មនុស្ស​ស្រី​ភាគច្រើន​តែងតែ​មិន​ចង់​មានផ្ទៃពោះ​នៅឡើយ​ទេ​ ដោយសារតែ​ចង់បាន​ជីវិត​រស់នៅ​បែប​មាន​សេរីភាព​យូរ​បន្តិច​ ចង់​ពង្រឹង​មុខរបរ​ផ្ទាល់ខ្លួន​ ឬធ្វើដំណើរ​កម្សាន្ត​ជាមួយ​គ្រួសារ​ជាដើម​។ (អាន:ស្បែក​កូន​របស់​អ្នក​នឹង​ស្អាត​ហើយ​មិន​រមាស់​បើ​ធ្វើតាម​វិធី​នេះ​ តើ​កូនស្រី​របស់​អ្នកចេះ​តែ​រមាស់​ស្បែក​មែនទេ​?)ដោយយោងទៅតាម​ហេតុផល​ទាំងនេះ​ហើយ​ ទើប​ក្លាយទៅជា​មតិផ្ទុយ​គ្នា​នឹង​ទ្រឹ​ស្តី​ជាច្រើន​ដែល​និយាយ​ថា​ ស្រ្តី​គួរ​យកកូន​នៅ​អាយុ​ខ្ទង់​ ២០ឆ្នាំ​។ ទោះបីជា​យ៉ាងណាក៏ដោយ​ ថ្មី​ៗនេះ​ អ្នក​វិទ្យាសាស្រ្ត​ជាច្រើន​និយាយ​ថា​ខុសគ្នា​ពី​អ្វី​ដែល​មនុស្ស​គ្រប់គ្នា​ធ្លាប់​លឺ​កាល​ពី​មុន​ៗ។  

តាមការសិក្សាមួយដែលធ្វើឡើងដោយបណ្ឌិត John Mirowsky ដែលជាអ្នកជំនាញខាងសង្គម នៅឯសាកលវិទ្យាល័យ Texas បានឲ្យដឹងថា ពេលវេលាដ៏ល្អបំផុតដែលស្រ្តីគួរមានផ្ទៃពោះគឺអាយុ ៣៤ឆ្នាំ។ 

ការពិត

អ្នកជំនាញខាងរោគស្រ្តីបាននិយាយថា ស្រ្តីគួរណាតែមានផ្ទៃពោះក្នុងអាយុ ៣៤ ទៅ៣៥ឆ្នាំ ដោយសារតែកន្លែងមួយចំនួននៃរាងកាយអាចនឹងកើតជាជំងឺក្នុងពេលវ័យ ២០ឆ្នាំ។ ដល់ពេលអាយុ ៣៤ឆ្នាំ រាងកាយស្រ្តីគឺមានសុខភាពល្អបរិបូរណ៍ ដែលត្រៀមខ្លួនជាស្រេចសម្រាប់ការពោរពោះកូនគ្រប់ខែប្រកបដោយសុខភាពល្អទៀត។ 

បណ្ឌិត Mirowsky ក៏បានបញ្ជាក់ទៀតថា ស្រ្តីគួរតែមានការប្រុងប្រយ័ត្នផងក្នុងការមានផ្ទៃពោះនៅអាយុខ្ទង់ ៣០ក្រាស ព្រោះកាលណារាងកាយស្រ្តីអាយុកាន់តែច្រើន ឱកាសនៃការឆ្លងជំងឺ និងផលវិបាកទៅលើប្រព័ន្ធប្រដាប់បន្តពូជមានការកើនឡើងខ្ពស់ដែរ។ 

អ្នកជំនាញខាងចិត្តសាស្រ្តផ្សេងៗទៀតក៏បានយល់ស្របអំពីរឿងនេះដែរថា ស្រ្តីដែលមានអាយុពី ៣៤ ទៅ៣៥ឆ្នាំ ជាទូទៅគឺមានទំនាក់ទំនងស្នេហារឹងមាំជាមួយប្តី ហើយក៏មានកម្លាំងពលាំងគ្រប់គ្រាន់សម្រាប់រស់នៅជាមួយគ្នា ព្រមទាំងអាចមានលទ្ធភាពចិញ្ចឹមមនុស្សម្នាក់ទៀតប្រកបដោយប្រសិទ្ធភាពខ្ពស់ដែរ។ 

សរុបសេចក្តីមកគឺថា វាគឺជារឿងធម្មតាទេដែលអ្នកគួរមានកូននៅអាយុ ៣០ឆ្នាំ។ (អាន:ថ្នាំងងុយគេង ពេលអ្នកគួរប្រើ)គ្រាន់តែចាំថា ការដែលបង្កើតកូនដែលជាសមាជិកថ្មីនោះ គឺជាការសម្រេចចិត្តមួយសម្រាប់ជីវិត ហើយក៏មិនគួរធ្វើវាដោយមិនបានប្រុងប្រយ័ត្ន ឬគិតវែងឆ្ងាយឡើយ។ ចូររៀបចំគម្រោងជាមុនឲ្យបានល្អសិនមុនសម្រេចចិត្តធ្វើជាម្តាយគេ៕