ក្នុងបន្ទប់គេងនាពេលបច្ចុប្បន្ននេះតែងតែមានការបិទភ្លើងជានិច្ចចាប់ពី ភ្លើងចេញពីទូរទស្សន៍ កុំព្យូទ័រ នាឡិការឌីជីថល រហូតដល់ទូរស័ព្ទឆ្លាតវៃ។ ម៉្យាងវិញទៀត មនុស្សភាគច្រើនមិនបានចំណាយពេលវេលាគេងយូរក្នុងភាពងងឹតឈឹងឡើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ តាមរយៈអត្ថបទមួយនេះ ខ្ញុំនឹងបង្ហាញថា តើការគេងបិទភ្លើង នងិបើកភ្លើង មានអ្វីខុសគ្នាខ្លះ។
ពន្លឺភ្លើងប៉ះពាល់ដល់ការផលិតរបស់អ័រម៉ូន Melatonin
វាគឺជារឿងសំខាន់ណាស់ដែលយើងត្រូវការថែរក្សាអ័រម៉ូនមួយប្រភេទនេះ ដោយសារតែវាមាននាទីទទួលខុសត្រូវដល់ការភ្ញាក់ដឹងខ្លួននៅពេលថ្ងៃ់ និងងងុយគេងនៅពេលយប់។ ជាធម្មតាវដ្តនៃការគេងរបស់មនុស្សយើងត្រូវបានគ្រប់គ្រងដោយអ័រម៉ូន Melatonin នេះ។ វាត្រូវបានបញ្ចេញឡើងដោយក្រពេញមួយឈ្មោះថា Pineal Gland ដែលស្ថិតនៅចំកណ្តាលនៃខួរក្បាល។ ចំនួនអ័រម៉ូនមួយនេះនឹងឡើងខ្ពស់នៅពេលយប់ មានន័យថាជាពេលវេលាដែលរាងកាយដឹងថាព្រះអាទិត្យលិចហើយ ដើម្បីជំរុញដល់រាងកាយមានអារម្មណ៍ងងុយគេង។
ក្រពេញ Pineal Gland មានការច្រឡំ
យ៉ាងណាមិញ នៅក្នុងបន្ទប់គេងរបស់អ្នកអាចជាដើមហេតុនាំឲ្យអ្នកទទួលបានការផលិតអ័រម៉ូន Melatonin នៅពេលយប់មិនបានគ្រប់គ្រាន់ទេ។ នេះដោយសារតែអវត្តមានរបស់ព្រះអាទិត្យ ដែលជំនួសមកវិញដោយពន្លឺភ្លើង។ អំពូលភ្លើង ទូរទស្សន៍ កុំព្យូទ័រ ឬទូរស័ព្ទឆ្លាតវៃ សុទ្ធតែជារបស់ដែលរំខានដល់ការផលិតធម្មតារបស់អ័រម៉ូន Melatonin នៅពេលយប់។ ទោះបីជាពន្លឺភ្លើងចេញពីបង្អួចខាងក្រៅផ្ទះក៏មិនអាចធ្វើឲ្យរាងកាយផលិតអ័រម៉ូន Melatonin បានគ្រប់គ្រាន់ដើម្បីគេងដែឬ។ កាលណារាងកាយមិនមានអ័រម៉ូននេះគ្រប់គ្រាន់ទេ អ្នកនឹងឧស្សាហ៍គេងមិនលក់ណាស់។
ការគេងមិនបានគ្រប់គ្រាន់មិនមែនជាបញ្ហាតែមួយទេ
មនុស្សគ្រប់គ្នាដឹងហើយអំពីសារៈសំខាន់នៃការគេងពី ៧ ទៅ៩ម៉ោងក្នុងមួយយប់។ ម៉្យាងវិញទៀត វដ្តនៃការគេងក៏នៅតែសំខាន់ដែរ ហើយវាមិនខុសគ្នានឹងម៉ាស៊ីនដែលត្រូវការប្រេងរំអិលជួយសម្រួលដល់សង្វាក់ការងាររបស់វាឡើយ។ (អាន:ថ្នាំងងុយគេង ពេលអ្នកគួរប្រើ)អ្នកវិទ្យាសាស្រ្តបាននិយាយថា បញ្ហានៃការគេងដែលបណ្តាលមកពីការរំខានរបស់សង្វាក់ផលិតកម្មអ័រម៉ូន Melatonin អាចបណ្តាលឲ្យមានបញ្ហាកាន់តែធ្ងន់ធ្ងរជាងការគេងមិនលក់ទៅទៀតដូចជា ការឡើងទម្ងន់ បាក់ទឹកចិត្ត មានបញ្ហានៃការបន្តពូជ និងមហារីកទៀតផង។
ដូច្នេះសរុបសេចក្តីមក ការគេងក្នុងបន្ទប់ដែលបិទភ្លើងជិតអស់ពិតជារឿងមួយដែលល្អចំពោះសុខភាព។ ការដែលធ្វើឲ្យបន្ទប់គេងមិនមានពន្លឺចូលបានច្រើនបំផុតតាមតែអាចធ្វើបាន នឹងជួយឲ្យអ្នកគេងបានកាន់តែច្រើន ហើយក៏ជួយឲ្យសុខភាពកាន់តែល្អផងដែរ៕