មានទម្លាប់ញ៉ាំគ្រាប់ផ្លែឈើ ឬសណ្តែកដីមួយក្តាប់ដៃរាល់ថ្ងៃ រឿងទាំងអស់នេះនឹងកើតឡើងលើអ្នកមិនខាន

ប្រហែលជាអ្នកធ្លាប់លឺគេនិយាយថា គ្រាប់ផ្លែឈើ ឬសណ្តែកដីមានជាតិខ្លាញ់ខ្ពស់ ហេតុដូច្នេះហើយទើបអ្នកព្យាយាមមិនញ៉ាំវាទេ។ មែនហើយវាមិនខុសទេដែលនិយាយថា គ្រាប់ផ្លែឈើមានជាតិខ្លាញ់ខ្ពស់ ប៉ុន្តែវាគឺជាខ្លាញ់ដែលមិនមានក្នុងដំឡូងចៀន មាន់ចៀន ឬភីហ្សាទេ វាគឺជាខ្លាញ់ល្អចំពោះសុខភាព។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ បើសិនជាអ្នកមានទម្លាប់ញ៉ាំគ្រាប់ផ្លែឈើ ឬសណ្តែកដីមួយក្តាប់ដៃរាល់ថ្ងៃ អ្នកនឹងទទួលបានប្រយោជន៍ចំពោះសុខភាពដូចខាងក្រោមនេះ៖

បញ្ចុះកូឡេស្តេរ៉ុល

ការសិក្សាជាច្រើនបានបង្ហាញថា កូឡេស្តេរ៉ុលល្អដែលមានក្នុងគ្រាប់ផ្លែឈើអាចបញ្ចុះកូឡេស្តេរ៉ុលអាក្រក់ពីក្នុងឈាមបាន ដូច្នេះអ្នកនឹងមិនងាយកើតជំងឺគាំងបេះដូង ឬដាច់សរសៃឈាមខួរក្បាលឡើយ។ 

ពង្រឹងដល់សុខភាពពោះវៀន

គ្រប់គ្នាដឹងហើយថា ការញ៉ាំយ៉ាអួរមានប្រយោជន៍ចំពោះពោះវៀន ដោយសារតែវាមានបាក់តេរីល្អ។ ដើម្បីឲ្យបាក់តេរីនេះលូតលាស់ទៀត អ្នកក៏ត្រូវមានវិធីសាស្រ្តចិញ្ចឹមវាឲ្យបានល្អដែរជាមួយនឹងជាតិសរសៃពិសេសឈ្មោះថា Prebiotic ហើយវាក៏មានច្រើនក្នុងគ្រាប់ផ្លែឈើដែរ។ 

ជួយឲ្យបន្ទោបង់ទៀងទាត់

គ្រាប់ផ្លែឈើ ឬសណ្តែកដីផ្ទុកទៅដោយជាតិសរសៃខុសៗគ្នា ដែលជួយដល់ការបញ្ចេញចោលជាតិពុល និងកាកសំណល់ពីក្នុងពោះវៀនធំបាន។ នេះហើយជាហេតុផលដែលការញ៉ាំគ្រាប់ផ្លែឈើ ឬសណ្តែកដីមួយក្តាប់ដៃក្នុងមួយថ្ងៃ អាចជួយបំបាត់ការទល់លាមកបាន និងបន្ទោបង់បានទៀងទាត់។ 

គ្រប់គ្រងជាតិស្ករក្នុងឈាម

បើសិនជាគ្រូពេទ្យប្រាប់ថា អ្នកមានជំងឺទឹកនោមផ្អែម ឬប្រឈមខ្ពស់នឹងជំងឺនេះហើយ អ្នកគួរតែតាមដានជាតិស្ករក្នុងឈាមជារៀងរាល់ថ្ងៃ។ ក្រៅពីនេះក៏គួរតែពិចារណាទៅលើការញ៉ាំគ្រាប់ផ្លែឈើជាប្រចាំថ្ងៃដែឬ ដោយសារតែជាតិសរសៃរបស់វាជួយការពារជាតិស្ករក្នងុឈាមឲ្យនៅធម្មតា និងផ្តល់សុខភាព។ 

សម្រកទម្ងន់

គ្រាប់ផ្លែឈើជាអាហារសម្រនដ៏ល្អមួយគ្រប់ពេលដែលក្រពះកំពុងតែកូរឃ្លាន ហើយវាក៏ជួយឲ្យអ្នករីករាយនឹងការទទួលបានជាតិខ្លាញ់ល្អចំពោះសុខភាព និងជាតិសរសៃផងដែរ។ ការញ៉ាំអាហារនេះអាចជួយសម្រកទម្ងន់បានយ៉ាងល្អថែមទៀតផង។ 

បន្ថយការប្រឈមនឹងជំងឺមហារីក

ដោយសារតែសមត្ថភាពបញ្ចេញចោលជាតិពុលពីក្នុងខ្លួនរបស់គ្រាប់ផ្លែឈើ ដូច្នេះវាត្រូវបានគេចាត់ទុកថាជាអាហារជួយបន្ថយការកើតជំងឺមហារីក ជាពិសេសមហារីកពោះវៀនធំតែម្តង។ (អាន:ថ្នាំងងុយគេង ពេលអ្នកគួរប្រើ)ក្រៅពីនេះគ្រាប់ផ្លែឈើក៏ជួយបន្ថយការរលាកក្នុងខ្លួនថែមទៀតផង។ 

បន្ថយការឈឺក្នុងសន្លាក់

ចាប់តាំងពីគ្រាប់ផ្លែឈើជាអាហារដ៏ល្អសម្រាប់ប្រឆាំងការរលាកមក ការញ៉ាំវាទៀងទាត់ គឺជារឿងដ៏ល្អមួយសម្រាប់អ្នកដែលងាយនឹងឈឺសន្លាក់ និងហើមសន្លាក់ដោយសារតែជំងឺរលាកសន្លាក់៕