ការរំលាយជាតិខ្លាញ់កាន់តែច្រើនអាចជួយអ្នកក្នុងការសម្រកទម្ងន់ និងថែរក្សាទម្ងន់ឲ្យនៅមានសុខភាពល្អបានយូរ។ ការហាត់ប្រាណ និងការញ៉ាំអាហារបានត្រឹមត្រូវគឺជាវិធីសាស្រ្តដ៏មានប្រសិទ្ធភាព ប៉ុន្តែអ្នកក៏អាចបង្កើនចំនួនរំលាយជាតិខ្លាញ់ឲ្យកាន់តែច្រើនតាមរបៀបវិធីដែលគេមិនសូវដឹងដែរ នោះគឺការប្រើភាពត្រជាក់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការប៉ះពាល់នឹងភាពត្រជាក់
ការប៉ះពាល់នឹងសីតុណ្ហភាពត្រជាក់ប្រហែលជាជួយបង្កើនសង្វាក់នៃការរំលាយអាហារ តាមរយៈការភ្ញោចដល់សកម្មភាពខ្លាញ់ពណ៌ត្នោត។ ខណៈពេលដែលជាតិខ្លាញ់ត្រូវបានរក្សាទុកជាខ្លាញ់ពណ៌ស វាក៏មានចំនួនជាតិខ្លាញ់ពណ៌ត្នោតតិចតួចដែរ។ ខ្លាញ់ទាំងពីរប្រភេទនេះមានមុខងារខុសៗគ្នា។ ខ្លាញ់ពណ៌សមាននាទីរក្សាទុកថាមពល។ ការដែលមានខ្លាញ់ពណ៌សច្រើនពេកប្រហលែជាជំរុញដល់ការរលាក និងអាំងស៊ុយលីនរ៉េស៊ីស្តង់។ ផ្ទុយទៅវិញ ខ្លាញ់ពណ៌ត្នោតមាននាទីថែរក្សាកម្តៅរាងកាយក្នុងពេលប៉ះពាល់នឹងភាពត្រជាក់។
ឥទ្ធិពលរំលាយខ្លាញ់របស់ខ្លាញ់ពណ៌ត្នោតត្រូវានបង្ហាញថា មានការប្រែប្រួលទៅតាមមនុសម្នាក់ៗ។ ជាទូទៅ អ្នកដែលធាត់ជ្រុលហាក់បីដូចជាមិនសូវមានសកម្មភាពរបស់ខ្លាញ់ពណ៌ត្នោតនេះជាងអ្នកដែលមានទម្ងន់ធម្មតាឡើយ។ ដោយផ្អែកទៅលើការសិក្សាលើសត្វបានឲ្យដឹងថា ការប៉ះពាល់នឹងភាពត្រជាក់រ៉ាំរ៉ៃត្រូវបានគេជឿថា នាំឲ្យខ្លាញ់ពណ៌សប្រែទៅជាពណ៌ត្នោតបានថ្វីបើរឿងនេះកំពុងតែសិក្សានៅឡើយ។ សម្រាប់ការសិក្សាលើមនុស្សវិញបានបញ្ជាក់ថា ការប៉ះពាល់នឹងសីតុណ្ហភាពត្រជាក់ ប្រហែលជាជួយបង្កើនការរំលាយជាតិខ្លាញ់បាន ដោយផ្អែកទៅលើចំនួនខ្លាញ់ពណ៌ត្នោតដែលសកម្មក្នុងរាងកាយ។ ទោះបីជាយ៉ាងណាក៏ដោយ អ្នកមិនត្រូវសម្ងំក្នុងកន្លែងត្រជាក់រហូតដល់កកដើម្បីទទួលបានប្រយោជន៍នេះឡើយ។ ការសិក្សាមួយបានបង្ហាញថា បុរសវ័យក្មេងសុខភាពល្អ ហើយរស់នៅកន្លែងមានសីតុណ្ហភាព ១៩អង្សាររយៈពេល ២ម៉ោងបានរកឃើញថា ការរំលាយជាតិខ្លាញ់របស់គេមានការកើនឡើង ហើយវាក៏មានលក្ខណៈច្រើនជាងសកម្មភាពរបស់ខ្លាញ់ពណ៌ត្នោតធ្វើការរហូតដល់ ៣ដងឯណោះ។
មធ្យោបាយបាយមួយចំនួនតូចដែលអ្នកអាចទទួលបានប្រយោជន៍ពីការប៉ះពាល់នឹងភាពត្រជាក់ដែរនោះមានដូចជា បន្ថយសីតុណ្ហភាពក្នុងផ្ទះឲ្យត្រជាក់បន្តិច ការងូតទឹកត្រជាក់ និងដើរនៅខាងក្រៅផ្ទះក្នុងពេលអាកាសធាតុត្រជាក់។
ញ៉ាំទឹកត្រជាក់
ទឹកគឺជាភេសជ្ជៈដ៏ល្អបំផុតសម្រាប់បំពេញភាពស្រេកទឹក និងបង្គ្រប់ជាតិទឹកក្នុងខ្លួន។ ការញ៉ាំទឹកក៏ត្រូវបានបង្ហាញថា ជួយបង្កើនការរំលាយអាហារបណ្តោះអាសន្នក្នុងមនុស្សធំ និងក្មេងដែលមានទម្ងន់ធម្មតា និងធាត់ៗដែរ។ (អាន:ថ្នាំងងុយគេង ពេលអ្នកគួរប្រើ)ការសិក្សាមួយចំនួនបានបញ្ជាក់ថា អ្នកប្រហែលជាអាចបង្កើនឥទ្ធិពលនេះខ្លាំងបំផុតតាមរយៈការញ៉ាំទឹកត្រជាក់។
ការសិក្សាមួយដែលធ្វើទៅលើមនុស្សវ័យក្មេងមានសុខភាពល្អបានសង្កេតឃើញថា ការញ៉ាំទឹកត្រជាក់ ៥០០មីលីលីត្រ បានបង្កើនការប្រើប្រាស់កាឡូរីត្រឹមតែ ៤.៥ភាគរយ ក្នុងរយៈពេល ៦០នាទីទេ៕