ថ្លើមគឺជាសរីរាង្គដ៏សំខាន់បំផុតក្នុងរាងកាយ។ វាមាននាទីផលិតទឹកប្រមាត់ ច្រោះជាតិពុល បង្កើតប្រូតេអ៊ីន កាបូអ៊ីដ្រាត វីតាមីន និងជាតិរ៉ែជាដើម។ ប៉ុន្តែ តើអ្នកមានដឹងទេថាតើខ្លួនឯងកំពុងតែថែរក្សាវាបានយ៉ាងល្អដែរទេ? ពេលខ្លះ បើអ្នកមិនមានការយល់ដឹងច្រើនទេ អ្នកក៏នឹងបង្កើតបានជាទម្លាប់ជាច្រើនដែលផ្តល់ហានិភ័យដល់សុខភាពរាងកាយដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ៊ីចឹង សូមពិនិត្យទៅលើទម្លាប់គ្រោះថ្នាក់មួយចំនួនខាងក្រោមនេះដែលវាអាចបង្កជាទុក្ខទោសដល់ថ្លើមអ្នកបាន៖ 

ញ៉ាំគ្រឿងស្រវឹងច្រើនៗ

ការញ៉ាំគ្រឿងស្រវឹងច្រើនៗគឺជាមូលហេតុដ៏ចំបងមួយនៃការខូចថ្លើម ព្រោះវានឹងទៅកាត់បន្ថយសមត្ថភាពច្រោះជាតិពុលពីក្នុងរាងកាយ។ ដូច្នេះកាលណារាងកាយមានជាតិពុលកាន់តែច្រើន វានឹងបង្កជាការរលាក ហើយកើតជំងឺខ្លាញ់រុំថ្លើមទៀត។ នៅពេលថ្លើមបំបែក ឬច្រោះគ្រឿងស្រវឹង ប្រតិកម្មគីមីអាចនឹងបំផ្លាញកោសិកាថ្លើម ហើយរយៈពេលយូរៗទៅ ការខូចខាតនឹងមានជានិរន្តន៍រហូតក្លាយទៅជាជំងឺក្រិនថ្លើម ដែលថ្លើមលែងមានមុខងាររបស់វាទៀតហើយ។ 

ញ៉ាំប្រៃៗពេក

អ្នកជំនាញបានណែនាំថា ការញ៉ាំប្រៃមិនគួរណាច្រើនជាង ២០០០ ទៅ២៤០០មីលីក្រាមក្នុងមួយថ្ងៃឡើយ។ ប៉ុន្តែមនុស្សយើងបែរជាញ៉ាំច្រើនជាងនេះរហូតដល់ ៥០០០ ទៅ១០០០០មីលីក្រាមក្នុងមួយថ្ងៃ ដោយសារតែអាហារមានជាតិប្រៃ និងប្រើជាតិប្រៃដើម្បីរក្សាគុណភាពរក្សាបានយូរ។ យ៉ាងណាមិញ បើសិនជាញ៉ាំប្រៃបែបនេះ វាអាចបណ្តាលឲ្យមានការរលាកក្នុងពោះ និងហើម ហើយថ្លើមក៏ត្រូវការធ្វើការងារច្រើនជាងធម្មតាទៀតដែរ។ 

ញ៉ាំអាហារកៃឆ្នៃច្រើនពេក

កាលណាខ្លាញ់ស្រាប់តែរុំលើថ្លើមច្រើន គឺបណ្តាលមកពីការញ៉ាំអាហារមានជាតិផ្អែមច្រើន ដូច្នេះថ្ងៃក្រោយនឹងទៅជាជំងឺក្រិនថ្លើមបាន។ សម្រាប់ជាតិស្ករធម្មជាតិក្នុងបន្លែ និងផ្លែឈើគឺមិនចោទជាបញ្ហាទេ ប៉ុន្តែបើសិនជាអាហារកៃឆ្នៃ និងអាហារមានជាតិស្ករសិប្បនិមិត្តវិញ វានឹងធ្វើឲ្យមានបញ្ហាបែបនេះបាន។ 

មិនញ៉ាំអាហារពេលព្រឹក

ការតមអាហារពេលព្រឹកគឺជាគ្រោះមួយសម្រាប់សុខភាព។ (អាន:ថ្នាំងងុយគេង ពេលអ្នកគួរប្រើ)ការធ្វើបែបនេះត្រូវបានគេស្គាល់ថាធ្វើឲ្យឡើងទម្ងន់រយៈពេលយូរទៅវិញទេ។ ដូច្នេះអ្នកទំនងជាដឹងស្រាប់ហើយថា ការឡើងទម្ងន់មិនមែនជារឿងល្អចំពោះថ្លើមឡើយ៕