គេនិយាយថា ការស្ងាបជារឿងដែលអាចឆ្លងគ្នា។ ប៉ុន្តែបើសិនអ្នកនៅតែម្នាក់ឯងក្នុងបន្ទបហើយស្ងាបជាប់ នោះមានន័យថា អ្នកអាចមានបញ្ហាណាមួយហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ខាងក្រោមនេះអាចជាហេតុផលមួយដែលនាំឲ្យអ្នកចេះតែមានអារម្មណ៍ស្ងាបជាប់រហូត៖
មានបញ្ហានៃការគេង
ការស្ងាបដឹងស្រាប់ហើយថា វាច្រើនតែទាក់ទងនឹងការងងុយគេងខ្លាំង ជាពិសេសនៅពេលដែលអ្នកមិនអាចគេងបានលក់ស្កបស្កលពី ៧ ទៅ៩ម៉ោងក្នុងមួយយប់។ មានរឿងច្រើនណាស់ដែលអាចធ្វើឲ្យគេងមិនគ្រប់គ្រាន់ដូចជា មិនងងុយគេង ឈឺជើង ឬគេងបាត់ដង្ហើមជាដើម។
ការថប់អារម្មណ៍
មនុស្សដែលថប់អារម្មណ៍ច្រើនតែមានអាការៈ បេះដូងលោតញ៉ាប់ តឹងទ្រូង ពិបាកដកដង្ហើម មានអារម្មណ៍ចង់សន្លប់ ខ្សោយ បែកញើសពេញខ្លួន ឬនៅមិនសុខជាដើម។ យ៉ាងណាមិញ អ្នកដែលថប់អារម្មណ៍ក៏កើតមានអាការៈស្ងាបច្រើនដងដែរ។ រឿងនេះអាចដោយសារតែរាងកាយធ្វើការខ្លាំងពេកទើបបណ្តាលឲ្យនឿយហត់រហូតដល់ស្ងាបច្រើនបែបនេះ។
បាក់ទឹកចិត្ត
ការបាក់ទឹកចិត្តអាចធ្វើឲ្យអស់កម្លាំងទាំងផ្លូវកាយ និងចិត្ត ហើយវាក៏គ្មានអ្វីចម្លែកដែរ ដែលអ្នកជំងឺបែបនេះមានអាការៈស្ងាបជាប់នោះ។ ដូច្នេះយកល្អគួរតែគ្រប់គ្រងការបាក់ទឹកចិត្តនេះឲ្យបានល្អទើបមិនមានផលវិបាករបស់វាច្រើន ជាពិសេសការធ្វើអត្តឃាដខ្លួនឯងតែម្តង។
បញ្ហាបេះដូង
បេះដូងក៏អាចជាហេតុផលមួយនាំឲ្យមានអាការៈស្ងាបជាប់មិនបាត់ដែរ។ វាទាក់ទងគ្នាត្រង់ថា ការដែលមានបញ្ហាបេះដូង អាចធ្វើឲ្យសរីរាង្គរាងកាយក្នុងខ្លួនមិនទទួលបានការផ្គត់ផ្គង់ឈាមសម្បូរអុកស៊ីសែនគ្រប់គ្រាន់ទេ។ ពេលខ្លះ ការស្ងាបច្រើនពេកក៏ឃើញលើអ្នកដែលមានជំងឺគាំងបេះដូង និងដាច់សរសៃឈាមខួរក្បាលដែរ។
បញ្ហាថ្លើម
អ្នកខ្សោយថ្លើម ជាពិសេសការខូចថ្លើមដំណាក់កាលចុងក្រោយច្រើនតែបង្កជាអាការៈស្ងាបជាញឹកញាប់។ អ្នកជំនាញជឿថា រឿងនេះអាចដោយសារតែការអស់កម្លាំងច្រើនជាង។ (អាន:ថ្នាំងងុយគេង ពេលអ្នកគួរប្រើ)ក្រៅពីស្ងាបច្រើន អ្នកខ្លះក៏មានអាការៈផ្សេងទៀតដូចជា ងងុយគេងនៅពេលថ្ងៃច្រើន ឡើងលឿងលើស្បែក និងភ្នែក បាត់បង់ចំណង់អាហារ ចង្អោ វង្វេងវង្វាន់ និងហើមប្រអប់ដៃឬជើង៕