មនុស្សដែលស្ថិតក្នុងសភាពទាំងនេះ គឺងាយនឹងកើតជំងឺដាច់សរសៃឈាមខួរក្បាលណាស់

ជំងឺដាច់សរសៃឈាមខួរក្បាលអាចកើតឡើងលើមនុស្សគ្រប់គ្នាដោយមិនរើសភេទ និងអាយុឡើយ។ បញ្ហានោះគឺថា វាអាចកើតឡើងភ្លាមៗ និងមិនមានអាការៈអ្វីឲ្យដឹងមុនឡើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មានមនុស្សជាច្រើនសួរថា តើពួកគេនឹងធ្វើម៉េចទើបដឹងថា មានការប្រឈមខ្ពស់នឹងជំងឺនេះ។ មែនហើយ វាមានកត្តាប្រឈមមុខច្រើនណាស់ដែលធ្វើឲ្យមនុស្សម្នាក់ប្រឈមកាន់តែខ្លាំងនឹងជំងឺដាច់សរសៃឈាមខួរក្បាលដូចជា៖

លើសសម្ពាធឈាម

វាគឺជាកត្តាប្រឈមមុខដ៏ធំមួយនៃជំងឺដាច់សរសៃឈាមខួរក្បាល។ នេះដោយសារតែការលើសសម្ពាធឈាមងាយនឹងធ្វើឲ្យមានកំណកឈាមក្នុងសរសៃឈាមអាក់ទែ ឬក្រពិតសរសៃឈាមបាន។ ហេតុដូច្នេះហើយទើបគ្រូពេទ្យតែងតែណែនាំឲ្យរក្សាសម្ពាធឈាមឲ្យនៅសុខភាពល្អគ្រប់ពេលដើម្បីបន្ថយការប្រឈមនឹងជំងឺដាច់សរសៃឈាមខួរក្បាល។ 

ជំងឺបេះដូង

ជំងឺបេះដូងមានច្រើនប្រភេទខុសៗគ្នាដូចជា ជំងឺបេះដូងលោតខុសធម្មតា Atril Fibrillation ខូចប្រើសបេះដូង និងផ្សេងៗទៀត។ ជំងឺនេះទាំងនេះប្រហែលជាបង្កឡើងដោយហ្សែន ឬរបៀបរស់នៅមិនត្រឹមត្រូវ។ យ៉ាងណាមិញ ជំងឺទាំងនេះច្រើនតែបង្កជាការកកស្ទះសរសៃឈាមអាក់ទែក៏អាចដើរតួនាទីជាផ្នែកមួយនាំឲ្យកើតជំងឺដាច់សរសៃឈាមខួរក្បាលដែរ។ 

ញ៉ាំគ្រឿងស្រវឹងច្រើនៗ

ថ្វីបើមានការសិក្សាមួយចំនួននិយាយថា ការញ៉ាំគ្រឿងស្រវឹងតិចតួច អាចជាវិធីល្អក្នុងការជួយឲ្យមានសុខភាពល្អ ប៉ុន្តែករណីដែលអ្នកញ៉ាំច្រើន វានឹងធ្វើឲ្យប្រឈមខ្ពស់នឹងបញ្ហាសុខភាពទៅវិញ ហើយក្នុងនោះក៏មានដាច់សរសៃឈាមខួរក្បាលដែរ។ ដូច្នេះសម្រាប់បុរសគួរតែកុំញ៉ាំច្រើនជាងពីរកែវក្នុងមួយថ្ងៃ ខណៈពេលដែលស្រ្តីកុំឲ្យច្រើនជាងមួយកែវ។ 

ជក់បារី

បញ្ហាជាមួយនឹងការជក់បារីនោះគឺថា វានឹងបង្កើនចំនួនកូឡេស្តេរ៉ុលអាក្រក់ បញ្ចុះកូឡេស្តេរ៉ុលល្អ។ នៅពេលកូឡេស្តេរ៉ុលអាក្រក់កើនឡើង វាអាចធ្វើឲ្យខូចខាតដល់ជញ្ជាំងសរសៃឈាម រហូតដល់បង្កជាកំណកឈាមបាន។ កាលណាកំណកនេះរបេះចេញហើយទៅស្ទះក្នុងខួរក្បាល នឹងនាំឲ្យកើតជំងឺដាច់សរសៃឈាមខួរក្បាលបាន។ 

ស្រ្តេស

ស្រ្តេសអាចធ្វើឲ្យមានបញ្ហាច្រើនដល់សុខភាពអ្នក ប៉ុន្តែតើអ្នកមានដឹងទេថា គ្រោះថ្នាក់មួយនៃស្រ្តេសគឺធ្វើឲ្យប្រឈមខ្ពស់នឹងការដាច់សរសៃឈាមខួរក្បាល។(អាន:ថ្នាំងងុយគេង ពេលអ្នកគួរប្រើ) នេះដោយសារតែវាធ្វើឲ្យអ្នកលើសសម្ពាធឈាមក្នុងពេលស្រ្តេសម្តងៗ។ ដូច្នេះយកល្អគួរតែព្យាយាមគ្រប់គ្រងស្រ្តេសឲ្យបានល្អផង៕