អយស្ទើគឺជាប្រភពនៃជាតិប្រូតេអ៊ីនប្រកបដោយគុណភាពខ្ពស់ដ៏ឆ្លាតវៃមួយប្រភេទ ដោយសាច់អយស្ទើ ១០០ក្រាមអាចផ្តល់ជាជីវជាតិមួយនេះរហូតដល់ ៧ក្រាមឯណោះ។ វាក៏ផ្ទុកទៅដោយប្រភេទប្រូតេអ៊ីនមួយពេញលេញដែរ មានន័យថាវាផ្ទុកទៅដោយអាស៊ីតអាមីណេសំខាន់ៗទាំងប្រាំបួនដែលរាងកាយត្រូវការ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការបន្ថយប្រភពប្រូតេអ៊ីនក្នុងរបបអាហារ និងអាហារសម្រន់អាចជួយជំរុញឲ្យមានអារម្មណ៍ឆាប់ឆ្អែត និងជួយដល់ការសម្រកទម្ងន់បានទៀត។ 

អាហារសម្បូរប្រូតេអ៊ីននឹងជួយរក្សាលំនឹងនៃភាពឃ្លាន តាមរយៈការបង្កើនអ័រម៉ូនជំរុញដល់ការឆាប់ឆ្អែតដូចជា Peptide YY និង Cholecystokinin (CCK)។ របបអាហារមានជាតិប្រូតេអ៊ីនខ្ពស់ត្រូវបានគេអះអាថា មានប្រសិទ្ធភាពក្នុងការសម្រកទម្ងន់ និងសម្រកទម្ងន់បានល្អជាងរបបអាហារមានជាតិខ្លាញ់ទាប និងកាបូអ៊ីដ្រាតខ្ពស់ទៅទៀត។ 

ការដែលមានរបបអាហារមានជាតិប្រូតេអ៊ីនខ្ពស់ ក៏មានប្រយោជន៍ដល់ការគ្រប់គ្រងជាតិស្ករក្នុងឈាមដែរ ជាពិសេសអ្នកជំងឺទឹកនោមផ្អែមតែម្តង។ តាមការរំលឹកឡើងវិញនៃការសិក្សាចំនួន ៩ បានបញ្ជាក់ថា របបអាហារមានជាតិប្រូតេអ៊ីនខ្ពស់ អាចបញ្ចុះកម្រិត Hemoglobin A1c បានយ៉ាងគួរឲ្យកត់សម្គាល់។ Hemoglobin A1c គឺជាសារធាតុសម្គាល់មួយនៃជាតិស្ករក្នុងឈាម លើមនុស្សពេញវ័យដែលមានជំងឺទឹកនោមផ្អែម។ 

ក្រៅពីនេះ របបអាហារមានជាតិប្រូតេអ៊ីនខ្ពស់ប្រហែលជាបន្ថយការប្រឈមនឹងជំងឺបេះដូងបាន ជាពិសេសអ្នកដែលមានជំងឺទឹកនោមផ្អែមប្រភេទទី២តែម្តង។ (អាន:ថ្នាំងងុយគេង ពេលអ្នកគួរប្រើ)សម្រាប់អ្នកដែលមានជំងឺទឹកនោមផ្អែមដែលញ៉ាំអាហារមានជាតិប្រុតេអ៊ីនខ្ពស់ ក៏ជួយបន្ថយចំនួនខ្លាញ់ Triglycerides ផងដែរ៕