ស្រ្តីជាច្រើនតែងមានការឈឺចាប់នៅទ្វារមាសក្នុងពេលមករដូវ។ ការឈឺចាប់នេះក៏ជាអាការៈមួយដែលអ្នកត្រូវការថែរក្សាអនាម័យខ្លួនឯងឲ្យបានល្អជារៀងរាល់ខែដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ខ្ញុំមានវិធីសាស្រ្តខ្លះដែលអ្នកអាចធ្វើបានដើម្បីបញ្ឈប់ការឈឺចាប់ក្នុងទ្វារមាសក្នុងកាលៈទេសៈបែបនេះ៖

ចៀសវាងសកម្មភាពដែលធ្វើឲ្យឈឺកាន់តែខ្លាំង

សកម្មភាពរួមភេទអាចជាការប្រឈមមុខមួយ ដោយសារតែវានឹងបង្កើនចំនួនការកកិតលើទ្វារមាសដែលឈឺស្រាប់ ដូច្នេះចូររួមភេទក្នុងពេលដែលអ្នកមានអារម្មណ៍ល្អបានហើយ។ សកម្មភាពដែលបង្កើនការកកិតក្នុងទ្វារមាសដែលអ្នកគួរតែចៀសវាងនោះមានដូចជា ការជិះកង់ ការអង្គុយរយៈពេលយូរ ឬអ្វីៗដែលនាំឲ្យប៉ះពាល់ដល់ទ្វារមាស។ 

ស្អំទឹកក្តៅនៅពោះ និងភ្លៅផ្នែកខាងក្នុង

ដបដាក់ទឹកក្តៅឧណ្ហៗអាចស្រួលទិញទេនៅតាមផ្សារធម្មតាៗ។ យកល្អគួរតែដាក់វាស្អំនៅលើផ្នែកដែលឈឺបំផុតនៃរាងកាយ។ ចូរកុំដាក់ស្អំរហូតដល់គេងលក់ឲ្យសោះ។ ភាពក្តៅនឹងបន្ថយការឈឺចាប់បានយ៉ាងល្អ។ 

ចូរសម្រាកនៅពេលមានអារម្មណ៍ថាអស់កម្លាំង

ចូរសម្រាកនៅលើគ្រែឲ្យបានច្រើនតាមតែអាចធ្វើទៅបាន ជាពិសេសនៅពេលដែលការឈឺចាប់នៅស្ថិតក្នុងស្ថានភាពខ្លាំងក្លា។ បើសិនជាអ្នកត្រូវធ្វើការ ឬទៅសាលា អ្នកអាចផ្អាកមួយថ្ងៃសិន តែក៏ត្រូវចៀសវាងសកម្មភាពណាដែលប្រើកម្លាំងខ្លាំង និងស្រ្តេស។ 

ចូរចៀសវាងអាហារដែលបង្កការរលាកដល់ក្រពះ

ការញ៉ាំអាហារតិចៗដែលមានគ្រាប់ធញ្ញជាតិ បន្លែ និងកាបូអ៊ីដ្រាត ខណៈពេលដែលចៀសវាងគ្រឿងស្រវឹង ជាតិកាហ្វេអ៊ីន ជាតិផ្អែមច្រើន នឹងជួយការពារការរលាកពោះវៀនបានក្នុងពេលមករដូវ។ រឿងនេះនឹងជួយបន្ថយការរលាកកាន់តែខ្លាំងនៅលើទ្វារមាសដែរ។ 

ម៉ាស្សាចង្កេះ ឬពោះផ្នែកខាងក្រោម

ចូរប្រើចុងម្រាមដៃសង្កត់ថ្នមៗជារង្វង់នៅជុំវិញរន្ធផ្សិត នឹងជួយបន្ថយការឈឺចាប់បាន។(អាន:ថ្នាំងងុយគេង ពេលអ្នកគួរប្រើ) ចូរឲ្យមិត្តភក្តិអ្នកម្នាក់ត្រដុះ ឬឈ្លីនៅចង្កេះផងបើសិនជាអ្នកមិនអាចធ្វើខ្លួនឯងបាន៕