និងម៉ាញ៉េស្យូមគ្រប់គ្រាន់ទៅហើយ។
តែទឹកកក
ភេសជ្ជៈមួយនេះពិសេសសម្រាប់អ្នកដែលកំពុងតែចាញ់កូនតែម្តង។ វាក៏ជួយឲ្យមានអារម្មណ៍ស្រស់ស្រាយដែរ បើសិនជាអ្នកញ៉ាំភេសជ្ជៈមួយនេះជាប្រចាំរាល់ថ្ងៃ។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ ចាប់តាំងពីតែទឹកកកផ្ទុកទៅដោយជាតិកាហ្វេអ៊ីនខ្លះមក យកល្អគួរតែកុំញ៉ាំច្រើនពេកអី៕