ខាងក្រោមនេះ Health.com.kh យើងខ្ញុំនឹងបង្ហាញអ្នកពីអាហារដែលអ្នកម្តាយគួរតែបរិភោគ ដើម្បីកូនក្នុងផ្ទៃ។ តើមានអ្វីខ្លះទៅ?
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ក្នុងរយៈពេល៣ខែដំបូងនៃការមានផ្ទៃពោះ អ្នកម្តាយអាចនឹងចង់ក្អួត ពេលដែលប្រទះនឹងក្លិនមិនល្អ។ ដូចនេះ អ្នកម្តាយអាចបរិភោគអាហារដែលមានក្លិនធម្មតា ដើម្បីកាត់បន្ថយការក្អួតបាន។ ជាពិសេស អ្នកម្តាយក៏គួរតែទៅពិគ្រោះជាមួយគ្រូពេទ្យ ដើម្បីកាត់បន្ថយអាការៈក្អួតនេះផងដែរ។
- អ្នកគួរតែរករបបអាហារដែលតម្រូវតាមចំណង់ចំណូលចិត្តរបស់អ្នក ទើបអាចធ្វើឲ្យអ្នកពិសារបាន មិនងាយក្អួតចេញមកអស់។ ដូចនេះ បើអ្នកចូលចិត្តផ្អែម ប្រៃ ឬសាប អ្នកអាចញ៉ាំតាមនោះបាន។
- អ្នកម្តាយគួរតែពិសារអាហារដែលមានផ្ទុកប្រូតេអ៊ីនឲ្យបានច្រើន ដូចជា ត្រី បង្គារ ស៊ុត ផលិតផលធ្វើពីទឹកដោះគោ រួមនឹងគ្រឿងក្នុងសត្វផងដែរ។ ជាពិសេស អ្នកក៏អាចពិសារអាហារផ្សេងដែលមានសារធាតុចិញ្ចឹម ព្រមទាំងវីតាមីន ដើម្បីជំនួយដល់ខួរក្បាលរបស់កូនក្នុងផ្ទៃ។
- ចំពោះអ្នកម្តាយដែលក្អួតខ្លាំង គួរតែចែកជាច្រើនពេលមកពិសារអាហារ ទើបអ្នកអាចកាត់បន្ថយអាការៈក្អួតនេះបាន។ ដូចនេះ អ្នកអាចញ៉ាំរៀងរាល់២ទៅ៣ម៉ោង ួទើបមិនក្អួត។
- ក្នុង៣ខែដំបូងនេះ អ្នកគូរតែកាត់បន្ថយអារម្មណ៍តានតឹងរបស់អ្នក ដោយគួរតែដើរហាត់ប្រាណ ស្តាប់ចម្រៀង ដកដង្ហើមវែងៗ ទើបអាចកាត់បន្ថយអាការៈក្អួតរបស់អ្នកបាន។
- អ្នកម្តាយគួរតែសម្រាកឲ្យបានច្រើន ព្រោះមានតែការសម្រាកនេះទេ ដែលអាចជួយអ្នកឲ្យមានកម្លាំង ហើយមិនក្អួតខ្លាំង។ ដូចនេះ អ្នកអាចពិសារតាមនេះបាន ដើម្បីធ្វើឲ្យអ្នកអាចចៀសពីអាការៈក្អួតខ្លាំង៕
(អាន:ថ្នាំងងុយគេង ពេលអ្នកគួរប្រើ)
