តែជីអង្កាម គឺមានរសជាតិឆ្ងាញ់ ប៉ុន្តែនេះមិនមែនជាមូលហេតុតែម្យ៉ាងដែលអ្នកគួរចាប់ផ្ដើមទទួលទាន
តែជីអង្កាមជាប្រចាំឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក៏ព្រោះតាមពិតទៅតែជីអង្កាមអាចផ្ដល់អត្ថប្រយោជន៍គួរឱ្យភ្ញាក់ផ្អើលជាច្រើនចំពោះសុខភាពរាងកាយ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃការទទួលទានតែជីអង្កាមជាប្រចាំ ៖
១. បំបាត់ស្ត្រេស ឬភាពតានតឹងក្នុងអារម្មណ៍
តែជីអង្កាម គឺជាប្រភេទនៃតែដ៏ល្អបំផុតមួយសម្រាប់បំបាត់អាការៈថប់បារម្ភ និងស្ត្រេស។ នោះក៏ព្រោះ
តែជីអង្កាមមានផ្ទុកសារធាតុ menthol ជួយសម្រួលសាច់ដុំកាត់បន្ថយកម្រិតនៃភាពស្ត្រេស។
២. បំបាត់ក្លិនមាត់មិនល្អ
ជីអង្កាមមានផ្ទុកសារធាតុ menthol និងលក្ខណៈសម្បត្តិប្រឆាំងបាក់តេរីជួយប្រយុទ្ធប្រឆាំងសារធាតុ halitosis ដែលបង្កបញ្ហាក្លិនខ្យល់ដង្ហើមមិនល្អ។ អ្វីដែលអ្នកត្រូវធ្វើ គឺគ្រាន់តែទទួលទានតែជីអង្កាម ១ ពែងរាល់ព្រឹក ឬនៅពេលមានក្លិនមាត់មិនល្អជាការស្រេច។ អ្នកក៏អាចទទួលទានតែជីអង្កាមក្រោយពេលទទួលទានអាហារមានក្លិនខ្លាំងដូចជាខ្ទឹមស ឬខ្ទឹមបារាំងដើម្បីបន្សាបក្លិន។
៣. បង្កើនការផ្ដោតអារម្មណ៍
ឆុងតែជីអង្កាម ហើយក្រេបយឺតៗ។ វិធីនេះនឹងជួយឱ្យអ្នកផ្ដោតអារម្មណ៍បានប្រសើរ។ លើសពីនេះទៅទៀតក្លិននៃជីអង្កាម រួមទាំងសារធាតុ Menthol មានប្រសិទ្ធិភាពរំញោចការចងចាំនៃខួរក្បាល។
៤. ដុតបំផ្លាញជាតិខ្លាញ់
ប្រសិនបើអ្នកមានអារម្មណ៍ថាឃ្លានមិនឈប់ នោះតែជីអង្កាមអាចជួយបង្រាបចំណង់អាហាររបស់អ្នកបាន។ ការទទួលទានតែជីអង្កាមនៅពេលព្រឹកជួយដល់ដំណើរការនៃការដុតរំលាយអាហារ ឬជាតិខ្លាញ់ក្នុងរាងកាយ។
៥. បំបាត់អាការៈទល់លាមក
ទឹកតែជីអង្កាមក្ដៅឧណ្ហៗលាយជាមួយទឹកឃ្មុំជាជម្រើសនៃភេសជ្ជៈដ៏ប្រសើរសម្រាប់អ្នកដែលកំពុងជួបប្រទះអាការៈទល់លាមក។ នោះក៏ព្រោះតែសារធាតុ menthol មានប្រសិទ្ធិភាពជាថ្នាំព្យាបាលជំងឺទល់លាមកបែបធម្មជាតិ។ តែជីអង្កាមក្ដៅឧណ្ហៗក៏ជួយព្យាបាលអាការៈឈឺបំពង់កផងដែរ។
៦. ជួយឱ្យឆាប់ងងុយគេង
ប្រសិនបើអ្នកគេងមិនលក់ ចូរទទួលទានតែជីអង្កាម ១ពែង ។ សារធាតុ Menthol ជួយឱ្យសាច់ដុំ និងអារម្មណ៍ធូរស្បើយ ហើយអ្នកនឹងឆាប់គេងលក់ជាក់ជាមិនខាន។
ក្រៅពីការទទួលទានតែជីអង្កាម អ្នកក៏អាចបន្ថែមវាទៅក្នុងទឹកងូតផងដែរដោយវិធីនេះនឹងជួយឱ្យអ្នកមានអារម្មណ៍ធូរស្បើយ ហើយថែមទាំងបំបាត់បញ្ហាស្បែកផ្សេងៗ រួមទាំងរោគមុនទៀតផង៕