ដល់រដូវភ្លៀងហើយ គេខ្វល់ច្រើនតែជំងឺគ្រុនឈាម តែមិនសូវចាប់អារម្មណ៍អំពីជំងឺអាសន្នរោគទេ

មានបញ្ហាសុខភាពច្រើនណាស់ដែលកើតឡើងជាញឹកញាប់ក្នុងរដូវភ្លៀងជាងរដូវណាផ្សេងៗ ហើយរឿងមួយដែលកើតឡើងញឹកញាប់ដែរនោះគឺជំងឺអាសន្នរោគតែម្តង។ ជាធម្មតាជំងឺអាសន្នរោគ បង្កឡើងដោយការញ៉ាំអាហារ ឬទឹកដែលផ្ទុកមេរោគ និងចេញពីលាមករបស់អ្នកជំងឺផ្ទុកបាក់តេរីអាសន្នរោគ Vibrio Cholerae។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលបាក់តេរីនេះចូលក្នុងពោះវៀន វានឹងបញ្ចេញជាតិពុលមួយធ្វើឲ្យរាករូសធ្ងន់ធ្ងរ។ បើសិនជាមិនមានការព្យាបាលទាន់ពេលវេលាទេ ការរាករូសធ្ងន់ធ្ងរ នឹងធ្វើឲ្យខ្សោះជាតិទឹក រហូតដល់ស្លាប់បាន។ តាមរយៈអត្ថបទនេះ ខ្ញុំនឹងបង្ហាញអ្នកអំពីគន្លឹះខ្លះៗក្នុងការទប់ស្កាត់កុំឲ្យជំងឺអាសន្នរោគកើតឡើងលើអ្នក និងក្រុមគ្រួសារបានសម្រាប់រដូវភ្លៀងនេះ។

ត្រូវមានសុវត្ថិភាពក្នុងការញ៉ាំទឹក

ការញ៉ាំទឹកចេញពីក្បាលរ៉ូមីណេអាចបង្កើនឱកាសនៃការកើតជំងឺអាសន្នរោគបាន។ ហេតុដូច្នេះហើយទើបការជ្រើសរើសញ៉ាំទឹកសុទ្ធ ឬទឹកមានការវិចខ្ចប់ក្នុងដបគឺជាជម្រើសដ៏ល្អវិញ។ បើសិនជាអ្នកមិនអាចរកទឹកនេះញ៉ាំបានទេ ចូរជ្រើសរើសការញ៉ាំទឹកដែលត្រូវបានដាំឆ្អិនហើយ។ សម្រាប់ទឹកដែលយកធ្វើទឹកកក និងដុសធ្មេញ ក៏ត្រូវតែជ្រើសរើសឲ្យមានសុវត្ថិភាពដែរ។ 

លាងសម្អាតដៃឲ្យបានស្អាតល្អ

គ្រប់គ្នាដឹងហើយថា ការលាងសម្អាតដៃជាញឹកញាប់គឺជាមធ្យោបាយដ៏ឆ្លាតវៃក្នុងការបន្ថយការឆ្លងជំងឺផ្តាសាយ។ តែរឿងនេះក៏មានប្រយោជន៍ខ្លាំងសម្រាប់រដូវភ្លៀងដែរក្នុងការទប់ស្កាត់ការកើតជំងឺអាសន្នរោគ។ ដូច្នេះចូរប្រាកដថាដៃអ្នកទាំងសងខាងស្អាតល្អហើយមុនពេលចាប់កាន់អាហារទទួលទាន។ បើសិនជាមិនមានទឹកទេ អ្នកអាចប្រើទឹកសំរាប់លាងដៃជាពិសេសក៏បានដែរ។ 

ចម្អិនអាហារឲ្យឆ្អិនល្អ និងចៀសវាងការញ៉ាំអាហារតាមផ្លូវ

ដូចអ្វីដែលបានបញ្ជាក់ពីខាងលើអ៊ីចឹងថា អ្នកគួរតែដាំទឹកឲ្យពុះល្អមុនពេលញ៉ាំ ដើម្បីសម្លាប់បាក់តេរីដែលបង្កជាជំងឺអាសន្នរោគ។ ហេតុដូច្នេះហើយទើបវាគឺជារឿងល្អមយយដែលអ្នកត្រូវចម្អិនអាហារញ៉ាំខ្លួនឯងឲ្យបានល្អ។ (អាន:ថ្នាំងងុយគេង ពេលអ្នកគួរប្រើ)នៅពេលត្រូវញ៉ាំបន្លែនិងផ្លែឈើឆៅ កុំភ្លេចបកសម្បកវាចេញផង។ អ្វីដែលត្រូវធ្វើទៀតនោះគឺថា ត្រូវចៀសវាងការញ៉ាំអាហារតាមផ្លូវឲ្យបានច្រើនបំផុតតាមតែអាចធ្វើបាន ដោយសារតែបញ្ហាអនាម័យនៅមានកម្រិតនៅឡើយ៕