នរណាយល់ថាក្នុងខ្លួនមានជាតិពុលច្រើនហើយ ចូរព្យាយាមញ៉ាំអាហារទាំងនេះទៅ

ការបំបាត់ជាតិពុលចេញពីក្នុងរាងកាយគឺជារឿងសំខាន់មួយដើម្បីទទួលបានសុខភាពកាន់តែល្អ។ នៅពេលនិយាយដល់ការច្រោះជាតិពុលពីក្នុងខ្លួន វាមានវិធីសាស្រ្តច្រើនណាស់ដែលអ្នកអាចធ្វើបាន។ រឿងមួយដែលសំខាន់បំផុតនោះគឺការញ៉ាំអាហារដែលមានសមត្ថភាពច្រោះជាតិពុលតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះ ខ្ញុំសូមបង្ហាញអាហារមួយចំនួនដែលអាចជួយអ្នកក្នុងការច្រោះជាតិពុលពីក្នុងខ្លួនបានយ៉ាងល្អ៖

ផ្លែឈើជូរៗ

ផ្លែឈើប្រភេទនេះនឹងជួយសម្រួលដល់ការរំលាយអាហារ ជាមួយនឹងការច្រោះជាតិពុលពីក្នុងខ្លួនផង។ ឧទាហរណ៍ ទឹកក្រូចឆ្មានឹងជួយទ្រទ្រង់ដល់តម្រងនោម និងថ្លើម ក្នុងការងារសម្អាតឈាម។ ដើម្បីបង្កើនការច្រោះជាតិពុល អ្នកគួរតែចាប់ផ្តើមថ្ងៃថ្មីជាមួយនឹងទឹកក្រូចឆ្មាក្តៅឧណ្ហៗមួយកែវ។ 

ត្រសក់

ត្រសក់ផ្ទុកទៅដោយជាតិទឹកប្រហែល ៩៥ភាគរយ។ បន្លែប្រភេទនេះនឹងជួយច្រោះជាតិពុលក្នុងខ្លួន និងប្រែក្លាយរាងកាយទៅជាអាលកាឡាំង ខណៈពេលដែលបញ្ចូលថាមពលដល់រាងកាយច្រើនទៀត។ 

ខ្ទឹមស

ខ្ទឹមសមានអង់ទីអុកស៊ីដង់ដែលអាចបន្សាបរ៉ាឌីកាលសេរី និងជាភ្នាក់ងារច្រោះជាតិពុលបែបធម្មជាតិ ក្នុងការបង្ការ ឬបន្ថយការខូចខាតរបស់កោសិកាដែលនាំឲ្យកើតជំងឺបេះដូង ចាស់ និងមហារីក។ យ៉ាងណាមិញ អ្នកគួរតែពិគ្រោះជាមួយគ្រូពេទ្យសិនមុននឹងការបង្កើនចំនួនខ្ទឹមសច្រើនក្នុងរបបអាហារប្រចាំថ្ងៃ។ 

ខ្ញី

ខ្ញីជាគ្រឿងផ្សំធ្វើម្ហូបដ៏ឆ្ងាញ់ តែវាក៏អាចជួយបញ្ចេញកាកសំណល់ដែលក្នុងពោះវៀនមកខាងក្រៅបានដែរ។ ខ្ញីផ្ទុកទៅដោយសារធាតុ Astringents និងជួយថ្លើមធ្វើការកាន់តែល្អ។ ដើម្បីមានប្រសិទ្ធភាពច្រោះជាតិពុល អ្នកអាចទំពារមឺមខ្ញីមួយដុំ ឬដាក់វាក្នុងទឹកក្តៅឧណ្ហៗញ៉ាំជាតែក៏បានដែរ។ 

តែបៃតង

ការញ៉ាំតែបៃតងនឹងបង្កើនផលិតផលអង់ស៊ីមក្នុងខ្លួនដែលស្ថិតក្នុងត្រកូលរបស់ Glutathione ដែលវាដើតួនាទីដ៏សំខាន់ក្នុងការប្រឆាំងទប់ទល់នឹងជាតិពុលដែលបង្កជំងឺមហារីក និងសារធាតុគីមីដែលបំផ្លាញដល់ DNA។ (អាន:ថ្នាំងងុយគេង ពេលអ្នកគួរប្រើ)រឿងនេះគឺជាវិធីសាស្រ្តដំបូងក្នុងការច្រោះជាតិពុលរបស់តែបៃតងផងដែរ។ 

គ្រាប់ផ្កាឈូករ័ត្ន

គ្រាប់ផ្កាឈូករ័ត្នសម្បូរទៅដោយវីតាមីន E និងសេឡេញ៉ូម សម្រាប់ជួយបង្កើនសមត្ថភាពច្រោះជាតិពុលរបស់ថ្លើម និងបង្ការការកើនឡើងជាតិកូឡេស្តេរ៉ុលក្នុងសរសៃឈាមអាក់ទែ និងក្នុងឈាមផង៕