ក្រូចខ្វិច ជាផ្លែឈើមួយប្រភេទដែលមានរសជាតិជូរអែម ហើយភាគច្រើននៃពួកយើងសុទ្ធតែស្គាល់និងធ្លាប់ទទួលទាន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីឧស្សាហ៍ទទួលទានយ៉ាងណាក៏ដោយ ក៏អ្នកប្រហែលជាមិនបានចាប់អារម្មណ៍ទេថា ក្រូចខ្វិច មានផ្ទុកសម្បូរទៅដោយសារធាតុចិញ្ចឹម រួមបញ្ចូលទាំងវីតាមីន A វីតាមីន C ប៉ូតាស្យូម និង folate ដែលចាំបាច់សម្រាប់សុខភាពល្អប្រសើរជួយទប់ស្កាត់ជំងឺផ្សេងៗបាន។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍នៃការទទួលទានក្រូចខ្វិច ៖
១. បង្កើនសុខភាពប្រព័ន្ធរំលាយអាហារ
ក្រូចខ្វិចមានផ្ទុកសម្បូរទៅដោយជាតិសសៃដែលជួយទប់ស្កាត់បញ្ហាទាក់ទងជាមួយប្រព័ន្ធរំលាយអាហារបានយ៉ាងប្រសើរ ជាពិសេសបំបាត់អាការៈទល់លាមក។
២. ទប់ស្កាត់ជំងឺទឹកនោមផ្អែម
ក្រូចខ្វិចមានផ្ទុកសារធាតុ flavonoid ត្រូវបានគេស្គាល់ថាជា nobiletin ដែលជួយការពារប្រឆាំងជំងឺទឹកនោមផ្អែមប្រភេទទី ២ ព្រមទាំងទប់ស្កាត់បញ្ហាខ្លាញ់រុំថ្លើមផងដែរ។
៣. សុខភាពភ្នែក
បរិមាណនៃវីតាមីន A និង C ដែលមានផ្ទុកក្នុងក្រូចខ្វិចជួយទប់ស្កាត់បញ្ហាខ្សោយភ្នែកមើលមិនច្បាស់បានយ៉ាងប្រសើរ។ ដើម្បីទទួលបានវីតាមីនពេញលេញអ្នកគួរទទួលទានក្រូចខ្វិចស្រស់ៗ។
៤. សុខភាពឆ្អឹង
ក្រូចខ្វិចក៏ជាប្រភពដ៏ប្រសើរនៃប៉ូតាស្យូម និងវីតាមីន C ដែលមានប្រសិទ្ធិភាពជួយបង្កើនដង់ស៊ីតេឆ្អឹង និងភាពរឹងមាំនៃឆ្អឹងមិនឆាប់បាក់។
៥. គ្រប់គ្រងសម្ពាធឈាម
បិរមាណនៃជាតិប៉ូតាស្យូមដែលក្រូចខ្វិចមានផ្ទុកអាចជួយទប់ស្កាត់បញ្ហាសម្ពាធឈាមឡើងខ្ពស់បានយ៉ាងប្រសើរ។
៦. ទប់ស្កាត់ជំងឺមហារីក
ការទទួលទានផ្លែក្រូចខ្វិចអាចជួយកាត់បន្ថយហានិភ័យនៃការវិវត្តន៍ជំងឺមហារីកគ្រាប់ឈាមចំពោះកុមារ ជាពិសេសប្រសិនបើពួកគេបានទទួលទានចាប់ពីវ័យ ២ឆ្នាំឡើង។ ក្រូចខ្វិចមានផ្ទុកនូវវីតាមីន C និងសារធាតុ flavonoidsដែលជាសារធាតុប្រឆាំងអុកស៊ីតកម្មមួយមានប្រសិទ្ធិភាពកម្ចាត់រ៉ាឌីកាល់សេរីដែលបង្កជំងឺមហារីក។ ផ្លែក្រូចក៏មានផ្ទុកសម្បូរទៅដោយជាតិសសៃដែលជួយកាត់បន្ថយហានិភ័យនៃជំងឺមហារីកចុងពោះវៀនធំផងដែរ។
៧. សុខភាពស្បែក
ក្រូចខ្វិចមានផ្ទុកសម្បូរទៅដោយវីតាមីន C វីតាមីន A និងសារធាតុចិញ្ចឹមសំខាន់ៗផ្សេងទៀតសម្រាប់ព្យាបាលរបួស ក៏ដូចជាទប់ស្កាត់ការខូចខាតនៃស្បែក។ វីតាមីន A ជួយបង្កើនការផលិតកោសិកាឡើងវិញ។ ការរួមបញ្ចូលផ្លែក្រូចខ្វិចក្នុងរបបអាហារប្រចាំថ្ងៃក៏អាចជួយពន្យឺតរោគសញ្ញានៃភាពចាស់តាមវ័យនៃស្បែក រួមបញ្ចូលទាំងស្នាមជ្រីវជ្រួញ និងស្បែកស្រអាប់ជាដើម៕