តើអ្នកជាមនុស្សដែលចូលចិត្តញ៉ាំភេសជ្ជៈប៉ូវកម្លាំង និងមិនអាចរស់នៅបានដោយគ្មានវាមែនទេ? បើសិនជាអ៊ីចឹងមែន អ្នកគួរតែអានអត្ថបទមួយនេះហើយ ព្រោះវានឹងបង្ហាញអំពីផលវិបាកធំៗនៃការញ៉ាំភេសជ្ជៈប៉ូវកម្លាំងច្រើនពេក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ្នកមានមិត្តភក្តិ និងក្រុមគ្រួសារដែលទៅណាមកណាកាន់ភេសជ្ជៈប៉ូវកម្លាំងជាប់ដៃរហូតនោះ ចូរប្រាកដថា អ្នកបានឲ្យគេអានអត្ថបទនេះផងទៅ។ ខាងក្រោមនេះគឺជាជំងឺធំៗដែលនឹងកើតឡើងចំពោះរាងកាយបើសិនជាអ្នកជាមនុស្សចូលចិត្តញ៉ាំភេសជ្ជៈប៉ូវកម្លាំងច្រើនៗ៖
ឡើងទម្ងន់
វាគ្មានអ្វីអាថ៌កំបាំងឡើយដែលថា ភេសជ្ជៈប៉ូវកម្លាំងផ្ទុកទៅដោយជាតិកាហ្វេអ៊ីនដើម្បីឲ្យអ្នកទទួលទានមានកម្លាំង។ ប៉ុន្តែវាក៏មានជាតិផ្អែមច្រើន រហូតដល់ធ្វើឲ្យឡើងទម្ងន់បានបើសិនជាញ៉ាំច្រើន ហើយមិនបានធ្វើសកម្មភាពរាងកាយគ្រប់គ្រាន់ទេនោះ។
លើសជាតិស្ករក្នុងឈាម
ដោយសារតែភេសជ្ជៈប៉ូវកម្លាំងមានជាស្ករច្រើន ដូច្នេះវានឹងពិតជាងាយធ្វើឲ្យអ្នកទទួលទានលើសជាតិស្ករក្នុងឈាមបាន។ ការដែលជាតិស្ករក្នុងឈាមលើសខ្លាំងបែបនេះគឺជាបញ្ហាធ្ងន់ធ្ងរមួយចំពោះសុខភាព ហើយក៏ប្រឈមកាន់តែខ្ពស់នឹងជំងឺទឹកនោមផ្អែមប្រភេទទី២ផងដែរ។ ជំងឺទឹកនោមផ្អែមប្រភេទទី២គឺជាជំងឺដែលមិនអាចព្យាបាលជា ហើយមានផលវិបាកចំពោះសុខភាពច្រើនទៀត។
ខ្សោះជាតិទឹកក្នុងខ្លួន
គ្រប់គ្នាដឹងហើយថា ជាតិកាហ្វេអ៊ីនជាសារធាតុភ្ញោច។ ជាអកុសល មិនមានមនុស្សច្រើនដឹងថា ជាតិកាហ្វេអ៊ីនធ្វើឲ្យនោមច្រើនទេ តែវាក៏ធ្វើឲ្យនោមរហូតដល់ខ្សោះជាតិទឹកក្នុងខ្លួនបានដែរ។ ដូច្នេះក្រោយពីខ្សោះជាតិទឹក និងមានអារម្មណ៍ស្រេកទឹក យកល្អគួរតែញ៉ាំទឹកធម្មតាជំនួសវិញទៅ។
ថប់អារម្មណ៍ និងស្រ្តេស
អ្នកដែលមានជំងឺថប់អារម្មណ៍ខុសធម្មតាប្រហែលជាធ្វើទុក្ខម្តងៗក្រោយពីញ៉ាំភេសជ្ជៈប៉ូវកម្លាំងដែលមានជាតិកាហ្វេអ៊ីនហើយ ព្រោះវាអាចធ្វើឲ្យមានអាការៈរាងកាយ ដែលបង្កជាអារម្មណ៍តក់ស្លុតមកជាមួយគ្នាតែម្តង។ ជាតិកាហ្វេអ៊ីនមានសមត្ថភាពបង្កើនថាមពលរាងកាយ ដោយវាជំរុញដល់ការផលិតអ័រម៉ូនស្រ្តេសផង។
គេងមិនលក់
បើសិនជាអ្នកញ៉ាំភេសជ្ជៈប៉ូវកម្លាំងពីរបីម៉ោងមុនគេង វាគ្មានអ្វីកើតឡើងក្រៅពីការគេងមិនលក់ឡើយ ដោយសារតែវាមានជាតិកាហ្វេអ៊ីនច្រើន និងមិនអាចឲ្យគេងលក់ឡើយ។ ជាទូទៅ គួរតែញ៉ាំវាកុំឲ្យតិចជាង ៦ម៉ោងមុនពេលគេង បើសិនជាអ្នកមិនចង់គេងមិនលក់ទេ។
ញ័រដើមទ្រូង
ផលរំខានគួរឲ្យខ្លាចមួយចំនួននៃការញ៉ាំភេសជ្ជៈប៉ូវកម្លាំង និងភេសជ្ជៈមានជាតិកាហ្វេអ៊ីនផ្សេងៗទៀត គឺធ្វើឲ្យញ័រទ្រូងតែម្តង។ (អាន:ថ្នាំងងុយគេង ពេលអ្នកគួរប្រើ)តែភាគច្រើន ការញ័រទ្រូងនេះមិនមានអ្វីគ្រោះថ្នាក់ឡើយ ព្រោះវានឹងបាត់ទៅវិញនៅពេលដែលជាតិកាហ្វេអ៊ីនក្នុងចរន្តឈាមថយចុះវិញ។ ប៉ុន្តែការញ័រទ្រូងអាចគ្រោះថ្នាក់ចំពោះអ្នកដែលមានជំងឺបេះដូង៕