ការលេបថ្នាំបំបាត់ការឈឺចាប់នៅរាល់ពេលឈឺក្បាល គឺមិនមែនជាគំនិតល្អសោះឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក្រៅពីជះឥទ្ធិពលអវិជ្ជមានផ្សេងៗហើយនោះ ថ្នាំបំបាត់ការឈឺចាប់ក៏បង្កើនហានិភ័យនៃបញ្ហាសុខភាពគួរអោយព្រួយបារម្ភជាច្រើនផងដែរ។ ប៉ុន្តែថាតើយើងអាចបំបាត់អាការៈឈឺក្បាលបានដោយរបៀបណាទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងវិធីព្យាបាលជំងឺឈឺក្បាលឆាប់រហ័សតាមបែបធម្មជាតិដោយគ្រាន់តែទទួលទានអាហារមួយចំនួនដូចខាងក្រោម ៖
១. ផ្លែចេក
ក្នុងករណីខ្លះអាការៈឈឺក្បាលអាចបណ្ដាលមកពីកង្វះនៃជាតិម៉ាញ៉េស្យូមក្នុងរាងកាយ។ ហើយចេក
គឺជាជម្រើសនៃផ្លែឈើដ៏ប្រសើរដែលមានផ្ទុកសម្បូរទៅដោយជាតិម៉ាញ៉េស្យូមជួយបំបាត់អាការៈឈឺក្បាលបានយ៉ាងឆាប់រហ័ស។
២. គ្រាប់ស្វាយចន្ទី
គ្រាប់ស្វាយចន្ទីក៏មានផ្ទុកសម្បូរទៅដោយជាតិម៉ាញ៉េស្យូមផងដែរ។ ដូច្នេះលើកក្រោយនៅរាល់ពេលដែលអ្នកឈឺក្បាល ចូរសាកល្បងទទួលទានគ្រាប់ស្វាយចន្ទីមួយក្ដាប់ដៃពេញ។
៣. សូកូឡាខ្មៅ
ក៏ព្រោះតែសូកូឡាខ្មៅជាប្រភពដ៏ល្អបំផុតនៃជាតិម៉ាញ៉េស្យូមនោះអ្នកអាចទទួលទានវាមួយដុំនៅពេល
ឈឺក្បាល ជាពិសេសប្រសិនបើការឈឺក្បាលបណ្ដាលមកពីភាពតានតឹងក្នុងអារម្មណ៍ ឬស្ត្រេស។
៤. ឪឡឹក
ពេលខ្លះភាពខ្សោះជាតិទឹកក្នុងរាងកាយក៏អាចបណ្ដាលអោយឈឺក្បាលគួរអោយកត់សម្គាល់។ ដូច្នេះការផ្ដល់អោយរាងកាយនូវជាតិទឹកគ្រប់គ្រាន់ គឺចាំបាច់ណាស់ដើម្បីបំបាត់អាការៈឈឺក្បាល។ ហើយឪឡឹកជាប្រភេទផ្លែឈើដែលមានផ្ទុកសម្បូរទៅដោយជាតិទឹក។
៥. ផ្លែបឺរ
ជាតិខ្លាញ់សុខភាពល្អក្នុងផ្លែបឺរជួយរក្សាតុល្យភាពនៃអ័រម៉ូនទប់ស្កាត់ការរលាកដែលបង្កអោយឈឺក្បាល។ ដូច្នេះការបន្ថែមផ្លែបឺរក្នុងរបបអាហារប្រចាំថ្ងៃ គឺប្រសើរណាស់ ជាពិសេសចំពោះស្ត្រីដែលកំពុងជួបប្រទះអាការៈឈឺក្បាលដោយសារការមករដូវ។
៦. កាហ្វេ
ការទទួលទានកាហ្វេក្ដៅៗត្រឹមមួយពែងនៅពេលឈឺក្បាលក៏ជាវិធីបែបធម្មជាតិដ៏ល្អបំផុតមួយដើម្បីបំបាត់អាការៈឈឺក្បាលបានឆាប់រហ័សផងដែរ។ នោះក៏ព្រោះតែកាហ្វេមានផ្ទុកជាតិកាហ្វេអ៊ីនដែលជួយបង្កើនលំហូរឈាមទៅខួរក្បាល។
ប្រយ័ត្ន ៖ ទោះជាយ៉ាងណាប្រសិនបើអ្នកជួបប្រទះអាការៈឈឺក្បាលគ្រប់ពេល អ្នកគួរទៅជួបពិគ្រោះជាមួយគ្រូពេទ្យដើម្បីស្វែងរកមូលហេតុជាក់លាក់មុននឹងបញ្ហាធ្ងន់ធ្ងរកើតឡើង៕