វាគឺជាចំណេះដឹងទូទៅមួយដែលថា ក្មេងៗគឺងាយនឹងមានសុបិន្តអាក្រក់ណាស់ ដោយសារតែភាពច្នៃប្រឌិត និងការស្រមើស្រមៃដ៏សកម្មរបស់ពួកគេ។ ប៉ុន្តែរឿងនេះក៏អាចកើតឡើងលើមនុស្សធំផងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្នកជំនាញនិយាយថា ការកើតមានសុបិន្តអាក្រក់លើមនុស្សធំ អាចបង្កឡើងដោយរឿងជាច្រើនដូចខាងក្រោមនេះ៖
ញ៉ាំអាហារនៅយប់ជ្រៅ
ការញ៉ាំអាហារច្រើនៗមុនម៉ោងគេងអាចធ្វើឲ្យសង្វាក់នៃការរំលាយអាហារធ្វើការលឿន ហើយក៏អាចនាំឲ្យអារម្មណ៍មានភាពសកម្មខ្លាំងខណៈពេលកំពុងតែគេងលង់លក់ដែរ។ ការសិក្សាបានបង្ហាញថា អាហារដែលងាយនឹងធ្វើឲ្យសុបិន្តអាក្រក់ជាងគេគឺអាហារហិរ និងខ្លាញ់។
គេងមិនគ្រប់
ការដែលអ្នកមិនអាចគេងគ្រប់ ៧ ទៅ៩ម៉ោងក្នុងមួយយប់ទេ វានឹងងាយធ្វើឲ្យសុបិន្តអាក្រក់ណាស់។ ពិតណាស់ចុរប្រាកដថា អ្នកអាចរីករាយនឹងការគេងក្នុងមួយយប់ៗឲ្យបានគ្រប់គ្រាន់ និងមិនមានការរំខាន បើសិនជាចង់ឲ្យគេងបានស្កប់ស្កល់ និងមិនសុបិន្តច្រើន។ ដើម្បីសម្រួលដល់ការគេងមិនលក់ យកល្អគួរតែញ៉ាំផ្លែចេកមួយផ្លែ ឬញ៉ាំទឹកដោះគោក្តៅៗមួយកែវ។
ស្រ្តេសខ្លាំងពេក
បើសិនជាការងារប្រចាំថ្ងៃរបស់អ្នកមានភាពស្រ្តេសខ្លាំង នោះអ្នកអាចនឹងរំពឹងបានថា ការគេងរបស់អ្នកនៅពេលយប់ក៏ស្រ្តេស និងសុបិន្តអាក្រក់ដែរ។ អ្នកជំនាញនិយាយថា ការគេងក្នុងពេលស្រ្តេសខ្រើនបែបនេះ នឹងធ្វើឲ្យប្រឈមខ្ពស់នឹងសុបិន្តអាក្រក់ដោយសារតែអ័រម៉ូន Cortisol និង Adrenaline ក្នុងឈាមច្រើន។
ថប់អារម្មណ៍ និងបាក់ទឹកចិត្ត
អ្នកជំនាញខាងសុខភាពនិយាយថា ការដែលមានភាពតក់ស្លុតច្រើន ឬបាក់ទឹកចិត្ត អាចធ្វើឲ្យគេងមិនលក់។ (អាន:ថ្នាំងងុយគេង ពេលអ្នកគួរប្រើ)ហើយបើសិនជាអ្នកអាចគេងលក់មែន តែវាក៏ទំនងជាធ្វើឲ្យសុបិន្តអាក្រក់បានដែរ។ ដូច្នេះយកល្អ គួរតែកំណត់សម្គាល់រឿងទាំងឡាយណាដែលធ្វើឲ្យអ្នកតក់ស្លុត ឬបាក់ទឹកចិត្ត ហើយព្យាយាមដោះស្រាយវាឲ្យហើយទៅ៕
