ទោះបីភាគច្រើននៃពួកយើងសុទ្ធតែធ្លាប់ទទួលទានទឹកក្រូចឆ្មារ ប៉ុន្តែប្រហែលជាមិនចាប់អារម្មណ៍ទេថាប្រសិនបើលាយទឹកក្រូចឆ្មារស្រស់និងទឹកឃ្មុំក្នុងទឹកក្ដៅឧណ្ហៗនោះវានឹងក្លាយជាភេសជ្ជៈដ៏ល្អបំផុតមួយដ៏ប្រសើរអាចព្យាបាលដោះស្រាយបញ្ហាសុខភាពផ្សេងៗបាន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរបៀបធ្វើទឹកក្រូចឆ្មារទឹកឃ្មុំ រួមជាមួយអត្ថប្រយោជន៍គួរឱ្យភ្ញាក់ផ្អើលនៃភេសជ្ជៈបែបធម្មជាតិនេះ ៖
- អ្វីដែលអ្នកត្រូវធ្វើ គឺគ្រាន់តែដាំទឹកធម្មតាឱ្យពុះ រួចទុកឱ្យចុះត្រជាក់បន្តិច សឹមបន្ថែមទឹកក្រូចឆ្មារស្រស់ចូល រួចលាយបន្ថែមនូវទឹកឃ្មុំធម្មជាតិ។ កូរឱ្យសព្វ សឹមទទួលទាន ១ពែងរាល់ព្រឹក។
១. ព្យាបាលជំងឺផ្ដាសាយ ឬគ្រុនផ្ដាសាយ
នោះក៏ព្រោះតែភេសជ្ជៈនេះជាប្រភពដ៏ល្អបំផុតមួយនៃវីតាមីន C ដែលជួយពង្រឹងប្រព័ន្ធភាពស៊ាំរាងកាយ។ ដាំទឹកធម្មតា កន្លះលីត្រ ឱ្យពុះ រួចបន្ថែមខ្ញី ២ ចំណិត ចូល។ បន្ថែមទឹកឃ្មុំនិងទឹកក្រូចឆ្មារ
៣ ស្លាបព្រាបាយចូលហើយកូរឱ្យសព្វ។ ត្រងកាកខ្ញីចេញ រួចទទួលទានឱ្យបានយ៉ាងហោចណាស់
ពី ៣ ទៅ ៤ ដងក្នុងមួយថ្ងៃ។
២. ដោះស្រាយបញ្ហាប្រព័ន្ធរំលាយអាហារ
ក្រូចឆ្មារទឹកឃ្មុំ គឺមានអត្ថប្រយោជន៍ណាស់ក្នុងការព្យាបាលបញ្ហាប្រព័ន្ធរំលាយអាហារ។ អ្នកអាចលាយទឹកឃ្មុំ ១ ស្លាបព្រាកាហ្វេនិងទឹកក្រូចឆ្មារស្រស់ ២ ស្លាបព្រាកាហ្វេក្នុងទឹកក្ដៅឧណ្ហៗមួយកែវ។
ភេសជ្ជៈក្រូចឆ្មារទឹកឃ្មុំមានប្រសិទ្ធភាពបង្កើនការផលិតអាស៊ីតក្រពះនិងទឹកប្រម៉ាត់ដែលជួយសម្រួលដល់ការបំបែករំលាយអាហារ រួមទាំងការស្រូបយកសារធាតុចិញ្ចឹម។ ដូច្នេះអ្នកនឹងជៀសផុតពីបញ្ហាផ្សេងៗទាក់ទងនឹងប្រព័ន្ធរំលាយអាហារ។
៣. ទប់ស្កាត់ក្រួសក្នុងតម្រងនោម
អាស៊ីតស៊ីទ្រិកដែលមានក្នុងទឹកក្រូចឆ្មារជួយទប់ស្កាត់បញ្ហាគ្រួសក្នុងតម្រងនោមបានយ៉ាងប្រសើរ។ ស៊ីត្រាតដែលជាសមាសធាតុមួយនៃអាស៊ីតស៊ីទ្រិកធ្វើឱ្យទឹកនោមមិនសូវមានជាតិអាស៊ីត និងថែមទាំងអាចបំបែកក្រួសតូចៗក្នុងតម្រងនោមទៀត។ ការទទួលទានភេសជ្ជៈក្រូចទឹកឃ្មុំមិនត្រឹមតែធ្វើឱ្យអ្នកទទួលបាននូវស៊ីត្រាតគ្រប់គ្រាន់ឡើយ ប៉ុន្តែក៏ផ្ដល់ឱ្យរាងកាយនូវជាតិទឹកស្របតាមតម្រូវការដើម្បីទប់ស្កាត់ ឬកម្ចាត់ចោលនូវក្រួសផងដែរ។
៤. ព្យាបាលជំងឺហឺតនិងក្អក
នោះក៏ព្រោះតែភេសជ្ជៈនេះមានប្រសិទ្ធិភាពសម្រួលផ្លូវដង្ហើម។ ភេសជ្ជៈក្រូចឆ្មារទឹកឃ្មុំមានលក្ខណៈ
សម្បត្តិប្រឆាំងបាក់តេរីនិងការរលាកដែលជួយក្នុងការព្យាបាលបញ្ហាផ្លូវដង្ហើមបានយ៉ាងប្រសើរ។ ភេសជ្ជៈនេះក៏ល្អសម្រាប់អ្នកជំងឺហឺត ដោយវីតាមីន C នៃក្រូចឆ្មារជួយពង្រឹងប្រព័ន្ធផ្លូវដង្ហើមដែលសម្រួលដល់ការដកដង្ហើម។ គ្រាន់តែលាយទឹកក្រូចឆ្មារស្រស់ ២ ស្លាបព្រាកាហ្វេនិងទឹកឃ្មុំ ១
ស្លាបព្រាបាយក្នុងទឹកក្ដៅឧណ្ហៗ ១ កែវ រួចកូរអោយសព្វ។ កុំភ្លេចទទួលទានភេសជ្ជៈនេះអោយបានពី ៣ ទៅ ៤ ដងក្នុងមួយថ្ងៃ។
៥. ជួយអោយស្រកទម្ងន់
នោះក៏ព្រោះតែភេសជ្ជៈក្រូចឆ្មារទឹកឃ្មុំមានផ្ទុកសារធាតុ polyphenol និងជាតិសសៃ pectin ដែលជួយឱ្យអ្នកស្រកទម្ងន់បានយ៉ាងងាយជៀសផុតពីជំងឺធាត់ជ្រុល។
៦. ផ្ដល់អោយរាងកាយនូវសារធាតុប្រឆាំងអុកស៊ីតកម្ម
ទាំងក្រូចឆ្មារនិងទឹកឃ្មុំ គឺសុទ្ធតែមានផ្ទុកសម្បូរទៅដោយសារធាតុប្រឆាំងអុកស៊ីតកម្ម រួមទាំងវីតាមីន C ដែលប្រយុទ្ធប្រឆាំងរ៉ាឌីកាល់សេរីជួយទប់ស្កាត់និងកម្ចាត់រ៉ាឌីកាល់សេរីមិនឱ្យបំផ្លាញកោសិកាបង្កជាជំងឺគួរឱ្យព្រួយបារម្ភផ្សេងៗដូចជា ជំងឺភ្លេចភ្លាំង ជំងឺទឹកនោមផ្អែម ជំងឺដាច់សសៃឈាមខួរក្បាលនិងជំងឺ
បេះដូង៕