ខណៈពេលដែលការរីករាយនឹងកម្មវិធីញ៉ាំគ្រឿងស្រវឹងម្តងម្កាល ទំនងជាមិនធ្វើឲ្យមានគ្រោះថ្នាក់ដល់សុខភាព តែការញ៉ាំច្រើនៗពេកអាចមានឥទ្ធិពលអវិជ្ជមានច្រើនចំពោះរាងកាយបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អ្នកប្រហែលជាឆ្ងល់ថា តើគ្រឿងស្រវឹងមានឥទ្ធិពលអ្វីខ្លះចំពោះរាងកាយមនុស្សយើងក្រៅពីវាធ្វើឲ្យញៀនហើយ។
ការញ៉ាំគ្រឿងស្រវឹងច្រើនៗ មានការប៉ះពាល់ដល់សុខភាព និងស្ទើរតែគ្រប់កន្លែងទាំងអស់នៃរាងកាយ។ វាមិនអាចគ្រាន់តែបំផ្លាញដល់សរីរាង្គសំខាន់ៗទេ តែក៏ប៉ះពាល់ដល់អារម្មណ៍ និងការរស់នៅផងដែរ។
ខួរក្បាល
ការញ៉ាំគ្រឿងស្រវឹងច្រើនៗពេកអាចមានឥទ្ធិពលខូចខាតដល់ប្រព័ន្ធសរសៃប្រសាទកណ្តាល។ កត្តាជាច្រើនដែលប៉ះពាល់ដល់របៀប និងអ្វីដែលវាធ្វើឲ្យខូចដល់ខួរក្បាលនោះមានដូចជា ចំនួនគ្រឿងស្រវឹងច្រើនដែលអ្នកបានញ៉ាំ និងភាពញឹកញាប់ដែលអ្នកកំពុងតែញ៉ាំ អាយុដែលអ្នកចាប់ផ្តើមញ៉ាំ ភេទ និងផ្សេងៗទៀត។ ឥទ្ធិពលដំបូងនៃគ្រឿងស្រវឹងចំពោះប្រព័ន្ធសរសៃប្រសាទកណ្តាលនោះរួមមាន និយាយឡុលៗ ខូចការចងចាំ និងមិនអាចប្រើប្រាស់ដៃ និងភ្នែកបានល្អឡើយ។ ការសិក្សាជាច្រើនបានភ្ជាប់ទំនាក់ទំនងការញ៉ាំគ្រឿងស្រវឹងរ៉ាំរ៉ៃ ជាមួយនឹងការខូចខាតការចងចាំ។ ថ្វីបើការខូចខាតរបស់ខួរក្បាលកើតឡើងតិចតួច ហើយស្រួលបួលវិញក្រោយពីឈប់ផឹកយូរក៏ដោយ តែការញ៉ាំគ្រឿងស្រវឹងរ៉ាំរ៉ៃ ឬច្រើនៗអាចបំផ្លាញខួរក្បាលជាប់រហូតបាន។
ថ្លើម
ការខូចថ្លើមគឺជាផលវិបាកផ្សេងមួួទៀតនៃការផឹកគ្រឿងស្រវឹងច្រើនៗ។ គ្រឿងស្រវឹងភាគច្រើនដែលអ្នកញ៉ាំនឹងត្រូវបានរំលាយចោលក្នុងថ្លើម។ ដំណើការណ៍មួយនេះត្រូវបានចាត់ទូកថាមានគ្រោះថ្នាក់ខ្លាំងរហូតដល់ខូចខាតដល់កោសិកាថ្លើមជាច្រើនទឿត។ នៅពេលដែលអ្នកបន្តញ៉ាំគ្រឿងស្រវឹងទៀត សុខភាពថ្លើមនឹងថយចុះ។ ជំងឺថ្លើមមួយឈ្មោះថា ខ្លាញ់រួមថ្លើមដោយសារគ្រឿងស្រវឹង គឺជាដំណាក់កាលដំបូងគេបំផុតនៃការខូចខាតថ្លើមដោយសារគ្រឿងស្រវឹង។ រឿងនេះអាចកើតឡើងនៅពេលញ៉ាំគ្រឿងស្រឹងច្រើនៗ រហូតដល់កកខ្លាញ់ក្នុងកោសិកាថ្លើម ដែលធ្វើឲ្យថ្លើមធ្វើការកាន់តែពិបាក។ ក្នុងករណីដែលបន្តញ៉ាំគ្រឿងស្រវឹងច្រើនៗទៀត ជំងឺខ្លាញ់រុំថ្លើមអាចវិវត្តន៍ទៅជារលាកថ្លើមធ្ងន់ ក្រិនថ្លើម និងខ្សោយថ្លើម ដែលអាចគម្រាមគំហែងដល់អាយុជីវិតបានទៀត។
ញៀន
ឥទ្ធិពលនៃគ្រឿងស្រវឹងអាចបណ្តាលឲ្យញៀនទាំងផ្លូវកាយ និងចិត្ត។ អារម្មណ៍នៃការចង់ផឹកគ្រឿងស្រវឹងខ្លាំងភ្លាមៗ បារម្មណ៍ថាត្រូវផឹកនៅឯណា ឬពេលណាត្រូវផឹកទៀត និងពិបាកធ្វើឲ្យខ្លួនឯងរីករាយនៅពេលមិនបានផឹក គឺជាអាការៈញឹកញាប់បំផុតនៃការញៀនគ្រឿងស្រវឹង។ (អាន:ថ្នាំងងុយគេង ពេលអ្នកគួរប្រើ)មូលហេតុនៃការញៀននេះអាចជាពិបាកស្វែងយល់ តែវាអាចបណ្តាលមកពីហ្សែន និងប្រវត្តគ្រួសា ប៉ុន្តែមជ្ឈដ្ឋានជុំវិញខ្លួនក៏អាចដើរតួនាទីនាំឲ្យញៀននេះផងដែរ៕