សរសៃឈាមអាក់ទែគឺជាសរសៃឈាមមួយប្រភេទដែលដឹកនាំឈាមសម្បូរកអុកស៊ីសែនទៅចិញ្ចឹមកោសិកា ជាលិកា និងសរីរាង្គផ្សេងៗនៃរាងកាយ។ ដើម្បីអាចឲ្យវាធ្វើការបានល្អដោយគ្មានការរំខាន ទាល់តែសរសៃឈាមមិនមានកំណកអ្វីជាប់នៅខាងក្នុង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែមានរឿងច្រើនខុសៗគ្នាអាចធ្វើឲ្យកើតកំណកក្នុងសរសៃឈាមអាក់ទែបានដូចជា អាយុច្រើន លើសសម្ពាធឈាម លើសខ្លាញ់អាក្រក់ជាដើម។ សំណាងដែរ មានអាហារមួយចំនួនដែលអាចជួយរំលាយកំណកឈាមក្នុងសរសៃឈាមអាក់ទែកុំឲ្យកកជាប់បានតាមបែបធម្មជាតិទៀតបើសិនជាទទួលទានវាជាទៀងទាត់។
គ្រាប់ធញ្ញជាតិ
គ្រាប់ធញ្ញជាតិសម្បូរទៅដោយជាតិសរសៃ ដែលជាជីវជាតិមួយជួយបោសសម្អាតកូឡេស្តេរ៉ុល និងកំណកក្នុងសរសៃឈាមអាក់ទែបាន។ យ៉ាងណាមិញ គ្រាប់ធញ្ញជាតិក៏ល្អបំផុតសម្រាប់ជួយឲ្យពោះវៀនមានសុខភាពកាន់តែល្អដែរ។
បន្លែពណ៌បៃតង
អ្នកក៏អាចទទួលបានជាតិសរសៃកាន់តែច្រើនពីបន្លែពណ៌បៃតងដែរ។ ការបន្ថែមវាចូលទៅក្នុងរបបអាហារនឹងជួយទប់ស្កាត់ការលើសជាតិស្ករក្នុងឈាម និងមិនឲ្យធាត់ជ្រុលបាន ព្រោះវាជាកត្តាដែលនាំឲ្យកកកំណកក្នុងសរសៃឈាមអាក់ទែ។
ប្រេងអូលីវ
គ្រប់ពេលដែលអ្នកធ្វើម្ហូបដោយការឆាបន្លែ ចូរកុំភ្លេចប្រើប្រេងអូលីវផង។ ការស្រាវជ្រាវតាមបែបវិទ្យាសាស្រ្តមួយចំនួននិយាយថា ប្រេងអូលីវគឺជាឱសថបំបាត់កំណកជាប់ក្នុងសរសៃឈាមអាក់ទែយ៉ាងអស្ចារ្យ។
ផ្លែឈើជូរៗ
គ្រប់គ្នាដឹងហើយថា វីតាមីន C មានច្រើនក្នុងផ្លែឈើជូរៗ ហើយក៏ល្អសម្រាប់ពង្រឹងដល់ប្រព័ន្ធភាពស៊ាំមនុស្សយើងដែរ។ ជាអកុសល មិនមានមនុស្សច្រើនទេដែលដឹងអំពីការពិតមួយថ្ងៃ វីតាមីនមួយនេះក៏សំខាន់សម្រាប់ជួយថែរក្សាជញ្ជាំងសរសៃឈាមឲ្យមានសុខភាពល្អដែរ។
ផ្លែប័រ
ផ្លែប័រជួយជំរុញដល់ការបង្កើនចំនួនកូឡេស្តេរ៉ុលល្អក្នុងឈាម និងបញ្ចុះកូឡេស្តេរ៉ុលអាក្រក់។ កូឡេស្តេរ៉ុលល្អចង់និយាយថា ជាកូឡេស្តេរ៉ុលដែលដឹកនាំកូឡេស្តេរ៉ុលអាក្រក់ចូលទៅក្នុងថ្លើមដើម្បីបញ្ចេញចោលពីក្នុងរាងកាយ។
ត្រីសម្បូរខ្លាញ់
ដោយសារតែវាជាខ្លាញ់ មិនមែនមានន័យថាវាមិនល្អចំពោះសុខភាពឡើយ។ ពិតណាស់ ត្រីសម្បូរខ្លាញ់ល្អបំផុតសម្រាប់ជួយរំលាយកំណកក្នុងសរសៃឈាមអាក់ទែ ដោយសារតែវាជួយបញ្ចុះកូឡេស្តេរ៉ុលអាក្រក់ និងបន្ថយការរលាក ដែលជាកត្តានាំឲ្យកើតជំងឺបេះដូង។
កាហ្វេ
ការញ៉ាំកាហ្វេមួយពែងអាចមានឥទ្ធិពលជួយបំបាត់កំណកក្នុងសរសៃឈាមអាក់ទែបាន។ (អាន:ថ្នាំងងុយគេង ពេលអ្នកគួរប្រើ)នេះដោយសារតែវាផ្ទុកទោដោយអង់ទីអុកស៊ីដង់ដែលអាចជួយបង្ការការកកកុញរបស់កំណកលើជញ្ជាំងសរសៃឈាមអាក់ទែខាងក្នុង។ តែបៃតងក៏មានប្រសិទ្ធភាពល្អដូចកាហ្វេដែរ៕