វាពិតជាគ្មានអាថ៌កំបាំងឡើយដែលថា ការរលាកសន្លាក់ ការប្រើប្រាស់សន្លាក់ច្រើនពេក និងរបួសនៅសន្លាក់អាចបណ្តាលឲ្យឈឺសន្លាក់បាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែតើអ្នកមានដឹងទេថា មានមូលហេតុផ្សេងៗទៀតដែលនាំឲ្យសន្លាក់ឈឺដែរ ហើយមិនសូវមានរណាដឹងទេ?
កង្វះវីតាមីន D
អ្នកជំនាញនិយាយថា វីតាមីន D សំខាន់ណាស់ក្នុងការថែរក្សាឆ្អឹងឲ្យរឹងមាំ។ ហើយវាក៏អាចជួយឲ្យរាងកាយបឺតស្រូបជាតិកាលស្យូមយកទៅប្រើប្រាស់បានផងដែរ។ បើសិនជាគ្មានវីតាមីន D ទេ កាលស្យូមនឹងអត់ប្រយោជន៍ហើយ។ ហេតុដូច្នេះហើយការកង្វះវីតាមីន D អាចធ្វើឲ្យសន្លាក់មានអារម្មណ៍ឈឺចាប់ និងខ្សោយបាន។
ញ៉ាំគ្រឿងស្រវឹងច្រើនពេក
ករណីញ៉ាំត្រឹមកម្រិតមធ្យម គ្រឿងស្រវឹងនឹងផ្តល់ប្រយោជន៍គួរឲ្យភ្ញាក់ផ្អើលមួយចំនួន។ ជាអកុសល ការញ៉ាំគ្រឿងស្រវឹងច្រើនពេក អាចបណ្តាលឲ្យប្រឈមខ្ពស់នឹងជំងឺនៅពេលយប់ជាច្រើន ជាពិសេសជាតិពុលរបស់វាអាចបង្កជាការរលាកក្នុងខ្លួន ហើយក៏ធ្វើឲ្យសន្លាក់ទៅជាឈឺ ហើម និងគាំងបានដែរ។ គ្រឿងស្រវឹងនឹងធ្វើឲ្យអាស៊ីតអ៊ុយរិកក្នុងឈាមឡើងខ្ពស់ ដែលជាហេតុនាំឲ្យកើតជំងឺរលាកសន្លាក់ហ្គោដមួយទៀត។
ស្រ្តេសច្រើនពេក
វាមិនខុសគ្នានឹងគ្រឿងស្រវឹងឡើយ ស្រ្តេសអាចធ្វើឲ្យរលាកក្នុងខ្លួនដែរ។ ការដែលមានជីវិតរស់នៅប្រកបដោយភាពស្រ្តេសខ្លាំង អាចធ្វើឲ្យសន្លាក់ទៅជាឈឺ និងហើមបាន។ អ្នកជំនាញនិយាយថា ការដែលស្រ្តេសខ្លាំងនឹងធ្វើឲ្យងាយនឹងឈឺណាស់ ទោះបីជាសន្លាក់ឈឺតិចតួច ក៏ដូចជាឈឺខ្លាំងបានដែរ។
ជីវិតរស់នៅបែបស៊ីដេកៗច្រើន
របៀបរស់នៅដែលកមិនមានការធ្វើចលនារាងកាយច្រើន អាចធ្វើឲ្យសន្លាក់មានការឈឺចាប់ខ្លាំងបានដែរ ដោយសារតែសន្លាក់ដែលមិនធ្វើចលនាអាចនឹងខូចដោយខ្លួនឯងដែរ។ លើសពីនេះទៅទៀត ការដែលមិនសូវមានសកម្មភាពរាងកាយ អាចធ្វើឲ្យស្វិត និងចុះខ្សោយសាច់ដុំដែលទ្រទ្រង់ និងផ្តល់លំនឹងដល់សន្លាក់បាន។
កំពុងតែធាត់ ឬធាត់ជ្រុល
មានហេតុផលមួយទៀតដែលថាការរស់នៅបែបស៊ីដេកៗអាចធ្វើឲ្យឈឺសន្លាក់ ហើយការពិតចំពោះរឿងនេះគឺ វានឹងធ្វើឲ្យអ្នកធាត់ ឬធាត់ជ្រុល បើសិនជាអ្នកមិនញ៉ាំអាហារផ្តល់សុខភាពទេ។ (អាន:ថ្នាំងងុយគេង ពេលអ្នកគួរប្រើ)ការដែលធាត់ខ្លាំងនឹងដាក់សម្ពាធទៅលើសន្លាក់ រហូតដល់ឈឺបាន ហើយសន្លាក់ដែលរងការប៉ះពាល់ជាងគេគឺ កែងជើង ជង្គង់ និងត្រគាក៕