ថ្លើមមនុស្សយើងមាននាទីផលិតទឹកប្រមាត់ ដែលវាមានមុខងារជួយដល់ការរំលាយជាតិខ្លាញ់ដែលបានមកពីអាហារយើងញ៉ាំរាល់ថ្ងៃ។ ក្រោយពីទឹកប្រមាត់ផលិតរួច វានឹងត្រូវរក្សាទុកក្នុងថង់ទឹកប្រមាត់ ដើម្បីត្រៀមខ្លួនបញ្ចេញទៅក្នុងពោះវៀនតូចពេលញ៉ាំអាហាររួច។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជាអកុសល សារធាតុបំពាក់ពណ៌ខ្លះរបស់ទឹកប្រមាត់ និងកូឡេស្តេរ៉ុលអាចនឹងប្រមូលប្តុំគ្នាក្លាយទៅជាគ្រួសបាន។ បើសិនវាធំគ្រប់គ្រាន់ វានឹងធ្វើឲ្យស្ទះក្នុងផ្លូវទឹកប្រមាត់ និងបង្កជាការឈឺចាប់ ចង្អោ និងក្អួតបាន។ យ៉ាងណាមិញ បើសិនជាអ្នកពិតជាមិនចង់ឲ្យកើតគ្រួសក្នុងថង់ទឹកប្រមាត់នេះទេ ចូរបន្តអានអត្ថបទនេះដូចខាងក្រោមទៀតទៅ៖

រក្សាទម្ងន់ឲ្យនៅមានសុខភាពល្អ

ការដែលធាត់ជ្រុល ឬធាត់ខ្លាំង គឺជាកត្តាប្រឈមខ្លាំងបំផុតនៃការកើតគ្រួសថង់ទឹកប្រមាត់។ ដូច្នេះវាពិតជាល្អណាស់ដែលអ្នកអាចសម្រកទម្ងន់បាន។ ហើយបើសិនជាអ្នកសម្រក យកល្អគួរតែកុំសម្រកលឿនពេក តែត្រូវធ្វើតាមដំណើរបន្តិចម្តងៗ ព្រោះការដែលសម្រកខ្លាំង អាចធ្វើឲ្យកើតគ្រួសក្នុងថង់ទឹកប្រមាត់ទៅវិញទេ។ 

ហាត់ប្រាណជាប្រចាំ

វិធីសាស្រ្តដ៏សំខាន់បំផុតមួយដើម្បីសម្រកទម្ងន់ប្រកបដោយសុខភាពល្អគឺការហាត់ប្រាណទៀងទាត់។ ការហាត់ប្រាណទៀងទាត់ក៏អាចការពារមិនឲ្យកើតគ្រួសក្នុងថង់ទឹកប្រមាត់ដែរ។ ការហាត់ប្រាណ នឹងទៅបន្ថយចំនួនកូឡេស្តេរ៉ុល ហើយវាក៏មិនសូវធ្វើឲ្យទឹកប្រមាត់ខាប់ដើម្បីក្លាយជាគ្រួសបានដែរ។

មានអ្វីដែលអ្នកញ៉ាំផង

វាពិតជារឿងល្អណាស់ដែលអ្នកគួរជ្រើសរើសរបបអាហារដែលមានជាតិសរសៃខ្ពស់ ដើម្បីការពារកុំឲ្យកើតគ្រួសក្នុងថង់ទឹកប្រមាត់។ (អាន:ថ្នាំងងុយគេង ពេលអ្នកគួរប្រើ)រឿងនេះមានន័យថា អ្នកគួរតែញ៉ាំផ្លែឈើ បន្លែពណ៌បៃតង គ្រាប់ធញ្ញជាតិ និងគ្រាប់ផ្លែឈើឲ្យបានច្រើន ព្រោះអាហារទាំងនេះនឹងផ្តល់ជាខ្លាញ់ល្អដល់សុខភាព ក្នុងការប្រឆាំងការកកើតគ្រួសក្នុងថង់ទឹកប្រមាត់ផងដែរ៕