ជំងឺមហារីកក្រពេញប្រូស្តាតគឺជាជំងឺមហារីកដែលកើតឡើងញឹកញាប់បំផុត ហើយក៏ជាមូលហេតុនាំឲ្យស្លាប់ច្រើនបំផុតទាក់ទងនឹងជំងឺមហារីកលំដាប់ថ្នាក់ទីពីរដែរក្នុងសហរដ្ឋអាមេរិក។ ក្រពេញប្រូស្តាតគឺជាក្រពេញមួយប្រភេទដែលមានទំហំប៉ុនគ្រាប់វូលណាត់ ដែលស្ថិតនៅខាងក្រោយនៃលិង្គបុរស និងខាងក្រោមប្លោកនោម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាមានមុខងារក្នុងការផលិតផលទឹកកាមសម្រាប់ការពារ ទ្រទ្រង់ និងជួយដឹកជញ្ជូនមេជីវិតឈ្មោល។ នៅពេលអ្នកយល់ដឹងអំពីកត្តាប្រឈមនឹងជំងឺមហារីកក្រពេញប្រូស្តាតហើយ យកល្អគួរតែស្វែងយល់អំពីរបៀបបង្ការជំងឺនេះ ជាមួយនឹងវិធីហាត់ប្រាណ។ 

មធ្យោបាយដ៏អស្ចារ្យមួយក្នុងការបន្ថយការប្រឈមនឹងជំងឺមហារីកក្រពេញប្រូស្តាតគឺជាការហាត់ប្រាណជាទៀងទាត់តែម្តង។ ការសិក្សាមួយចំនួនបានបញ្ជាក់ថា ការប្រឈមនឹងជំងឺមហារីករបស់អ្នកនឹងថយចុះកាន់តែខ្លាំងនៅពេលហាត់ប្រាណកាន់តែច្រើន។ អ្នកគួរតែហាត់ប្រាណប្រភេទ អ៊ែរ៉ូបិក យ៉ាងហោចណាស់ ៣០នាទីក្នុងមួយថ្ងៃ រយៈពេល ៥ ទៅ៦ថ្ងៃគ្នុងមួយសប្តាហ៍។ 

លំហាត់ប្រាណអ៊ែរ៉ូបិកជាវិធីដ៏ល្អបំផុតសម្រាប់បង្ការជំងឺ ដោយសារតែវាមានប្រយោជន៍ចំពោះសុខភាពច្រើនដូចជា ពង្រឹងដល់របត់ឈាមរត់ ប្រព័ន្ធភាពស៊ាំកាន់តែមានសុខភាពល្អជាងមុន និងបង្កើនថាមពលរាងកាយ។ លំហាត់ប្រាណអ៊ែរ៉ូបិកមានដូចជា ជិះកង់ ហែលទឹក រត់កីឡា និងរាំជាដើម។ បើសិនជាអាច ចូរជំនួសការឡើងជណ្តើរយន្ត មកឡើងជណ្តើរកាំវិញ ចូរចតឡានឲ្យឆ្ងាយពីកន្លែងធ្វើការ ដើម្បីអាចមានពេលដើរបានច្រើន ឬឈរធ្វើការឲ្យបានច្រើនជាងអង្គុយ។(អាន:ថ្នាំងងុយគេង ពេលអ្នកគួរប្រើ) ការសិក្សាមួយបានរកឃើញថា បុរសដែលចូលរួមហាត់កីឡាអ៊ែរ៉ូបិកខ្លាំងក្លា យ៉ាងហោចណាស់ ៣ម៉ោងក្នុងមួយសប្តាហ៍ អាចបន្ថយការស្លាប់ដោយសារតែជំងឺមហារីកក្រពេញប្រូស្តាតរហូតដល ៦១ភាគរយឯណោះ៕