ការអស់កម្លាំងរបស់មនុស្សយើងភាគច្រើនបង្កឡើងដោយការកង្វះវីតាមីន ក្នុងខ្លួន ជាពិសេសវីតាមីន B តែម្តង។ ហេតុដូច្នេះហើយទើបគ្រូពេទ្យភាគច្រើនតែងតែណែនាំឲ្យព្យួសេរ៉ូមកម្លាំង ដែលក្នុងនោះច្រើនតែបញ្ចូលវីតាមីន B បន្ថែមទៀត។ ទោះបីជាយ៉ាងណាក៏ដោយ បើសិនជាអ្នកមិនចូលចិត្តការព្យួសេរ៉ូមចាក់ថ្នាំ ឬខ្លាចម្ជុរ អ្នកអាចជ្រើសរើសវិធីផ្សេងបាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វីតាមីន B ដើរតួនាទិសំខាន់មួយក្នុងការថែរក្សារាងកាយឲ្យមានសុខភាពល្អ និងមានកម្លាំង។ ក្រៅពីនេះវាក៏មានមុខងារជាច្រើនទៀតដូចជា ទ្រទ្រង់ដល់ប្រព័ន្ធសរសៃប្រសាទ ស្បែក ការរំលាយអាហាររបស់កោសិកា និងថាមពល។ ដើម្បីអាចទទួលបានវីតាមីន B នេះបាន គ្រាន់តែព្យាយាមញ៉ាំអាហារខាងក្រោមនេះ នឹងផ្តល់បានយ៉ាងច្រើនណាស់ហើយ៖
ស៊ុត
ក្រៅពីប្រភពដ៏ល្អនៃប្រូតេអ៊ីន ស៊ុតនឹងផ្តល់ជាវីតាមីន B7 ឬ Biotin យ៉ាងច្រើនដល់រាងកាយ។ វីតាមីនមួយនេះស្ថិតក្នុងទាំងផ្នែកពណ៌ស និងលឿង ដូច្នេះអ្នកត្រូវតែញ៉ាំវាទាំងអស់ទើបទទួលបានជីវជាតិទាំងអស់ដែរ។ យកល្អគួរតែចម្អិនវាឲ្យឆ្អិនល្អសិនមុននឹងញ៉ាំ។
គ្រាប់ផ្កាឈូករ័ត្ន
គ្រាប់ផ្កាឈូករ័ត្នសម្បូរទៅដោយវីតាមីន B5 ឬហៅថា Panthothenic Acid។ វីតាមីនមួយនេះមានភាគច្រើនក្នុងអាហាររុក្ខជាតិ និងសាច់សត្វ តែវានឹងមានតិចតួចបំផុតនៅពេលអាហារទាំងនោះត្រូវបានកៃឆ្នៃ។ បើសិនជាអ្នកចង់បានវីតាមីននេះច្រើន ចូរព្យាយាមញ៉ាំគ្រាប់ផ្កាឈូករ័ត្នជាអាហារសម្រន់ទៅ។
ត្រីសាលម៉ុង
ត្រីប្រភេទនេះជាត្រីសម្បូរខ្លាញ់ ហើយក៏ជាប្រភពដ៏ល្អបំផុតនៃវីតាមីន B ជាច្រើនផងដែរ។ គ្រាន់តែត្រីសាលម៉ុង ១០០ក្រាម អាចផ្តល់មនុស្សយើងនូវវីតាមីន B3, B12 និង B6 ស្ទើរតែពាក់កណ្តាលទៅហើយសម្រាប់តម្រូវការប្រចាំថ្ងៃ។ ក្រៅពីនេះវាក៏មានវីតាមីន B2, B1 និង B5។
សាច់មាន់
សាច់មាន់គឺជាប្រភពដ៏ល្អមួយនៃវីតាមីន B3 និង B6 តែក៏មានវីតាមីន B ចំនួន ៦ប្រភេទទៀតផងដែរ។ សម្រាប់សាច់មាន់ខ្មៅវិញ មិនសូវមានវីតាមីន B3 និង B6ទេ តែវាបែរជាមាន B5 និងB2 ច្រើនជាងសាច់ធម្មតាទៅវិញ។ (អាន:ថ្នាំងងុយគេង ពេលអ្នកគួរប្រើ)
អយស្ទើ
ពពួកសត្វមានសម្បកប្រភេទនេះអាចផ្តល់ជាវីតាមីន Bច្រើនដល់អ្នកទទួលទាន។ អ្វីដែលពិសេសនោះគឺថា អយស្ទើមានវីតាមីន B12 ខ្ពស់ ហើយក៏ជាប្រភពដ៏អស្ចារ្យមួយនៃជាតិស័ង្គសីផងដែរ៕