ពោះវៀនរបស់មនុស្សយើងគឺជារចនាសម្ព័ន្ធមួយប្រភេទដែលមាននាទីដឹកជញ្ជូនអាហារ និងរំលាយអាហារ។ វានឹងជួយរំលាយអាហារ ចម្រាញ់ជីវជាតិ និងបង្កើតជាកាកសំណល់ដើម្បីបញ្ចេញចោល។ ដោយសារតែមនុស្សយើងញ៉ាំអាហារច្រើនប្រភេទ ដូច្នេះពេលខ្លះវាអាចជួបនឹងអាហារដែលនាំឲ្យក្រពះ ឬពោះវៀនធ្វើទុក្ខបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ម្លេះហើយ តាមរយៈការចៀសឆ្ងាយពីអាហារមានគ្រោះថ្នាក់ទាំងនេះ ការផ្តោតសំខាន់ទៅលើអាហារដែលល្អៗ និងសម្គាល់អាហារដែលបង្កបញ្ហា អ្នកនឹងអាចទទួលបានពោះវៀនដែលមានសុខភាពល្អបានកាន់តែយូរ។ ដូច្នេះតើអ្នកគួរកែទម្លាប់ញ៉ាំអាហារដូចម្តេចទៅ?

ចៀសឲ្យឆ្ងាយពីអាហារកៃឆ្នៃច្រើន

អាហារកៃឆ្នៃផ្ទុកទៅដោយជាតិគីមីច្រើន និងសារធាតុរក្សាគុណភាពអាហារឲ្យនៅយូរ ដែលវាអាចបង្កជាបញ្ហាដល់ប្រព័ន្ធរំលាយអាហារបាន។ តាមរយៈការចៀសវាងអាហារកៃឆ្នៃ អ្នកនឹងមិនគ្រាន់តែជួយជំរុញដល់សុខភាពប្រព័ន្ធរំលាយអាហារកាន់តែល្អទេ តែនឹងមានអារម្មណ៍ល្អដែរ។ អាហារកៃឆ្នៃអាចជា នំកញ្ចប់ សាច់ក្រក សាច់ហែម ឬសាច់ជ្រូកបីជាន់ ជាដើម។ 

ចូរកាត់បន្ថយការញ៉ាំអាហារដែលមានជាតិខ្លាញ់ Trans Fat ឬ Saturated Fats

អាហារទាំងនេះអាចបង្កទុក្ខដល់តុល្យភាពបាក់តេរីក្នុងពោះវៀន និងបញ្ហាដល់ប្រព័ន្ធរំលាយអាហារ សម្លាប់បាក់តេរីល្អៗ និងបង្កើនឱកាសកើតមហារីកក្រពះពោះវៀនថែមទៀត។ ចូរចៀសវាង ឬកាត់បន្ថយការញ៉ាំអាហារដែលមានជាតិខ្លាញ់ Trans និង Saturated Fats ដូចជា អាហារចៀនដែលមានខ្លាញ់រលើបៗ ឬផលិតផលធ្វើពីទឹកដោះគោ។ 

បន្ថយការញ៉ាំគ្រឿងស្រវឹង

គ្រឿងស្រវឹងមានឥទ្ធិពលអវិជ្ជមានច្រើនលើប្រព័ន្ធក្រពះពោះវៀនមនុស្សយើង។ វាមិនត្រឹមតែបន្ថយប្រសិទ្ធភាពការងារសាច់ដុំខ្ជឹបនៅកក្រពះទេ តែក៏បង្កើនចំនួនអាស៊ីតកាន់តែច្រើនក្នុងក្រពះដែរ។ មនុស្សធំភាគច្រើនមិនគួរណាញ៉ាំគ្រឿងស្រវឹងច្រើនជាងពីរកំប៉ុងក្នុងមួយថ្ងៃឡើយ។ (អាន:ថ្នាំងងុយគេង ពេលអ្នកគួរប្រើ)ចូរតមគ្រឿងស្រវឹងតែម្តងបើសិនជាអ្នកកំពុងតែមានជំងឺក្រពះពោះវៀនធ្ងន់ធ្ងរហើយ។ 

តមអាហារណាមានជាតិបារ៉ត

ជាតិបារ៉តគឺជាជាតិពុលមួយប្រភេទដែលអាចធ្វើទុក្ខដល់ក្រពះពោះវៀន និងបង្កជាបញ្ហាដល់សុខភាពធ្ងន់ធ្ងរផ្សេងៗទៀត។ ជាអកុសល្យ ជាតិបារ៉តមានការរាលដាលខ្លាំងដោយសារតែការបំពុលពីរោគចក្រឧស្សាហកម្ម។ អាហារដែលមានជាតិបារ៉តមានដូចជា អាហារសមុទ្រ សុទ្ធទា ម្សៅប្រូតេអ៊ីន និងត្រីសម្បូរខ្លាញ់៕