ត្រសក់ គឺជាបន្លែមួយប្រភេទដែលទទួលបានការពេញនិយមនិងសម្បូរណាស់ដែរក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីភាគច្រើននៃពួកយើងឧស្សាហ៍ទទួលទានបន្លែនេះ ប៉ុន្តែប្រហែលជាមិនធ្លាប់ចាប់អារម្មណ៍អំពីអត្ថប្រយោជន៍ដ៏ប្រសើររបស់វាចំពោះសុខភាពឡើយ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីផលវិជ្ជមានគួរឱ្យភ្ញាក់ផ្អើលនៃការទទួលទានត្រសក់ ៖ 

១. ពង្រឹងសុខភាពសាច់ដុំ

ត្រសក់ មានផ្ទុកសារធាតុ silica ជួយរក្សាសុខភាពល្អប្រសើរនៃជាលិកាភ្ជាប់ ឬសាច់ដុំរឹងមាំ ពិសេសនៅពេលទទួលទានជាប្រចាំ។

២. កម្ចាត់ក្លិនមាត់មិនល្អ

ត្រសក់ជួយក្នុងការកម្ចាត់នូវបញ្ហាក្លិនខ្យល់ដង្ហើមមិនល្អ តាមរយៈលក្ខណៈសម្បត្តិប្រឆាំងនឹងបាក់តេរីដ៏មានឥទ្ធិពលរបស់វា។ អ្វីដែលអ្នកត្រូវធ្វើ គឺគ្រាន់តែយកត្រសក់មួយចំនិតដាក់ចូលបៀមក្នុងមាត់សម្រាប់រយៈពេលប្រហែលជា ៣០ វិនាទី។ សារធាតុប្រឆាំងបាក់តេរីនឹងសម្លាប់នូវរាល់បាកតេរីដែលបង្កឲ្យមានក្លិនមាត់មិនល្អ។

៣. បញ្ចុះសម្ពាធឈាម

សម្ពាធឈាមឡើងខ្ពស់បង្កហានិភ័យនៃជំងឺគួរអោយព្រួយបារម្ភជាច្រើន។ ប៉ុន្តែកុំបារម្ភ! ទឹកត្រសក់ មានផ្ទុកសម្បូរទៅដោយជាតិសសៃ, ប៉ូតាស្យូម និងម៉ាញ៉េស្យូម ដែលជួយរក្សាកម្រិតត្រឹមត្រូវនៃជាតិសូដ្យូមទប់ស្កាត់បញ្ហាសម្ពាធឈាមឡើងខ្ពស់។

៤. កម្ចាត់ជាតិពុលចេញពីរាងកាយ

ត្រសក់ក៏មានផ្ទុកសម្បូរទៅដោយជាតិទឹក សារធាតុ beta-carotene និងវីតាមីន C ដែលជួយកម្ចាត់ជាតិពុលផ្សេងៗចេញពីប្រព័ន្ធរាងកាយបានយ៉ាងប្រសើរ។

៥. ផ្ដល់ថាមពលបន្ថែមដល់រាងកាយ

ជំនួសឱ្យការទទួលទានភេសជ្ជៈកំប៉ុងដែលមានផ្ទុកសម្បូរទៅដោយជាតិស្ករមិនល្អ ក៏ដូចជាភេសជ្ជៈប៉ូវកំលាំងនិងភេសជ្ជៈកាហ្វេអ៊ីន ចូរព្យាយាមទទួលទានទឹកត្រសក់វិញ។ ទឹកត្រសក់អាចផ្ដល់ឱ្យរាងកាយនូវថាមពលបន្ថែមឆាប់រហ័សតាមរយៈការកម្ចាត់ជាតិពុលផ្សេងៗ ទប់ស្កាត់អាការៈអស់កម្លាំងនិងថែមទាំងជម្រុញការផ្ដោតអារម្មណ៍បានកាន់តែប្រសើរទៀតផង។

៦. ​ជួយ​បំពេញបន្ថែម​នូវ​វីតាមីន​ដែល​រាង​កាយ​ត្រូវការ​ប្រចាំ​ថ្ងៃ 

ត្រសក់ ក៏ជាប្រភពដ៏ប្រសើរនៃ​បណ្តា​វីតាមីន​ដែល​រាង​កាយ​ត្រូវការ​ចាំបាច់​ប្រចាំ​ថ្ងៃ ក្នុង​នោះ​មាន​ដូច​ជា វីតាមីន A B C​ កាល់ស្យូម និងម៉ាញ៉េស្យូម។ វីតាមីន​ទាំងនេះ​ជួយ​ជំរុញ​ដល់​ប្រព័ន្ធ​ការពារ​រាង​កាយ ធ្វើ​ឱ្យ​អ្នក​ស្រស់ស្រាយ និង​ពោរពេញ​ដោយ​ថាមពល៕