ការមានផ្ទៃពោះកើតឡើងជាមួយនឹងក្បួនទាក់ទងនឹងរបបអាហារច្រើនណាស់ ដោយអ្នកគួរញ៉ាំច្រើន ហើយតមក៏ច្រើនដែរ។ ក្រៅពីអាហារដែលត្រូវហាមឃាត់ អាហារផ្តល់សុខភាពមួយចំនួនក៏ប្រហែលជាត្រូវចៀសវាងដែរ ដោយសារតែវាអាចបង្កបញ្ហាដល់ការមានផ្ទៃពោះដូចជា ក្រហាយដើមទ្រូង និងច្រាលអាស៊ីតនៅក្រពះមកបំពង់ករជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ចាប់តាំងពីផ្លែក្រូចគឺជាផ្លែឈើជូរៗមួយ ហើយក៏ប្រហែលជាធ្វើឲ្យក្រហាយដើមទ្រូងដែរនោះ ស្រ្តីមានផ្ទៃពោះភាគច្រើនសួរថា តើវាមានសុវត្ថិភាពឬអត់ក្នុងការញ៉ាំទឹកក្រូចច្របាច់ក្នុងពេលមានផ្ទៃពោះ។ ចម្លើយនោះគឺមានសុវត្ថិភាពណាស់។ ខាងក្រោមនេះគឺជាហេតុផល ៥យ៉ាងដែលស្រ្តីមានផ្ទៃពោះទទួលបានប្រយោជន៍ជាច្រើនពីការញ៉ាំទឹកក្រូចច្របាច់៖
ផ្តល់វីតាមីន C ច្រើន
ការញ៉ាំទឹកក្រូចច្របាច់ ២៣៦.៥មីលីលីត្រអាចផ្តល់វីតាមីន C ១២៤មីលីក្រាម ដែលច្រើនជាងតម្រូវការក្នុងពេលមានផ្ទៃពោះ ត្រឹមតែ ៨៥មីលីក្រាម ឯណោះ។ វីតាមីន C នេះសំខាន់សម្រាប់ថែរក្សាប្រព័ន្ធភាពស៊ាំឲ្យមានសុខភាពល្អ និងខ្លាំក្លា។ វានឹងជួយការពារខ្លួនពីមេរោគ និងរ៉ាឌីកាលសេរីផងដែរ។
ជំរុញដល់ការបឺតស្រូបជាតិដែក
ការមានផ្ទៃពោះគឺជាពេលវេលាដែលត្រូវបង្កើនតម្រូវការជាតិដែកកាន់តែខ្លាំងជាងមុនក្នុងការផលិតគ្រាប់ឈាមចិញ្ចឹមកូន។ សម្រាប់តម្រូវការជាតិដែកនេះដែរគឺចាប់ពី ១៨ ទៅ ២៧មីលីក្រាមឯណោះ។ ការកង្វះជាតិជាតិដែកអាចនឹងនាំឲ្យមានជំងឺស្លេកស្លាំង កើតមិនគ្រប់ខែ និងកូនលូតលាស់មិនបានល្អ។ យ៉ាងណាមិញ វីតាមីន C ដ៏ច្រើនក្នុងទឹកក្រូចច្របាច់ នឹងជំរុញដល់ការបឺតស្រូបជាតិដែកចេញពីថ្នាំបំប៉ន និងអាហារចូលទៅក្នុងឈាមយ៉ាងមានប្រសិទ្ធភាព។
មានវីតាមីន Folate ដែរ
ទឹកក្រូចច្របាច់ក៏អាចនាំឲ្យទទួលបានវីតាមីន Folate ឬវីតាមីន B9ដល់រាងកាយផងដែរ។ ត្រឹមទឹកក្រូចច្របាច់ ២៣៦.៥មីលីលីត្រអាចផ្តល់វីតាមីននេះ ៩២ម៉ៃក្រូក្រាមទៅហើយ ខណៈពេលដែលដែលក្រូចស្រស់មួយផ្លែមាន ២៦ម៉ៃក្រូក្រាមទៅហើយ។ ខណៈពេលដែលក្នុងពេលមានផ្ទៃពោះ តម្រូវការវីតាមីន B9 គឺ ៤០០ទៅ ៦០០ម៉ៃក្រូក្រាមក៏ដោយ ដូច្នេះការញ៉ាំទឹកក្រូចមួយពេលខាងលើក៏ស្មើនឹង ១២ភាគរយនៃតម្រូវការប្រចាំថ្ងៃដែរ។ កាលណាក្នុងខ្លួនស្រ្តីមានវីតាមីន B9គ្រប់គ្រាន់ នវានឹងជួយបង្កាជំងឺពីកំណើតបានជាច្រើនដូចជា ខូចឆ្អឹងកងខ្នង និងខួរក្បាល ឬហៅថាពកឆ្អឹងខ្នង។
បញ្ចុះសម្ពាធឈាម
ទឹកក្រូចច្របាច់ជាប្រភពដ៏ល្អមួយនៃជាតិប៉ូតាស្យូម ដោយចំណុះ២៣៦.៥មីលីលីត្រមានប៉ូតាស្យូម ៤៩៦មីលីក្រាមទៅហើយ ដែលវាស្មើនឹង ១០ភាគរយនៃតម្រូវការប្រចាំថ្ងៃ។ ប៉ូតាស្យូមដើរតួនាទីសំខាន់ណាស់សម្រាប់សុខភាពបេះដូង តុល្យភាពជាតិទឹកក្នុងខ្លួន និងការរំលាយអាហារ។ វាក៏ជួយសម្រួលដល់សម្ពាធឈាម និងបង្ការការលើសសម្ពាធឈាមជាពិសេសបង្កជំងឺត្រៀមក្រឡាភ្លើងតែម្តង។
ផ្តល់អង់ទីអុកស៊ីដង់
ក្រៅពីវីតាមីន C ទឹកក្រូចច្របាច់ក៏ផ្តល់ជា Carotenoids ជាច្រើនដូចជា Alpha-carotene, Beta-carotene, Lutein and Zeaxanthin និង Beta-cryptoxanthin ដែលជាមានចំនួនច្រើនបំផុត។(អាន:ថ្នាំងងុយគេង ពេលអ្នកគួរប្រើ) អង់ទីអុកស៊ីដង់ទាំងនេះជួយការពារសម្ពាធអុកស៊ីតកម្ម ការរលាក ការពារភ្នែក និងបំលែងទៅជាវីតាមីន A សម្រាប់រាងកាយប្រើប្រាស់ផងដែរ៕
