អ្វីដែលធ្វើឲ្យការលើសកូឡេស្តេរ៉ុលខ្ពស់គឺជារឿងគ្រោះថ្នាក់ដោយសារតែ វាអាចបង្កើនការប្រឈមនឹងជំងឺជាច្រើន ហើយភាគច្រើនគឺអាចធ្វើឲ្យជីវិតធ្លាក់ចុះក្នុងសភាពកាន់តែពិបាកទៅៗ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែដំណឹងល្អនោះគឺថា មានវិធីច្រើនយ៉ាងដែលអាចបញ្ចុះកូឡេស្តេរ៉ុលមកធម្មតាវិញបាន ដោយធ្វើជាមួយនឹងការលេបថ្នាំបញ្ចុះកូឡេស្តេរ៉ុល រស់នៅក្នុងរបៀបដែលផ្តល់សុខភាព ឈប់ជក់បារី ញ៉ាំគ្រឿងស្រវឹងក្នុងកម្រិតមធ្យម បន្ថយស្រ្តេស គេងឲ្យគ្រប់គ្រាន់ ហាត់ប្រាណជាទៀងទាត់ ញ៉ាំអាហារសម្បូរជាតិសរសៃ ញ៉ាំអាហារណាដែលមានកូឡេស្តេរ៉ុលល្អ និងកាត់បន្ថយការញ៉ាំអាហារដែលមានខ្លាញ់អាក្រក់ ផ្អែម និងប្រៃ។
ទោះបីជាយ៉ាងណាក៏ដោយ ការដែលបណ្តោយឲ្យខ្លួនចេះតែលើសកូឡេស្តេរ៉ុលយូរពេក វាអាចនឹងបង្កជាជំងឺគ្រោះថ្នាក់ធំៗបីប្រភេទដូចខាងក្រោមនេះ៖
លើសសម្ពាធឈាម
វត្តមានកូឡេស្តេរ៉ុលច្រើនពេកក្នុងចរន្តឈាម អាចបណ្តាលឲ្យសរសៃឈាមអាក់ទែទៅជារួមតូច និងក្រិនរឹងបាន។ នេះដោយសារតែវានឹងជំរុញឲ្យមានការកកកុញក្លាយទៅជាកំណកនៅជាប់សរសៃឈាមអាក់ទែខាងក្នុងតែម្តង។ ម្លេះហើយ វានឹងមិនអាចអនុញ្ញាតិឲ្យឈាមរត់បានស្រួលឡើយ ហើយសម្ពាធឈាមក៏ឡើងខ្ពស់ដែរ។
ជំងឺបេះដូង
មានកត្តាប្រឈមនឹងជំងឺបេះដូងច្រើនណាស់ដែលមនុស្សយើងមិនអាចចៀសវាងបាន ឬផ្លាស់ប្តូរបាន ប៉ុន្តែវាក៏មានកត្តាផ្សេងទៀតដែលអ្នកអាចផ្លាស់ប្តូរបានដែរ ដូចជា ការលើសកូឡេស្តេរ៉ុលក្នុងឈាមជាដើម។ អ្នកពិតជាមិនចង់ឲ្យខ្លួនឯងកើតជំងឺបេះដូងឡើយដោយសារតែវាអាចបង្កើនការប្រឈមនឹងការគាំងបេះដូង ឬដាច់សរសៃឈាមខួរក្បាលបាន។ អ្វីដែលកាន់តែពិសេសនោះគឺថា បើសិនជាអ្នកមិនអាចស្វែងរការព្យាបាលទាន់ពេលនៅពេលមានជំងឺគាំងបេះដូង ឬដាច់សរសៃឈាមខួរក្បាលតែ វាអាចនឹងគ្រោះថ្នាក់ដល់អាយុជីវិតបានគ្រប់ពេល។
ជំងឺសរសៃឈាមចុងដៃចុងជើង
ជំងឺសរសៃឈាមចុងដៃចុងជើងត្រូវបានសម្គាល់ដឹងតាមរយៈការរួមតូចនៃសរសៃឈាម ទាំងសរសៃវ៉ែន និងអាក់ទែ ដែលបណ្តាលមកពីការកកុញកំណកខ្លាញ់។ ដំបូងឡើង អាការៈរបស់ជំងឺនេះគឺតិចតួចបំផុតទេ ដូចជា អ្នកអាចនឹងមានការឈឺចាប់បែបរមួលក្រពើនៅជើង ឬប្រអប់ជើងនៅពេលធ្វើសកម្មភាពរាងកាយនានា។ នៅពេលជំងឺនេះវិវត្តន៍កាន់តែខ្លាំង អ្នកប្រហែលជាចាប់ផ្តើមមានអាការៈកាន់តែធ្ងន់ធ្ងរជាងមុន។ ឧទាហរណ៍ អ្នកប្រហែលជាត្រូវឈឺសាច់ដុំពេលកំពុងតែដើរ តែបាត់ឈឺវិញពេលសម្រាក។
សរុបសេចក្តីមក បើសិនជាកម្រិតជាតិខ្លាញ់ក្នុងឈាមអ្នកមិនត្រូវបានតាមដានទៀងទាត់ទែ ចូរប្រាកដថា អ្នកបានធ្វើទោតាមការណែនាំរបស់គ្រូពេទ្យយ៉ាងប្រុងប្រយ័ត្នបំផុត ដូច្នេះអ្នកប្រហែលជាអាចចៀសផុតផលវិបាកចំពោះសុខភាពដែលបានរៀបរាប់ពីខាងលើ។ (អាន:ថ្នាំងងុយគេង ពេលអ្នកគួរប្រើ)ក្នុងករណីដែលអ្នកត្រូវការលេបថ្នាំបញ្ចុះកូឡេស្តេរ៉ុល វាគួរតែមានការបូករួមបន្ថែមជាមួយនឹងរបៀបរស់នៅដែលផ្តល់សុខភាព និងរបបអាហារត្រឹមត្រូវដែរ៕