វិធីធម្មជាតិក្នុងការបញ្ចុះសម្ពាធឈាមយ៉ាងមានប្រសិទ្ធភាព

វាគឺជាការពិតមួយដែលនិយាយថា មនុស្សចាស់គឺងាយនឹងមានបញ្ហាលើសសម្ពាធឈាមណាស់ ដោយសារតែឥទ្ធីពលនៃភាពចាស់ទៅអាយុ របស់សរសៃឈាម និងបេះដូង។ ប៉ុន្តែសព្វថ្ងៃនេះក៏មានករណីច្រើនដែរ ដែលជំងឺលើសសម្ពាធឈាមកើតឡើងលើមនុស្សវ័យក្មេង ជាពិសេសអ្នកដែលមានរបបអាហារបែបលោកខាងលិចតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ មានថ្នាំច្រើនណាស់ដែលអាចប្រើដើម្បីគ្រប់គ្រងការលើសសម្ពាធឈាមបាន ហើយមានតម្លៃថោកទៀត។ ប៉ុន្តែដោយសារតែថ្នាំនេះអាចមានផលរំខានច្រើន ដូច្នេះយកល្អគួរតែជ្រើសរើសវិធីធម្មជាតិក្នុងការគ្រប់គ្រងវិញ ព្រោះវាមានប្រសិទ្ធភាពដូចគ្នាទេ។ 

ខ្ទឹមស

នៅពេលនិយាយដល់ការគ្រប់គ្រងសម្ពាធឈាមតាមបែបធម្មជាតិ ខ្ទឹមសប្រហែលជាដំណោះស្រាយដ៏ពេញនិយមបំផុតហើយ។ វាមានប្រសិទ្ធភាពរំលាយកំណកឈាម ដែលរឿងនេះមិនត្រឹមតែមិនឲ្យលើសសម្ពាធឈាមទេ ថែមទាំងជួយបន្ថយការប្រឈមនឹងជំងឺគាំងបេះដូង និងដាច់សរសៃឈាមខួរក្បាលផង។ ខ្ទឹមសក៏ជួយសរសៃឈាមអាក់ទែកុំឲ្យរួមតូច និងរឹងក្រិនផងដែរ។ អ្នកគ្រាន់តែញ៉ាំខ្ទឹមសពីរកំប៉ឹសក្នុងមួយថ្ងៃ ជារៀងរាល់ថ្ងៃនឹងទទួលបានប្រសិទ្ធភាពនេះហើយ។

តែបៃតង

មានមនុស្សជាច្រើនបានដឹងហើយអំពីភាពអស្ចារ្យរបស់តែបៃតងក្នុងការគ្រប់គ្រងការលើសសម្ពាធឈាម។ និយាយទៅវាជួយសម្រួលដល់ចំណុះឈាម និងថែរក្សាសម្ពាធឈាមឲ្យនៅធម្មតាបានយ៉ាងល្អ។ តែបៃតងសម្បូរអង់ទីអុកស៊ីដង់ ដែលវានឹងជួយបញ្ចុះកូឡេស្តេរ៉ុលមកកម្រិតធម្មតា និងការពារមិនឲ្យលើសសម្ពាធឈាមបាន។ ប៉ុន្តែមិនត្រូវញ៉ាំតែបៃតងច្រើនពេកទេ ព្រោះវាមានជាតិកាហ្វេអ៊ីន អាចធ្វើឲ្យបេះដូងលោតញ៉ាប់បាន។ 

អាហារសម្បូរជាតិម៉ាញ៉េស្យូម

អ្នកជំនាញនិយាយថា ម៉ាញ៉េស្យូមគឺជាជាតិរ៉ែមួយប្រភេទដែលអាចជួយបញ្ចុះសម្ពាធឈាមបាន។ ហេតុដូច្នេះហើយ ការបញ្ចូលអាហារសម្បូរជាតិម៉ាញ៉េស្យូមក្នុងរបបអាហារប្រចាំថ្ងៃ គឺជារឿងដ៏ល្អមួយដើម្បីប្រឆាំងនឹងការលើសសម្ពាធឈាម។ (អាន:ថ្នាំងងុយគេង ពេលអ្នកគួរប្រើ)អាហារសម្បូរជាតិម៉ាញ៉េស្យូមមានដូចជា ត្រី គ្រាប់ធញ្ញជាតិ គ្រាប់ផ្លែឈើ ផ្លែប័រ ចេក និងផ្លែឈើក្រៀម៕