ផ្លែធូរេនគឺជាផ្លែឈើលូតលាស់ក្នុងតំបន់ត្រូពិច ហើយក៏ជាទីពេញនិយមសម្រាប់តំបន់អាស៊ីអាគ្នេហ៍ដែរ ព្រមទាំងមានឈ្មោះជា ស្នេចផ្លែឈើ ទៀត។ ក្រៅពីមានរសជាតិឆ្ងាញ់ ផ្លែធូរេនសម្បូរជីវជាតិខ្លាំងជាផ្លែឈើផ្សេងៗទៅទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាយ៉ាងណាក៏ដោយ ដោយសារតែក្លិនក្រអូបរបស់វា មិនប្រាកដថា វាជាទីពេញនិយមសម្រាប់មនុស្សគ្រប់គ្នានោះទេ ដោយសារតែអ្នកខ្លះយល់ថា ក្លិននោះស្អុយទៅវិញ។ ផ្លែធូរេនគឺជាផ្លែឈើសម្បូរជីវជាតិបំផុត ជាពិសេសជាតិសរសៃ វីតាមីន B វីតាមីន C និងសារធាតុរបស់រុក្ខជាតិជាច្រើនទៀត។
តាមការសិក្សាបានឲ្យដឹងថា ផ្លែធូរេនផ្តល់នូវអត្ថប្រយោជន៍ដល់សុខភាពជាច្រើនដូចជា៖
- បន្ថយការកើតមហារីក ដោយសារតែសម្បូរអង់ទីអុកស៊ីដង់
- បង្ការជំងឺបេះដូង ដោសយារតែវាជួយបញ្ចុះកូឡេស្តេរ៉ុល និងការប្រឈមជំងឺក្រិនរឹងសរសៃឈាម
- ប្រឆាំងការបង្ករោគ ដោយសារតែមានសារធាតុប្រឆាំងនឹងបាក់តេរី និងមេរោគផ្សិត
- បញ្ចុះជាតិស្ករក្នុងឈាម ដោយសារតែវាមានកម្រិតជាតិផ្អែម Glycemic Index (GI) ទាប ជាងផ្លែឈើផ្សេងទៀត មានន័យថាលទ្ធផលក្នុងការធ្វើឲ្យជាតិស្ករក្នុងឈាមឡើងខ្ពស់លឿនគឺតិចទេ
ខណៈពេលដែលការសិក្សាទាំងនេះបានបង្ហាញលទ្ធផលខាងលើមែន ប៉ុន្តែការសិក្សាភាគច្រើននោះគឺធ្វើតែលើសត្វ ឬក្នុងបំពង់មន្ទីរពិសោធន៍ប៉ុណ្ណោះ។ វាមិនទាន់មានការអះអាងជាដុំកំភួនណាមួយអាចធ្វើបាននៅឡើយទេ លុះត្រាតែមានការសិក្សាលើមនុស្សសិន។
ទោះបីជាយ៉ាងណាក៏ដោយ ការញ៉ាំផ្លែធូរេនក្នុងពេលជាមួយគ្នានឹងគ្រឿងស្រវឹង អាចបង្កជាបញ្ហាច្រើនបាន។ អ្នកវិទ្យាសាស្រ្តជឿថា សារធាតុស្រដៀងណឹងស្ពាន់ធ័រ ក្នុងផ្លែធូរេនប្រហែលជាបង្ការមិនឲ្យអង់ស៊ីមជាច្រើនទៅរំលាយគ្រឿងស្រវឹងឡើយ ដែលជាហេតុនាំឲ្យជាតិគ្រឿងស្រវឹងកើនឡើងក្នុងឈាមកាន់តែខ្លាំង។ (អាន:ថ្នាំងងុយគេង ពេលអ្នកគួរប្រើ)រឿងនេះអាចនាំឲ្យមានអាការៈជាច្រើនដូចជា ចង្អោ ក្អួត និងញ័រដើមទ្រូង។ ដូច្នេះ ដើម្បីសុវត្ថិភាព ចូរចៀសវាងការញ៉ាំធូរេន និងគ្រឿងស្រវឹងក្នុងពេលតែមួយ៕