យោងទៅតាមសារព័ត៌មាន Times បានឲ្យដឹងថា គ្រូពេទ្យនិយាយថា ថ្នាំដែលគេប្រើជាញឹកញាប់ប្រហែលជាបញ្ឈប់អាការៈជំងឺ Sepsis បាន។ នេះគឺជាការសិក្សាក្នុងមន្ទីរពិសោធន៍ដ៏ស្មុគស្មាញមួយដែលមានគោលដៅចង់ដឹងកាន់តែល្អថាហេតុអ្វីបានជា ក្មេង និងមនុស្សធំមានការឆ្លើយតបនឹងការបង្ករោគបែប Sepsis ខុសៗគ្នា ហើយរឿងនេះបានព្យាយាមសម្គាល់នូវការព្យាបាលដោយប្រើថ្នាំថ្មីដើម្បីព្យាបាលជំងឺ Sepsis ។ 

Sepsis គឺជាជំងឺដ៏កម្រ ប៉ុន្តែជាផលវិបាកដ៏ធ្ងន់ធ្ងរនៃការបង្ករោគ ហើយបើសិនជាមិនមានការព្យាបាលលឿនទេ វាអាចនាំសរីរាង្គជាច្រើនចុះខ្សោយ និងស្លាប់បាន។ បើសិនជារកឃើញទាន់ពេលវេលា ជំងឺ Sepsis នេះអាចព្យាបាលបានតាមរយៈការប្រើថ្នាំផ្សះ។ 

យ៉ាងណាមិញ អ្នកស្រាវជ្រាវបានសម្គាល់ឃើញថា វាមានភាពខុសគ្នាមួយចំពោះរបៀបដែលក្មេង និងមនុស្សធំឆ្លើយតបនឹងជំងឺ Sepsis ដែលជាទូទៅ ក្មេងៗទំនងជាមានជីវិតរស់បានច្រើនជាង។ អ្នកស្រាវជ្រាវចង់ដឹងកាន់តែច្រើនថា ភាពរ៉េស៊ីស្តង់លើក្មេងៗ និងការប្រើប្រាស់ថ្នាំនេះដើម្បីរកឃើញនូវការព្យាបាលដោយប្រើថ្នាំថ្មីៗ។ 

ឈាមដែលបូមចេញពីក្មេងៗនិងមនុស្សធំដែលមានជំងឺ Sepsis ត្រូវបានគេពិនិត្យដើម្បីសម្គាល់នូវភាពខុសៗគ្នាជាច្រើនក្នុងសកម្មភាពហ្សែនរបស់ពួកគេ។ បន្ទាប់មកទិន្នន័យមួយត្រូវបានគេប្រើប្រាស់ដើម្បីសម្គាល់ថាថ្នាំណាអាចមានលក្ខណៈស្រដៀងគ្នានឹងការឆ្លើយតបបែបធម្មជាតិដែលមានក្នុងខ្លួនក្មេង ហើយក៏ពង្រឹងដល់ការមានជីវិតរស់នៅដែរ។ ថ្នាំទាំងនេះត្រូវបានគេគុណសម្បត្តិថាអាចប្រើលើសត្វកណ្តុរបាន។ 

អ្នកស្រាវជ្រាវបានលើកឡើងនូវថ្នាំចំនួន ៥មុខ ដើម្បីប្រកាស ឬអភិវឌ្ឈន៍ ដែលវាហាក់បីដូចជាមានប្រសិទ្ធភាពក្នុងការព្យាបាលកណ្តុរដែលមានជំងឺ Sepsis។ អ្វីដែលសំខាន់នោះគឺថា មិនទាន់មានថ្នាំផ្សះណាមួយដែលស្ថិតក្នុងការព្យាបាលលើជំងឺ Sepsis នាពេលបច្ចុប្បន្នឡើយ៕