ទឹកដោះដំបូង ឬហៅថា Colostrum គឺជាទឹកចេញពីសុដន់ដំបូងគេដែលចេញមុនពេលទឹកដោះម្តាយពិតប្រាកដចេញដើម្បីចិញ្ចឹមកូន។ វាត្រូវបានគេចាត់ទុកថា ជាអាហារមានជីវជាតិបំផុត និងផ្ទុកទៅដោយសារធាតុសំខាន់ៗសម្រាប់តម្រូវការចាំបាច់របស់ទារកទើបនឹងកើត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទឹកដោះដំបូងជួយជំរុញដល់ការលូតលាស់ និងផ្តល់សុខភាពដល់ទារកទើបនឹងកើត។
អ្វីដែលពិសេសនោះគឺថា ទឹកដោះដំបូងគឺមានជាតិប្រូតេអ៊ីន ខ្លាញ់ កាបូអ៊ីដ្រាត ម៉ាញ៉េស្យូម វីតាមីន B, A, C និងE ច្រើនជាងទឹកដោះគោទៅទៀត។ ខណៈពេលដែលទឹកដោះដំបូងសម្បូរទៅដោយម៉ាក្រូជីវជាតិ វីតាមីន និងជាតិរ៉ែ តែវាត្រូវបានគេបញ្ជាក់ទៀតថា មានប្រយោជន៍ចំពោះសុខភាពច្រើន ដោយសារតែប្រូតេអ៊ីនពិសេសៗដូចជា៖
- Lactoferrin៖ ជាប្រូតេអ៊ីនមួយប្រភេទដែលចូលរួមក្នុងការឆ្លើយតបប្រព័ន្ធភាពស៊ាំរបស់រាងកាយ ចំពោះការបង្ករោគ រួមទាំងការបង្ករោគដោយបាក់តេរី និងវីរុស។
- Growth Factor៖ ជាអ័រម៉ូនដែលភ្ញោចដល់ការលូតលាស់។ វាផ្ទុកទៅដោយព័រម៉ូនជាប្រភេទប្រូតេអ៊ីនពីរយ៉ាងគឺ Insulin-like Growth Factos 1 និង 2 ឬ IGF-1 និង IGF-2។
- Antibodies៖ បកប្រែថា អង់ទីគ័រ ដែលជាប្រូតេអ៊ីន ត្រូវបានគេស្គាល់ជា Immunoglobulins ប្រើប្រាស់ដោយប្រព័ន្ធភាពស៊ាំដើម្បីប្រឆាំងនឹងបាក់តេរី និងវីរុស។ អ្វីដែលសម្បូរគឺជា Antibodies IgA, IgG និង IgM។ (អាន:ថ្នាំងងុយគេង ពេលអ្នកគួរប្រើ)
ខណៈពេលដែលទឹកដោះដំបូងផ្ទុកទៅដោយជីវជាតិជាច្រើនដើម្បីប្រឆាំងនឹងជំងឺ និងជំរុញដល់ការលូតលាស់ តែវាប្រហែលជាអាចបង្កើនមុខងារប្រព័ន្ធភាពស៊ាំ ព្យាបាលការបង្ករោគ និងផ្តល់ប្រយោជន៍ដល់សុខភាពមនុស្សមួយជីវិតផង៕