សម្លៀកបំពាក់កីឡាជាប្រភេទស្បែក និងរស់នៅក្នុងមជ្ឈដ្ឋានដែលក្តៅអាចនឹងធ្វើឲ្យអ្នកមានអារម្មណ៍ក្តៅជាប់បាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែបើសិនជាអ្នកកំពុងតែស្លៀកសម្លៀកបំពាក់ស្តើងធម្មតា និងអ្នកដទៃមានអារម្មណ៍ធម្មតា តែអ្នកនៅតែមានអារម្មណ៍ក្តៅទៀត នោះវាអាចជាបញ្ហាមួយ ហើយវាអាចជាមូលហេតុមួយនៃមូលហេតុខាងក្រោមនេះ៖

ការបង្ករោគក្នុងខ្លួន

មិនខ្វល់ថាអ្នកមានជំងឺផ្តាសាយធម្មតា ឬការបង្ករោគផ្សេងៗឡើយ អ្នកទំនងជាមានអារម្មណ៍ថាខ្លួនឯងក្តៅជាប់រហូតហើយ។ ពិតណាស់ អ្នកអាចយល់ថាខ្លួនឯងក្តៅ ដោយសារតែក្នុងខ្លួនឡើងកម្តៅដើម្បីជួយដល់កោសិកាប្រព័ន្ធភាពស៊ាំសម្លាប់មេរោគដែលជ្រៀតចូលក្នុងខ្លួន។ ការក្តៅខ្លួនដោយសារតែការបង្ករោគអាចមានរយៈពេលយូរពីពីរថ្ងៃទៅមួយសប្តាហ៍។ 

រាំងរដូវ

វាជារឿងញឹកញាប់ណាស់ដែលស្រ្តីអាយុខ្ទង់ ៤០ ទៅ ៥០ឆ្នាំមានអារម្មណ៍ថាខ្លួនឯងក្តៅជាប់ ដោយសារតែវាជាអាការៈមួយនៃការរាំងរដូវ ឬមុនពេលរាំងរដូវ។ អ្នកជំនាញនិយាយថា ការក្តៅពេញខ្លួនបែបនេះអាចដោយសារតែអតុល្យភាពអ័រម៉ូន។ ក្រៅពីនេះស្រ្តីអាចមានអាការៈផ្សេងៗទៀតក្នុងពេលរាំងរដូវដូចជា អារម្មណ៍មិនល្អ គេងមិនលក់ និងឡើងទម្ងន់ជាដើម។ 

កង្វះជាតិស្ករក្នុងឈាម

តើអ្នកមានជំងឺទឹកនោមផ្អែមប្រភេទទី២ដែរទេ? បើអ៊ីចឹងមែន ជាតិស្ករក្នុងឈាមអាចនឹងធ្លាក់ចុះ។ ដូច្នេះរាងកាយនឹងបញ្ចេញអ័រម៉ូនឈ្មោះថា Adrenaline ដើម្បីដោះស្រាយការកង្វះស្ករនេះ ហើយវាក៏ជាហេតុផលនាំឲ្យមានអារម្មណ៍ក្តៅផងដែរ។ ក្រៅពីមានអារម្មណ៍ក្តៅ ការកង្វះជាតិស្ករអាចបង្កជាអាការៈផ្សេងៗទៀតដូចជា ឃ្លាន ញ័រដៃ បែកញើសច្រើន វិលមុខ ឈឺក្បាលជាដើម។ 

ថប់អារម្មណ៍

ការថប់អារម្មណ៍អាចធ្វើឲ្យអ្នកយល់ថា អាកាសធាតុពិតជាក្តៅទោះបីជាមនុស្សគ្រប់គ្នាត្រជាក់ខ្លួនស្រួលក៏ដោយ។ ការថប់អារម្មណ៍អាចបង្កជាអាការៈលើរាងកាយដូចជា បេះដូងលោតញ៉ាប់ លើសសម្ពាធឈាម និងតឹងសាច់ដុំ ដែឡវានឹងធ្វើឲ្យសីតុណ្ហភាពក្នុងរាងកាយកើនឡើយដែរ។ 

ការប្រើប្រាស់ថ្នាំ

មនុស្សគ្រប់គ្នាដឹងហើយថា ការលេបថ្នាំអាចបង្កជាផលរំខានច្រើនប្រភេទហើយវាអាចមានលក្ខណៈតិចតួចរហូតដល់ធ្ងន់ធ្ងរ។(អាន:ថ្នាំងងុយគេង ពេលអ្នកគួរប្រើ) ថ្នាំខ្លះអាចធ្វើឲ្យអ្នកមានអារម្មណ៍ក្តៅជាប់ដោយសារតែធាតុផ្សំរបស់វា។ ថ្នាំខ្លះទៀតដូចជា ថ្នាំបំបាត់ឈឺ និងថ្នាំប្រឆាំងការបាក់ទឹកចិត្ត ត្រូវបានគេស្គាល់ថា ធ្វើឲ្យអ្នកប្រើមានអារម្មណ៍ក្តៅជាប់ដែរ៕