នរណាដែលមិនចង់មានធ្មេញសស្អាតគ្មានកំណកកំបោរនោះ? ទោះជាផលិតផលធ្វើឱ្យធ្មេញសមានដាក់លក់មិនខ្វះពេញទីផ្សារក៏ដោយ ប៉ុន្តែភាគច្រើននៃផលិតផលទាំងនោះអាចជះឥទ្ធិពលវិជ្ជមានគួរឱ្យបារម្ភ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ប្រសិនបើអ្នកចង់បានធ្មេញសស្អាតគួរឲ្យទាក់ទាញដោយមិនចាប់បាច់ចំណាយប្រាក់អស់ច្រើន ហើយមិនប៉ះពាល់អ្វីចំពោះសុខភាពនោះ ចូរសាកល្បងរូបមន្តតាមបែបធម្មជាតិដែលវេបសាយសុខភាព Health.com.kh នឹងបង្ហាញឱ្យដឹងខាងក្រោមនេះ ៖
១. ទឹកខ្មេះផ្លែប៉ោម
អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោម ចំនួនកន្លះស្លាបព្រាកាហ្វេ ជាមួយទឹកធម្មតា
១ ពែង។ កូរឱ្យសព្វ សឹមខ្ពុរមាត់ជាមួយទឹកល្បាយនេះនៅមុនពេលដុសធ្មេញ។ អនុវត្តឱ្យបានយ៉ាង
ហោចណាស់ពី ២ ទៅ ៣ ដងក្នុងមួយសប្តាហ៍រាល់ព្រឹក។
២. សំបកចេក
អ្វីដែលអ្នកត្រូវធ្វើ គឺដុសផ្នែកខាងក្នុងនៃសំបកចេកលើធ្មេញសម្រាប់រយៈពេលប៉ុន្មាននាទី រួចខ្ពុរសម្អាតមាត់ចេញជាមួយទឹកក្ដៅឧណ្ហៗជាការស្រេច។ អនុវត្តឱ្យបានយ៉ាងហោចណាស់ម្ដងក្នុងមួយថ្ងៃជាប្រចាំ។
៣. ទឹកក្រូចឆ្មារស្រស់
អ្វីដែលអ្នកត្រូវធ្វើ គឺគ្រាន់តែជ្រលក់ច្រាសដុសធ្មេញក្នុងទឹកក្រូចឆ្មារស្រស់ ហើយដុសវាពេញលើធ្មេញរបស់អ្នកថ្នមៗជាការស្រេច និងកុំភ្លេចទុកចោលសម្រាប់រយៈពេល ១នាទីសិន សឹមខ្ពុរលាងសម្អាតមាត់ចេញជាមួយទឹកធម្មតា។ ត្រូវចាំថាទឹកក្រូចឆ្មារមានជាតិអាស៊ីតខ្លាំងដែលអាចបណ្ដាលឲ្យសឹកធ្មេញ ដូច្នេះត្រូវប្រើប្រាស់វាដោយប្រុងប្រយ័ត្ន។
៤. ប្រេងដូង
អ្វីដែលអ្នកត្រូវធ្វើ គឺខ្ពុរមាត់ជាមួយប្រេងដូងប្រមាណពី ១ ទៅ ២ ស្លាបព្រាបាយសម្រាប់រយៈពេលពី ១០ ទៅ ១៥ នាទី សឹមខ្ជាក់ចេញ និងសម្អាតមាត់ជាមួយទឹកក្ដៅឧណ្ហៗជាការស្រេច។
៥. ម្ស៉ៅ Baking soda និងអំបិល
រូបមន្តនេះមិនត្រឹមតែជួយធ្វើអោយធ្មេញសប៉ុណ្ណោះទេ ប៉ុន្តែក៏ជួយកម្ចាត់កំណកកំបោរជាប់ធ្មេញផង
ដែរ! អ្វីដែលអ្នកត្រូវធ្វើ គឺគ្រាន់តែលាយម្ស៉ៅ baking soda ចំនួន ១ ស្លាបព្រាបាយ ជាមួយអំបិលមួយច្បិចដៃ ហើយដាក់ល្បាយនេះលើច្រាសដុសធ្មេញ រួចចាប់ផ្ដើមដុសសម្អាតធ្មេញរបស់អ្នកជាមួយល្បាយនេះដូចធម្មតាជាការស្រេច។ ទោះជាយ៉ាងណា មិនត្រូវដុសសម្អាតធ្មេញជាមួយម្ស៉ៅ baking soda លើសពី ១ ដង ក្នុងមួយសប្តាហ៍ឡើយព្រោះវាអាចបណ្ដាលអោយខូចកាចាធ្មេញ៕