អ្នកប្រហែលជាមានភាពភ័យខ្លាចចំពោះការពិនិត្យរោគស្រ្តីជាទៀងទាត់ ប៉ុន្តែវាគ្រាន់តែជាការធ្វើតេស្តមួយប្រភេទដើម្បីរកមើលជំងឺមហារីកមាត់ស្បូនប៉ុណ្ណោះ។ ជាអកុសល វាមិនមានតេស្តច្រើនសម្រាប់ពិនិត្យមើលជំងឺមហារីកលើរោគស្រ្តីផ្សេងៗឡើយដូចជា មហារីកបបេរមាត់ស្បូន មាត់ស្បូន ក្រពេញអូវ៉ែ ដៃស្បូន និងស្បូនជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ ការដែលសហការណ៍ជាមួយគ្រូពេទ្យបានល្អ នឹងជួយអ្នកអាចបន្ថយការកើតមហារីករោគស្រ្តីបានច្រើនបំផុត តាមរយៈរបៀបដូចខាងក្រោមនេះ៖
ពិនិត្យរោគស្រ្តីជាទៀងទាត់
ការធ្វើតេស្ត Pap ឬ Pap Smear រកមើលជំងឺមហារីកមាត់ស្បូន និងធ្វើតេស្តរកមើលវីរុសបង្កមហារីកមាត់ស្បូន HPV គឺជារឿងសំខាន់ដែលស្រ្តីគួរតែធ្វើឲ្យបាន។ ក្នុងពេលធ្វើតេស្តនេះ គ្រូពេទ្យនឹងប្រើសម្លីផ្តិតយកកោសិកាក្នុងមាត់ស្បូនទៅពិនិត្យក្នុងមន្ទីរពិសោធន៍។ បើសិនជាអ្នកកំពុងតែមករដូវ ទើបតែរួមភេទរួច ឬប្រើទឹកអនាម័យលាង ចូររងចាំយ៉ាងហោចណាស់ ២ថ្ងៃសិនចាំធ្វើតេស្តនេះ។ ស្រ្តីអាយុចាប់ពី ២១ឆ្នាំឡើងទៅគួរតេធ្វើតេស្ត Pap និងពិនិត្យរកមើលមេរោគមហារីកមាត់ស្បូន HPV ជារៀងរាល់៥ឆ្នាំម្តងបើសិនជាលទ្ធផលធម្មតា។ ស្រ្តីអាយុចាប់ពី ៣០ឆ្នាំឡើទៅ គួរធ្វើតេស្តនេះជារៀងរាល់ប្រាំឆ្នាំម្តងបើសិនជាលទ្ធផលធម្មតា។ ស្រ្តីអាយុក្រោម ៦៥ឆ្នាំគួរតែបន្តធ្វើតេស្ត Pap រហូតដល់អាយុ ៦៥ឆ្នាំ។
ទទួលវ៉ាក់សាំងបង្ការវីរុសបង្កមហារីកមាត់ស្បូន Human Papillomavirus (HPV)
វីរុសនេះមិនត្រឹមតែបង្កមហារីកនៅមាត់ស្បូនទេ តែវាក៏អាចបង្កមហារីកលើទ្វារមាស និងបបេរទ្វារមាសដែរ។ ដើម្បីឲ្យវ៉ាក់សាំងនេះកាន់តែមានប្រសិទ្ធភាព យកល្អគួរតែចាក់វាចំនួនបីដង ដោយក្មេងស្រីចាប់ផ្តើមនៅអាយុ ៩ឆ្នាំ និងបុរសអាយុ ១១ ឬ១២ឆ្នាំ។ បើសិនជាបើសិនជាអ្នកមិនទានចាក់ក្នុងវ័យនេះទេ យកល្អគួរតែចាក់តាមការណែនាំដូចខាងក្រោម៖
- ក្មេងស្រី និងស្រ្តីអាយុចន្លោះ ១៣ ទៅ ២៦ឆ្នាំ
- ក្មេងប្រុស និងបុរស អាយុចន្លោះ ១៣ ទៅ ២១ឆ្នាំ
- បុរសសដែលរួមភេទជាមួយបុរសនៅអាយុ ២៦ឆ្នាំ
- បុរសដែលមានប្រព័ន្ធភាពស៊ាំខ្សោយនៅអាយុ ២៦ឆ្នាំ។
ពិគ្រោះជាមួយគ្រូពេទ្យអំពីរបបអាហារ
បើសិនជាអ្នកធាត់ ឬធាត់ជ្រុល ហើយមិនហាត់ប្រាណទៀត អ្នកអាចប្រឈមកាន់តែខ្ពស់នឹងមហារីកស្បូនបាន។ ចូរព្យាយាមសម្រកទម្ងន់តាមរយៈការញ៉ាំអាហារផ្តល់សុខភាព និងរស់នៅឲ្យមានភាពសកម្មរាងកាយច្រើន។ ចូរនិយាយជាមួយគ្រូពេទ្យដើម្បីដឹងអំពីរបបអាហារណាដែលគួរញ៉ាំ និងចៀសវាង។
ព្យាបាលដោយអ័រម៉ូន
បើសិនជាអ្នកកំពុងតែប្រើវិធីព្យាបាលដោយប្រើអ័រម៉ូនអេស្រ្តូជែនតែមួយមុខ អ្នកប្រហែលជាអាចបង្កើនការប្រឈមនឹងមហារីកស្បូនហើយ។ ប៉ុន្តែបើសិនជាអ្នកប្រើថ្នាំអ័រម៉ូនអេស្រ្តូជែន ជាមួយនឹងប្រូជេស្តេរ៉ូនជាមួយគ្នាវិញ អ្នកនឹងអាចបន្ថយការកើតមហារីកបាន តែវានឹងបង្កើនការប្រឈមនឹងមហារីកសុដន់វិញ។ (អាន:ថ្នាំងងុយគេង ពេលអ្នកគួរប្រើ)អ្នកក៏អាចបន្ថយការកើតមហារីកស្បូន ឬសុដន់ដែរតាមរយៈការលេបថ្នាំពន្យាកំណើតដែលមានអ័រម៉ូនទាំងពីរនេះ។ ការព្យាបាលដោយអ័រម៉ូនប្រូជេស្តេរ៉ុនអាចប្រើដើម្បីព្យាបាលមហារិកស្បូនលើស្ថានភាពមួយចំនួនដែរ៕