សារធាតុចិញ្ចឹមត្រឹមត្រូវនិងមានតុល្យភាព គឺជាធាតុដ៏សំខាន់បំផុតមួយនៃសុខភាពល្អ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប្រភពល្អបំផុតមួយនៃសារធាតុចិញ្ចឹមដែលនឹងជួយអ្នកឱ្យរក្សាបាននូវសុខភាពដ៏ប្រសើរ រួមជាមួយរូបរាងស្រស់ស្អាតនោះ គឺដំឡូងជ្វាពណ៌ស្វាយ។ ខាងក្រោមវេបសាយសុខភាព 
Health.com.kh នឹងបង្ហាញឱ្យដឹងពីចំនុចពិសេសៗនៃការទទួលទានដំឡូងជ្វាពណ៌ស្វាយ ហើយក៏កុំភ្លេចបន្ថែមវាចូលក្នុងរបបអាហារប្រចាំថ្ងៃរបស់អ្នកផង ៖

១. ផ្ដល់ថាមពល

នោះក៏ព្រោះតែដំឡូងជ្វាពណ៌ស្វាយមានផ្ទុកជាតិកាបូអ៊ីដ្រាតធម្មជាតិជួយផ្ដល់នូវថាមពលដល់រាងកាយដើម្បីដំណើរការមុខងារ។ ដូច្នេះប្រសិនបើគ្មានកាបូអ៊ីដ្រាតគ្រប់គ្រាន់នោះរាងកាយនឹងអស់កម្លាំងឆាប់
ហត់នឿយជាមិនខាន។

២. សារធាតុប្រឆាំងអុកស៊ីតកម្ម

ដំឡូងជ្វាមានផ្ទុកសារធាតុ anthocyanins ដែលជាអុកស៊ីដង់មួយប្រភេទជួយកម្ចាត់ជាតិពុលនិងប្រឆាំងរ៉ាឌីកាល់សេរីដែលសម្លាប់កោសិកាតាមរយៈដំណើរការអុកស៊ីតកម្ម (សកម្មភាពមួយដែលពន្លឿនភាពចាស់នៃវ័យ ហើយធ្វើឱ្យមនុស្សងាយនឹងមានជំងឺរ៉ាំរ៉ៃផ្សេងៗ)។ ដូច្នេះការទទួលទានដំឡូងជ្វាពណ៌ស្វាយអាចជួយឱ្យអ្នកជៀសផុតពីជំងឺស្ទះសសៃឈាមបេះដូង គាំងបេះដូង និងជំងឺដាច់សសៃឈាមខួរក្បាលគួរឱ្យកត់សម្គាល់។

៣. ទប់ស្កាត់ការឆ្លងមេរោគផ្លូវបង្ហូរនោម

អត្ថប្រយោជន៍ផ្សេងទៀតដែលអ្នកអាចទទួលបានពីការទទួលទានដំឡូងជ្វាពណ៌ស្វាយ គឺវាជួយទប់ស្កាត់បញ្ហាឆ្លងមេរោគតាមផ្លូវបង្ហូរនោមមិនឱ្យកើតមានឡើង។ នោះក៏ព្រោះតែសារធាតុ 
anthocyanins ដែលមានវត្តមានក្នុងអាហារពណ៌ស្វាយបង្ការបាក់តេរីដូចជា E.coli មិនឱ្យតោងជាប់នឹងជញ្ចាំងនៃបំពង់បង្ហូរនោម។ អ្នកកាន់តែទទួលទានអាហារពណ៌ស្វាយច្រើនប៉ុណ្ណា ភាគរយសុវត្ថិភាពជៀសឆ្ងាយពីបញ្ហាទាក់ទងនឹងផ្លូវបង្ហូរនោមកាន់តែច្រើនប៉ុននោះ។

៤. ល្អសម្រាប់សុខភាពបេះដូង

វាជាការសំខាន់ដែលអ្នកត្រូវរក្សាឲ្យបាននូវសុខភាពបេះដូងល្អគ្រប់ពេលដើម្បីទប់ស្កាត់បញ្ហានៃជំងឺ
បេះដូងផ្សេងៗ។ ហើយវិធីដ៏ល្អដើម្បីរក្សាបាននូវសុខភាពបេះដូងនោះ គឺការបន្ថែមបន្លែផ្លែឈើពណ៌
ស្វាយចូលក្នុងរបបអាហារប្រចាំថ្ងៃរបស់អ្នក។ សារធាតុប្រឆាំងអុកស៊ីតកម្មនិងសារធាតុ anthocyanins ដែលមានវត្តមានក្នុងដំឡូងជ្វាពណ៌ស្វាយអាចជួយធានាបានថាបេះដូងរបស់អ្នកស្ថិតក្នុងស្ថានភាពដ៏ល្អប្រសើរបំផុតមួយគ្រប់ពេល។

៥. កាត់បន្ថយហានិភ័យនៃជំងឺមហារីកពោះវៀនធំ

តើអ្វីទៀតទៅដែលអ្នកអាចទទួលបានពីការទទួលទានអាហារដែលមានពណ៌ស្វាយ? ចម្លើយនោះ គឺការកាត់បន្ថយហានិភ័យនៃជំងឺមហារីកពោះវៀនធំ ដោយសារធាតុ anthocyanins ដែលមានវត្តមានក្នុងបន្លែផ្លែឈើពណ៌ស្វាយផ្ដល់ឥទ្ធិពលយ៉ាងខ្លាំងក្លាប្រយុទ្ធប្រឆាំងនឹងជំងឺមហារីកប្រភេទនេះ៕