ភាពតានតឹង គេងមិនគ្រប់ ទទួលទានអាហារគ្មានសុខភាពល្អមិនត្រឹមតែជះឥទ្ធិពលចំពោះសុខភាពរាងកាយប៉ុណ្ណោះទេ ប៉ុន្តែក៏ធ្វើឱ្យកើនទម្ងន់ផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ! ក្រៅពីធ្វើការលំហាត់ប្រាណនិងមានរបបអាហារសុខភាពល្អហើយនោះ វិធីសាមញ្ញៗមួយចំនួនអាចជួយឱ្យអ្នកស្រក
ទម្ងន់បានយ៉ាងរហ័ស។ ថ្ងៃនេះវេបសាយសុខភាព Health.com.kh នឹងបង្ហាញពីគន្លឹះងាយ ប៉ុន្តែមានប្រសិទ្ធិភាពខ្ពស់ជួយឱ្យអ្នកស្រកទម្ងន់ក្នុងរយៈពេលត្រឹមតែ ២ សប្តាហ៍ ៖
១. ក្រោកពីព្រឹកព្រលឹម
ពិតណាស់ការគេងគ្រប់គ្រាន់អាចជួយឱ្យការដុតរំលាយអាហារកាន់តែប្រសើរឡើង ប៉ុន្តែប្រសិនបើអ្នកគេងច្រើនពេកនោះវានឹងបង្កជាប៉ះពាល់ដល់រាងកាយវិញ។ ក្រុមអ្នកវិទ្យាសាស្រ្តបានរកឃើញថាអ្នកដែលគេងចាប់ពី ៨ ទៅ ៩ ម៉ោង ហើយក្រោកឡើងក្រោយម៉ោង ១០:៤៥ នាទីព្រឹកនោះ នឹងឃ្លានទទួលទានអាហារសម្បូរទៅដោយជាតិកាឡូរីច្រើនជាងអ្នកក្រោកពីព្រឹកព្រលឹម។ ម្យ៉ាងទៀតពួកគេតែងអារម្មណ៍ឃ្លានអាហារប្រៃ អាហារផ្អែម និងអាហារមានផ្ទុកជាតិខ្លាញ់ខ្ពស់ខ្លាំងជាងឃ្លានបន្លែផ្លែឈើ។
២. គ្រប់គ្រងអារម្មណ៍តានតឹង
ភាពតានតឹង ឬស្ត្រេសអាចពន្យឺតការដុតរំលាយអាហារក្នុងរាងកាយ។ លើសពីនេះទៅទៀតនៅពេលតានតឹងក្នុងអារម្មណ៍មនុស្សភាគច្រើនមានទំនោរទទួលទានអាហារខ្លាញ់ អាហារផ្អែម និងអាហារប្រៃខ្លាំងជាងពេលធម្មតា។ ហើយការទទួលទានអាហារមានផ្ទុកកាឡូរីខ្ពស់ក្នុងពេលស្ត្រេសជះឥទ្ធិពលយ៉ាងខ្លាំងលើការដុតរំលាយអាហារធ្វើអោយកើនទម្ងន់ឆាប់រហ័ស។ ដូច្នេះដើម្បីជាការប្រសើរចូរព្យាយាមគ្រប់គ្រងភាពស្ត្រេសរបស់អ្នក។
៣. បង្កើនទទួលទានទឹក
នោះក៏ព្រោះតែការទទួលទានទឹកជួយអោយមានអារម្មណ៍ឆ្អែតកាត់បន្ថយការឃ្លាន។ ដូច្នេះអ្នកគួរទទួលទានទឹកបន្តិចមុនពេលទទួលទានអាហារ ដើម្បីទប់ស្កាត់ការទទួលទានច្រើនលើស។ ការទទួលទានទឹកច្រើនគ្រប់គ្រាន់ក៏ជួយពន្លឿនដំណើរការនៃការដុតបំផ្លាញជាតិខ្លាញ់ផងដែរ។
៤. បង្កើនការសើច
តាមការស្រាវជ្រាវនៃសាកលវិទ្យល័យវេជ្ជសាស្រ្ត Vanderbilt សហរដ្ឋអាមេរិកបានអះអាងថា ការដែលអ្នកសើចប្រមាណ ពី១០ ទៅ ១៥នាទី គឺអាចជួយដុតបំផ្លាញកាឡូរីបានប្រមាណពី ១០ ទៅ ៤០ កាឡូរី។ ហើយបរិមាណនៃកាឡូរីដែលត្រូវបានដុតបំផ្លាញ គឺផ្អែកលើកម្រិតនៃការសើចរបស់អ្នកផងដែរ ដោយការសើចខ្លាំងអាចដុតបំផ្លាញការឡូរីបានច្រើនជាងការសើចតិចៗធម្មតា។
៥. គេងឱ្យបានគ្រប់គ្រាន់
ការគេង ៨ ម៉ោងក្នុងមួយយប់ (ពីម៉ោង ១០ ឬ ១១ យប់ ដល់ ម៉ោង ៦ ឬ ៧ ព្រឹក) ជួយរួមចំណែកដល់ការដុតរំលាយអាហារក្នុងរាងកាយនិងកម្ចាត់ខ្លាញ់ក្បាលពោះបានយ៉ាងប្រសើរ។ យោងតាមការស្រាវជ្រាវមួយនៃវិទ្យាស្ថានសុខភាពជាតិរបស់សហរដ្ឋអាមេរិក NCBI បានរកឃើញថាអ្នកដែលគេងបានតិចជាង ៥ ម៉ោងក្នុងមួយយប់ងាយនឹងឡើងទម្ងន់និងកើតជំងឺធាត់ជ្រុលជាងអ្នកគេងគេងបានគ្រប់គ្រាន់។ ការគេងមិនគ្រប់ក៏បណ្ដាលឱ្យរាងកាយផលិតអ័រម៉ូនស្ត្រេសកាន់តែច្រើនដែលបង្កើនការប្រមូលផ្ដុំជាតិខ្លាញ់។
៦. ការទទួលទានស្រាក្រហម
យោងទៅតាមការស្រាវជ្រាវនៃសាកលវិទ្យាល័យ Alberta ប្រទេសកាណាដាបានបង្ហាញថា ការ
ទទួលទានស្រាក្រហមមួយកែវ គឺអាចជំនួសការធ្វើលំហាត់ប្រាណដល់ទៅមួយម៉ោង។ នោះក៏ព្រោះ
តែសារធាតុនូវក្នុងស្រាក្រហមអាចជួយបង្កើនភាពសកម្មនៃសាច់ដុំ។ ហើយសារធាតុ Resveratrol ក៏មានប្រសិទ្ធិភាពបំលែង ជាតិខ្លាញ់ពណ៌សទៅជាខ្លាញ់ពណ៌ត្នោត ដែលជួយដល់ការសម្រកទម្ងន់ផងដែរ៕