ការហើមពោះក្រោយពីញ៉ាំអាហាររួចមិនមែនជាបញ្ហាគម្រាមគំហែងដល់អាយុជីវិតឡើយ ប៉ុន្តែវាពិតជាមិនផ្តល់ផាសុកភាពដល់ជីវិតរស់នៅឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ពិតណាស់ អ្នកជំងឺច្រើនតែនិយាយការហើមពោះនេះប្រាប់គ្រូពេទ្យថា ជាអារម្មណ៍ទល់ៗពោះ និងមានខ្យល់ក្នុងពោះច្រើនក្រោយពីញ៉ាំអាហារ និងភេសជ្ជៈទាំងឡាយណាដែលធ្វើឲ្យផលិតជាតិហ្គាសច្រើន។ ការញ៉ាំអាហារលឿនពេក ឬញ៉ាំបណ្តើរនិយាយបណ្តើរក៏ជាដើមហេតុនាំឲ្យលេបខ្យល់ច្រើន និងហើមពោះដែរ។ យ៉ាងណាមិញ ខាងក្រោមនេះ ខ្ញុំសូមណែនាំវិធីខ្លះដែលអាចជួយការពារកុំឲ្យហើមពោះក្រោយពីញ៉ាំអាហាររួច៖
បន្ថយការញ៉ាំជាតិសរសៃ
គ្រប់គ្នាដឹងហើយថា របបអាហារមានជាតិសរសៃខ្ពស់គឺល្អសម្រាប់ទប់ស្កាត់ និងព្យាបាលការទល់លាមក និងការឡើងទម្ងន់ឥតប្រយោជន៍ ព្រមទាំងបន្ថយការកើតមហារីកពោះវៀនធំទៀត។ ជាអកុសល អ្នកខ្លះងាយនឹងហើមពោះណាស់នៅពេលញ៉ាំអាហារមានជាតិសរសៃច្រើន។ ដូច្នេះបើសិនវាកើតឡើងលើអ្នកមែន ចូរប្រាកដថាអ្នកបន្ថយការញ៉ាំហើយ។
បន្ថយការញ៉ាំខ្លាញ់
ពិតណាស់ អ្នកគួរតែកាត់បន្ថយការញ៉ាំខ្លាញ់ប្រភេទ Saturated Fats ប៉ុន្តែខ្លាញ់ល្អគួរតែញ៉ាំច្រើនអត់អីទេ។ ជាអកុសល ក្រោយពីគេសិក្សារួច ទោះបីខ្លាញ់ល្អក៏ធ្វើឲ្យហើមពោះបានដែរ។ យកល្អគួរតែជ្រើសរើសអាហារណាដែលមានជាតិខ្លាញ់ទាប។
ចៀសវាងភេសជ្ជៈមានជាតិហ្គាស
វាគ្មានអ្វីសង្ស័យឡើយដែលភេសជ្ជៈមានជាតិហ្គាសធ្វើឲ្យហើមពោះនោះ ដោយសារតែអ្នកត្រូវការលេបខ្យល់ច្រើនចូលពោះ។ មួយវិញទៀត ទោះបីជាកាហ្វេមិនមានជាតិហ្គាសក៏ដោយ ក៏វាអាចធ្វើឲ្យប្រព័ន្ធរំលាយអាហារផលិតជាតិឧស្ម័នច្រើនក្នុងពោះដែរ។
ញ៉ាំអាហារយឺតៗ
បើសិនជាអ្នកចេះតែហើមពោះក្រោយពីបាយរួចម្តងៗ ប្រហែលជាអ្នកត្រូវគិតគូរលើរបៀបញ៉ាំអាហារហើយ។ ការញ៉ាំអាហារលឿនពេក នឹងបង្កើនការលេបខ្យល់ក្នុងពោះកាន់តែច្រើន និងបង្កជាការហើមពោះ។ ដើម្បីចៀសវាងរឿងនេះ ចូរបន្ថយល្បឿននៃការញ៉ាំទៅ។
យល់ដឹងអំពីមូលហេតុរបស់អ្នក
មានមូលហេតុច្រើនណាស់នៅពីក្រោយការហើមពោះក្រោយពីបាយរួច។ បើសិនជាអ្នកមានបញ្ហារំលាយអាហារ ដូចជាការច្រាលអាស៊ីតក្រពះ ចូរប្រាកដថា អ្នកត្រូវលុបបំបាត់អាហារដែលជំរុញឲ្យច្រាលអាស៊ីតបែបនេះ។ ក្រៅពីនេះ ការដែលក្រពះធ្វើការមិនល្អ ក៏ធ្វើឲ្យពោះវៀនផលិតឧស្ម័នច្រើនដែរ។
ចំណាយពេលដើរ
ក្រោយពីញ៉ាំអាហាររួច ចូរចៀសវាងការអង្គុយនៅតុ ឬគេងភ្លាម ព្រោះរឿងនេះនឹងធ្វើឲ្យខ្យល់ក្នុងពោះមិនអាចចេញមកក្រៅបាន និងបង្កជាការមិនមានផាសុកភាពបាន។ (អាន:ថ្នាំងងុយគេង ពេលអ្នកគួរប្រើ)ក្រោយពីបាយរួច យកល្អគួរតែ ចំណាយពេលដើរមួយភ្លេតដើម្បីឲ្យទំនាញផែនដីធ្វើការជាមួយខ្យល់ដែលលេបចូលនោះកាន់តែមានប្រសិទ្ធភាព។ ការដើរក៏ជាវិធីព្យាបាលដោយខ្លួនឯងដ៏ឆ្លាតវៃមួយបើសិនជាអ្នកពិបាកក្នុងការភើម្តងៗ៕