ការរួយស្មា ឬកន្លែងបោះដៃផុត ច្រើនតែបង្កឡើងដោយការគាបទៅលើសរសៃប្រសាទក្នុងសាច់ដុំស្មានៅពេលធ្វើចលនាស្មាជ្រាំដែលៗ ឬការរក្សាជំហររាងកាយមួយជាប់រយៈពេលយូរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ករណីនេះ អ្នកត្រូវការសម្រាកស្មា និងផ្តល់ពេលវេលាដល់វាដើម្បីជាវិញដោយខ្លួនឯង ប៉ុន្តែអ្នកអាចបំបាត់ការឈឺចាប់នេះបានលឿនតាមរយៈវិធីដូចខាងក្រោមនេះ៖

សម្រាក និងចៀសវាងការប្រើប្រាស់ស្មាទៀត

ចូរសម្រាកពីការងារប្រើស្មាសិនដើម្បីទុកពេលវេលាដល់ស្មាដែលកំពុងតែឈឺនោះជាមកវិញ។ អ្នកគួរតែឈប់ធ្វើសកម្មភាពទាំងឡាយណាដែលនាំឲ្យមានការឈឺចាប់តាំងពីដំបូងវិញ។ ឧទាហរណ៍ ឈប់លើកធ្ងន់ៗ ឬគេងចំហៀងខ្លួនកល់លើស្មាយូរពេកជាដើម។ 

លេបថ្នាំប្រឆាំងការរលាក

ថ្នាំអាស្ពីរីន ឬ Non-steroidal Anti-inflammatory Medication (NSAIDs) ដូចជា Ibuprofen នឹងជួយបន្ថយការឈឺចាប់ដោយសារតែរួយស្មាបាន។ ទោះបីជាថ្នាំនេះអាចរកទិញបានដោយមិនបាច់មានវេជ្ជបញ្ជាក៏ដោយ តែយកល្អគួរតែពិគ្រោះជាមួយគ្រូពេទ្យសិន។ 

ស្អំទឹកកកនៅលើស្មា

ចូរប្រើក្រណាត់ខ្ចប់ថង់ទឹកកកមួយដុំធំល្មម ហើយយកវាទៅស្អំលើស្មាដែលកំពុងតែរួយនោះរយៈពេល ១០ ទៅ ១៥នាទី ដើម្បីបន្ថយការឈឺចាប់។ ចូរចាំថា មិនត្រូវស្អំទឹកកកផ្ទាល់នឹងស្បែកឡើយ ព្រោះវាអាចធ្វើឲ្យមានការខូចខាតដល់ស្បែក និងឈឺចាប់កាន់តែខ្លាំងថែមទៀត។ 

ផ្លាស់ប្តូរជំហររាងកាយដើម្បីកុំឲ្យដាក់សម្ពាធលើស្មាកាន់តែខ្លាំងទៀត

នៅពេលអ្នកអង្គុយ ឬឈរ ចូរព្យាយាមធ្វើស្មាឲ្យត្រង់ និងចៀសវាងកោងខ្នង។ ការដែលកោងខ្នង ឬអោនទៅមុខ នឹងធ្វើឲ្យថយចុះលំហូរឈាមទៅសរសៃប្រសាទ ដែលជាហេតុនាំឲ្យរួយស្មាកាន់តែខ្លាំងបាន។ 

ចូរធ្វើការពុតពែនស្មាបន្ថែមផង

ចូរព្យាយាមធ្វើការពុតពែនស្មានៅកន្លែងដែលអ្នកកំពុងតែឈរ ឬអង្គុយ។ ចូរធ្វើការលើកស្មាទាំងសងខាងឡើទៅប៉ះត្រចៀក។ ចូរធ្វើបែបនេះ ៥ ទៅ ១០ដង ដើម្បីបន្ធូរការគាបសរសៃប្រសាទ។ អ្នកក៏អាចប្រើវិធីបង្វិលស្មាចុឡើងៗតាមទ្រនិចនាឡិការបានដែរ។ (អាន:ថ្នាំងងុយគេង ពេលអ្នកគួរប្រើ)ចូរធ្វើបែបនេះយ៉ាងហោចណាស់ ម្តងក្នុងមួយថ្ងៃដើម្បីបន្ថយភាពតឹង ឬរួយនៅកន្លែងបោះដៃផុត៕