ការលាបក្រែមផ្តល់សំណើមដល់ស្បែកជាទៀងទាត់មិនអាចបំបាត់ភាពស្ងួតរបស់ស្បែកមែនទេ? រឿងនេះប្រហែលជាអ្នកត្រូវគិតគូឡើងវិញអំពីការបង្គ្រប់ជាតិទឹកក្នុងខ្លួនវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រៅពីការញ៉ាំទឹកឲ្យបានច្រើនជារៀងរាល់ថ្ងៃ អ្នកជំនាញបានណែនាំថា យកល្អគួរតែព្យាយាមញ៉ាំអាហារទាំងឡាយណាដែលអាចជំរុញដល់ការបង្គ្រប់ជាតិទឹកដល់ស្បែកដូចជា៖
ត្រីសម្បូរខ្លាញ់
ត្រីសាលម៉ុង ធូណា ឬសាឌីន សុទ្ធតែត្រូវបានគេចាត់ទុកថាជា ត្រីសម្បូរជាតិខ្លាញ់ ហើយក៏ជាខ្លាញ់ល្អចំពោះសុខភាពដែរ។ វាមិនត្រឹមតែល្អចំពោះសុខភាពបេះដូងទេ តែក៏ល្អចំពោះស្បែកដែរ ដោយសារតែវាជួយជម្រុញដល់ការបង្គ្រប់ជាតិទឹកក្នុងខ្លួន។
គ្រាប់ផ្លែឈើ
បើសិនជាអ្នកជាមនុស្សញ៉ាំអាហារបួស ហើយមិនអាចញ៉ាំត្រីបានទេ កុំបារម្ភអី។ អ្នកអាចមានរបស់ជំនួសបាន នោះគឺគ្រាប់ផ្លែឈើ ដូចជា ផ្លែអាលម៉ុន សណ្តែកដី ឬគ្រាប់ស្វាយចន្ទីជាដើម។
ផ្លែប័រ
អ្នកជំនាញខាងរោគសើស្បែកនិយាយថា អ្នកដែលចូលចិត្តថែរក្សាសម្រស់ខ្លួន គួរតែរីករាយនឹងការញ៉ាំផ្លែប័រជាប្រចាំហើយ។ រឿងពិតនោះគឺថា ផ្លែប័រផ្ទុកទោដោយខ្លាញ់ផ្តល់សុខភាពល្អ។ ក្រៅពីនេះ ផ្លែប័រក៏មានវីតាមីន E ដែលស្បែកត្រូវការដើម្បីថែរក្សាឲ្យមានសុខភាពល្អ ស្រស់ស្អាត និងក្មេងជាងវ័យ។
ប្រេងអូលីវ
និយាយដល់វិតាមីន E នោះគឺថា អ្នកអាចទទួលបានវាយ៉ាងច្រើនពីប្រេងអូលីវដែរ។ ដូច្នេះកុំសម្ចៃដៃក្នុងការប្រើប្រាស់ប្រេងអូលីវដើម្បីទទួលទានអី។ ប្រេងអូលីវក៏ល្អក្នុងការថែរក្សាស្បែកពីការស្ងួត និងរំលាយកំណកឈាមចេញពីសរសៃឈាមអាក់ទែផងដែរ។
ត្រសក់
បើសិនជាអ្នកងាយនឹងជួបបញ្ហាស្ងួតស្បែកមែននោះ យកល្អគួរតែញ៉ាំត្រសក់ជាទៀងទាត់ហើយ។ នេះដោយសារតែ វាផ្ទុកទៅដោយជាតិទឹកច្រើន។ ក្រៅពីនេះ វាក៏សម្បូរវីតាមីន C សម្រាប់ជំនួយដល់ការផលិតកូឡាជែនសម្រាប់ស្បែកផងដែរ។
ប្រេងដូង
តើអ្នកមានឆ្ងល់ទេថា ផលិតផលថែរក្សាសម្រស់ភាគច្រើននិយាយថាអាចបំបាត់ភាពស្ងួតរបស់ស្បែកបាន នេះដោយសារតែវាផ្ទុកទៅដោយជាតិប្រេងដូង។ ប្រេងធម្មជាតិមួយនេះល្អបំផុតសម្រាប់ផ្តល់ការបង្គ្រប់ជាតិទឹកដល់ស្បែកយ៉ាងខ្លាំង។ មិនខ្វល់ថាអ្នកប្រើវាដោយការលាប ឬញ៉ាំទេ វាសុទ្ធតែអាចជួយបំបាត់ភាពស្ងួតរបស់ស្បែកបានទាំងអស់។
ទឹកដោះគោ
ការញ៉ាំទឹកដោះគោក្តៅឧណ្ហៗមួយកែវនៅពេលគេងអាចជួយឲ្យអ្នកគេងលក់ស្រួលបាន។ (អាន:ថ្នាំងងុយគេង ពេលអ្នកគួរប្រើ)តើអ្នកមានដឹងទេថា ទឹកដោះគោក៏អាចផ្តល់សំណើមដល់ស្បែកបានដែរ។ ដូច្នេះដើម្បីស្បែកមានសំណើម គួរតែព្យាយាមបញ្ចូលទឹកដោះគោទៅក្នុងរបបអាហារប្រចាំថ្ងៃផង៕