រឿងនេះត្រូវបានគេនិយាយខ្វែងគំនិតគ្នាយ៉ាងយូរមកហើយ។ ខណៈពេលដែលមានស្រ្តីជាច្រើនកំពុងតែចៀសវាងការពាក់អាវទ្រនាប់ពេលចូលគេដើម្បីកុំឲ្យមានស្នាមលើខ្លួន និងខ្លាចកើតជំងឺមហារីកសុដន់ តែក៏មានស្រ្តីជាច្រើនជឿថាការពាក់អាវទ្រនាប់ពេលគេង ជាហេតុផលនាំឲ្យសុដន់ទៅជាយៀរធ្លាក់ទៅវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

បើយើងនិយាយដល់រចនាសម្ព័ន្ធក្នុងតំបន់សុដន់វិញគឺថា​ ដុំកូនកណ្តុរក្នុងឃ្លៀកដើរតួនាទីជាអ្នកច្រោះជាតិពុលចេញពីទឹករងៃរបស់សុដន់ ហើយវាក៏ជាភ្នាក់ងារដំបូងសម្រាប់ការពារសុខភាពពីការបង្ករោគ សារធាតុពីខាងក្រៅ និងកោសិកាមហារីកទៀត។ តាមការសិក្សាគឺមិនបានអះអាងគ្រប់គ្រាន់នៅឡើយទេដែលថា ការពាក់អាវទ្រនាប់នាំឲ្យស្ទះដល់ផ្លូវទឹករងៃ ដូច្នេះការភ័យខ្លាចជំងឺមហារីកសុដន់ក្នុងពេលនេះគ្រាន់តែជារឿងគិតក្នុងចិត្តប៉ុណ្ណោះ។ 

សម្រាប់ស្រ្តីមានផ្ទៃពោះ និងស្រ្តីបំបៅដោះកូន ច្រើនតែប្រឈមខ្ពស់នឹងការយៀរបស់សុដន់ ហើយកត្តាហ្សែន និងភាពចាស់ទៅតាមអាយុក៏ជាហេតុនាំឲ្យសុដន់ទៅជាយៀធ្លាក់ដែរ។

សរុបសេចក្តីមក ការគេងទាំងពាក់អាវទ្រនាប់គ្រាន់តែជាបញ្ហាផ្ទាល់ខ្លួនសម្រាប់ស្រ្តីម្នាក់ៗប៉ុណ្ណោះ ព្រោះវាច្រើនតែនាំឲ្យគ្មានផាសុកភាពក្នុងពេលគេង។ (អាន:ថ្នាំងងុយគេង ពេលអ្នកគួរប្រើ)ស្រ្តីខ្លះមានសុដន់តឹងខ្លាំង ដូច្នេះពួកគេត្រូវការពាក់អាវទ្រនាប់ដើម្បីទ្រទ្រង់ ហើយខ្លះទៀតដែលមានបញ្ហាកន្ទួលរមាស់នៅស្បែកក្រោមសុដន់បែរជាមានការឈឺចាប់កាន់តែខ្លាំងនៅពេលពាក់អាវទ្រនាប់ទៅវិញ។ បើសិនជាអ្នកពិតជាពាក់អាវទ្រនាប់ ចូរធ្វើយ៉ាងណាជ្រើសរើសអាវទ្រនាប់ដែធ្វើពីសរសៃធម្មជាតិ ទន់ និងផ្តល់ផាសុកភាពដល់ស្បែក និងចៀសវាងអាវណាដែលតឹងៗពេក៕