ខួរក្បាលមនុស្សយើងមាននាទីក្នុងការដឹកនាំសកម្មភាពរបស់រាងកាយ ទាំងសកម្មភាពឆន្ទៈ និងអឆន្ទៈ។ ដូច្នេះវាហាក់បីដូចជា មានអ្វីដែលអាចជួយជំរុញដល់សុខភាពសរីរាង្គមួយនេះកាន់តែល្អជាងមុនសោះ។ មានវិធីមួយចំនួនដែលអ្នកត្រូវការប្រើវាដើម្បីមើលថាសុខភាពខួរក្បាល ចាប់តាំងពីការហាត់ប្រាណ និងការទទួលបានជីវជាតិគ្រប់គ្រាន់ពីអាហារ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បើសិនជាអ្នកកំពុងតែស្វែងរកអាហារដែលអាចជួយជំរុញដល់សុខភាពខួរក្បាលមែននោះ ខាងក្រោមនេះគឺជាជម្រើសដ៏ល្អបំផុត៖
ផ្លែបឺរី
បឺរីពណ៌ខ្មៅ និងស្ត្របឺរី គឺជាផ្លែឈើដ៏ឆ្ងាញ់ និងផ្ទុកទៅដោយសារធាតុ Flavonoids ដែលជាអង់ទីអុកស៊ីដង់ដ៏ពិសេសសម្រាប់ជួយបន្ថយភាពចុះខ្សោយខាងបញ្ញាស្មារតីលើមនុស្សចាស់។ យកល្អគួរតែញ៉ាំវាពីពីរ ទៅបីពេលក្នុងមួយសប្តាហ៍។
ពណ៌បៃតង
ពាក្យចាស់និយាយថា អាហារពណ៌បៃតងល្អចំពោះសុខភាព។ រឿងនេះកើតឡើងជាពិសេសបើសិនជាអ្នកកំពុងតែរកមើលវិធីដើម្បីជំរុញដល់មុខងារខួរក្បាល។ ជីវជាតិដែលមានក្នុងបន្លែពណ៌បៃតងមានដូចជា Lutein និង Zeaxanthin ដែលមានជាប់ទាក់ទងនឹងអត្ថប្រយោជន៍ចំពោះសុខភាពជាច្រើនដូចជា ពង្រឹងដល់ការចងចាំជាដើម។
កាហ្វេ
តើអ្នកគិតថា ភេសជ្ជៈកាហ្វេក្តៅៗពេលព្រឹកអ្នកគ្រាន់តែជួយឲ្យអ្នកមានអារម្មណ៍ល្អក្នុងការធ្វើការមែនទេ? ចូរគិតម្តងទៀត។ ក្រៅពីធ្វើឲ្យមានកម្លាំង ជាតិកាហ្វេអ៊ីនត្រូវបានគេរកឃើញថា ជួយពង្រឹងដល់អារម្មណ៍ និងមុខងារខួរក្បាលទូទៅ។ ខណៈពេលដែលមិនមានអ្វីល្អជាងការញ៉ាំកាហ្វេមួយពែងនៅពេលព្រឹក តែរសជាតិរបស់វាអាចនឹងល្វីងបន្តិចសម្រាប់មនុស្សមួយចំនួន។ ដូច្នេះអាចជ្រើសរើសភេសជ្ជអ្វីផ្សេងបានដូចជា តែខ្មៅជាដើម។
ត្រីសម្បូរខ្លាញ់
ខួរក្បាលភាគច្រើនផ្សំឡើងដោយខ្លាញ់ រហូតដល់ ៦០ភាគរយឯណោះ ហើយពាក់កណ្តាលគឺជាអូមេហ្គាបី។ ដូច្នេះវាគ្មានអ្វីភ្ញាក់ផ្អើលទេដែល ត្រីសម្បូរអាស៊ីតខ្លាញ់អូមេហ្គាបីដូចជា ត្រីសាលម៉ុន គឺជាជម្រើសដ៏ល្អសម្រាប់ប៉ូវខួរក្បាលនោះ។ (អាន:ថ្នាំងងុយគេង ពេលអ្នកគួរប្រើ)អាស៊ីតខ្លាញ់អូមេហ្គាបីមានប្រយោជន៍ចំពោះខួរក្បាលដូចជា បន្ថយភាពខ្សោយខាងបញ្ញាស្មារតី និងពង្រឹងដល់សុខភាពផ្លូវចិត្ត។ វាក៏ប្រហែលជាជួយបង្ការជំងឺភ្លេចភ្លាំងពេលចាស់ជរាដែរ។ យកល្អគួរតែព្យាយាមញ៉ាំត្រីប្រភេទនេះយ៉ាងហោចណាស់ ២ ទៅ ៣ដងក្នុងមួយសប្តាហ៍៕