អាហារត្រឹមត្រូវអាចជួយអោយអ្នកស្រកទម្ងន់បានឆាប់រហ័សដោយមិនបង្កផលប៉ះពាល់ផ្សេងទៀតចំពោះសុខភាព ខណៈដែលអ្នកទទួលទានកាន់តែច្រើន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះទៅដែលល្អសម្រាប់ទទួលទានកំឡុងពេលសម្រកទម្ងន់? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលអាចជួយសម្រកទម្ងន់ដែលលើសបានយ៉ាងប្រសើរ ដោយជម្រុញការដុតបំផ្លាញកាឡូរី និងកាត់បន្ថយភាពឃ្លានរបស់អ្នក ៖
១. ត្រីសាលម៉ុន
ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា ៣ ប្រូតេអ៊ីន សារធាតុ astaxanthin និងសារធាតុប្រឆាំងអុកស៊ីតកម្មដែលជួយអោយស្រកទម្ងន់បានឆាប់ ហើយថែមទាំងធ្វើអោយអ្នកមានអារម្មណ៍ឆ្អែតដោយមិនបន្ថែមជាតិខ្លាញ់។
២. ស៊ុត
មានផ្ទុកសម្បូរទៅដោយជាតិខ្លាញ់គុណភាពខ្ពស់ និងសារធាតុចិញ្ចឹមប្រូតេអ៊ីនដែលជួយអោយអ្នកស្រកទម្ងន់បានឆាប់តាមរយៈការកាត់បន្ថយចំណង់អាហារ។
៣. ទឹកខ្មេះផ្លែប៉ោម
ការទទួលទានទឹកខ្មេះផ្លែប៉ោមលាយជាមួយទឹកធម្មតាជាប្រចាំថ្ងៃនឹងជួយឲ្យអ្នកស្រកទម្ងន់ ដោយសារអាស៊ីតអាសេទិកដែលមាននៅក្នុងទឹកខ្មេះផ្លែប៉ោម។ អ្នកអាចបន្ថែមទឹកខ្មេះផ្លែប៉ោម ១ ឬ ២ ស្លាបព្រាបាយក្នុងទឹកធម្មតា ១ កែវ រួចកូរអោយសព្វសឹមទទួលទាន។
៤. ខ្ញី
ខ្ញីជាភ្នាក់ងារ thermogenic ដែលមានប្រសិទ្ធិភាពបង្កើនការរំលាយអាហារនិងដុតរំលាយជាតិខ្លាញ់បានយ៉ាងប្រសើរតាមរយៈការបង្កើនសីតុណ្ហភាពក្នុងរាងកាយ។ ដូច្នេះប្រសិនបើអ្នកចង់ស្រកខ្លាញ់ក្បាលពោះបានឆាប់ កុំភ្លេចបន្ថែមខ្ញី ឬតែខ្ញីក្នុងរបបអាហារប្រចាំថ្ងៃ។
៥. គ្រាប់ជី
គ្រាប់ជីជាប្រភពដ៏ប្រសើរនៃជាតិសសៃ អាស៊ីតខ្លាញ់អូមេហ្គា ៣ និងអាស៊ីត alpha-linoleic ដែលមានប្រយោជន៍ជួយឱ្យស្រកទម្ងន់បានឆាប់រហ័ស។
៦. ក្រូចថ្លុង
ប្រសិនបើអ្នកព្យាយាមសម្រកទម្ងន់ ផ្លែក្រូចថ្លុង គឺអាចជួយពន្លឿនដំណើរការនៃការស្រកនៃទម្ងន់បាន។ ក្រូចថ្លុងមានផ្ទុកនូវអង់ស៊ីមដុតបំផ្លាញជាតិខ្លាញ់ក្នុងបរិមាណខ្ពស់។ អង់ស៊ីមទាំងនោះមិនត្រឹម
តែជួយបង្កើនសកម្មភាពនៃការរំលាយអាហារប៉ុណ្ណោះទេ ប៉ុន្តែវាក៏អាចជួយបង្កើនថាមពលរបស់អ្នកបានផងដែរ៕